⊱━━━━⊰✾⊱━━━━⊰
بِسْمِ اللَّـهِ الرَّحْمَـٰنِ الرَّحِيمِ
⊱━━━━⊰✾⊱━━━━⊰
روايــة : أبنة الشيطان
بقلمي : الكاتبه توته
مهم ⚠️" تصويت + تعليق بين كل الفقرات حبيباتي ☘️🤍"
گاتلني العَطش بس بالي مرتاح
أشرب بالرمل ومَا أنذل للانهَار
وي الگاع طولي ومن تچي الريح
أضِل ثابت أنة وتهتَز الاشچِارَ
لـ سَمير صبيح
· · • • • ✤ • • • · ·
انصدمت من سؤاله معقوله يشك اكو علاقه بيني وبين اخوه زين ليش ؟
_انتَ واعي علئ نفسك شنو هل كلام هذا معقوله هيج تفكر
رائد : أي واعي وبكل قواي العقليه جوابي علئ سؤالي بصراحه وابد لاتخافين اني وياج بكل شيء تسوينه حته لوو بينكم علاقه اطلكج واخلي يتزوجج غصباً ما عليه احچيلي كلشي ولاتضمين الموضوع عني
_رائد شبيك انتَ صدك تحچي منين اعرف اخوك اني ؟حته تكون بينه علاقه انتَ ماتشوفْ تصرفاته وياي اسلوبه هوه يكرهني بشكل موو طبيعي وحته ماعرف عَ شنوو هل كرهه هذا كله وهسه جايني تگول علاقه
رائد : اكيد؟
_انتَ بيك شيء سامع شيء عني احچي لاتبقه تحچي وياي الغاز تعرفني ماحب هل اسلوب كلش گول ليش هيج تفكر
رائد : لأ ماسامع بس اريد اتاكد لأن انتِ هسه مرتي اني عرضي ماريد أي بشر يمسج بحجايه ماريد العالم تحچي عنج بالموزين اريد تكونين صادقه وياي بكلشي ما تضمين علي شيء ابد يكون زواجنه مبني علئ الصدق والثقه.
_اني طول عمري صريحه وماجذبت عليك بيوم واذا عندك شك بيه او سامع أي حجايه عني تگدر طلكني لاتحسسني اني بلا شرف اني كلشي ولا شخص يقلل من قيمتي وشرفي افضل اموت ولا شخص ينظرلي بهاي النظره.
رائد : ماگلت شيء حته تضوجين وتحچين هل كلام هذا.
دمعن عيوني استهضمت حيل من كلامه عمري كله ماتخيلت ينظرلي بهل نظره هوه اكثر شخص يعرف اخوه شلون يكرهني ومايطيقني شلون يفكر هيج تفكير مد ايده لزم ايدي دفعت ايده بقوه ونظرتله بغضب
_لاتمسني دير بالك
رائد : ليش ضجتي من كلامي
