⊱━━━━⊰✾⊱━━━━⊰
بِسْمِ اللَّـهِ الرَّحْمَـٰنِ الرَّحِيمِ
⊱━━━━⊰✾⊱━━━━⊰
روايــة : أبنة الشيطان
بقلمي : الكاتبه توته
مهم ⚠️" تصويت + تعليق بين كل الفقرات حبيباتي ☘️🤍"
بـكيتُ فجـرَ البارِحـة وَاليوم
أيضاً بُكاءَ الخائِف وَبُكاءَ ألذي خابَ ظَنَهُ كَثيراً
ألذي خَذَلتَهُ الحَياة وَمِن فيها
ألذي فعلَ مافي وِسعَهُ وما لَيسَ في وِسعَهُ أيضاً..
· · • • • ✤ • • • · ·
رفعت راسي مصدومه شديصير شنو هاي الشرطه وياترئ علينه لوو علئ غير عالم ابوي والرجال الواكفين ويانه صارت وجوهم تنطي الوان خافو حيل
ركض اخوي راح يباوع من الشباك شاف الشرطه جايه باتجاهنه دار وجهه علئ ابوي وهوه وجهه اصفرر
برهان : الشرررطه جايييه علينه
سلمان ; منوو بلغ انتممم سويتووووها موو انتم
::شتحچي انتَ شلوون نبلغ واحنه كلنه متورطين بهل شغل اكيد غير واحد بلغ
برهان : شنسوي هسه شلوون نطلع
::ننهزم عدكم باب خلفي للبيت مو
برهان : أي
لزم ايدي الرجال بقوه وسحبني عليه ارتعبت كلش وباوعتله بخوف وتوتر ابوي واخوي راحو للغرفه مدري شيسوون وهذا الرجال سحبني وياه وجان يريد ينهزم من الباب الخلفي اني مفاهمه أي شيء مثل الاطرش بالزفه بس افرفر بعيوني
فتح الباب وطلعنه سيارات الشرطه ترست المكان نزلت الجنود تتراكض للبيت بقينه واكفين ورا البيت الرجال كل ساعه يطلع جهازه يتصل مدري علئ منوو وهذاك الثاني يباوع النه ع شرطه.
احس راح يغمئ عليه من الخوف شديصير ياربي دخيلك شمسوين ليش الشرطه جايه علينه وليش هيج خايفين منهم شنوو الجريمه الي متورطين بيهاا اهلي واني ماعرف بيهاا
::لاطلعين صووت دير بالج.
جسمي صاار يرجف مثل السعفه عيوني انلمت دموع ماعرف شلوون اتصرف خليت ايدي علئ حلكي اكتم صوت البچي مالتي
دخلو الجنود علئ بيتنه سحبني الرجال وركض يريد يدخلني بالسياره مانحس ألا شرطه طوقتنه صارت علينه داير مداير وكلها رافعه اسلحتهاا علينه
