⊱━━━━⊰✾⊱━━━━⊰
بِسْمِ اللَّـهِ الرَّحْمَـٰنِ الرَّحِيمِ
⊱━━━━⊰✾⊱━━━━⊰
روايــة : أبنة الشيطان
بقلمي : الكاتبه توته
مهم ⚠️" تصويت + تعليق بين كل الفقرات حبيباتي ☘️🤍"
اصنع لـِ نفسكَ عالم تفاصيلُه تُشبهك .🤍🍃
.➛ ✿✿ ✿✿ ✿✿ ✿✿ ➛.
ثريا "
مارحت ويه سرئ لعزيمة قطوف لأن بيبي تريد تروح للبصره واني اريد اروح وياها
خليتها تنتظرني من لبارحه جانت تريد تروح بس لخاطر قطوف انتظرت
طلعنه العصر للكراج اني وبيبي ناخذ سيارة للبصرة
_بيبي ماعرفت احنه شنسوي رايحين عندج شغل لوو شنوو مافتهمت؟
بالقيس : اكو ادويه اريد استلمها بدال الدكتورة مينا من صيدلاني تابع للمستشفئ وهم اريد امر بولد اختي حواء هناك بالبصره.
_هيه اختج عايشه
بالقيس : لا ماتت من زمان عدها ولدها عايشين بالبصرة هوواي واحفاد احفادها هم موجودين
_يااا احفاد احفادها لعد شكبرها هيه موو بكدج
بالقيس : هيه الجبيرة بينه چا واني هسه بعينج صغيره موو راح يدخل عمري بـ 64 سنه
_بس والله ممبين عليچ هل كد
بالقيس : كافي من أسالتج وابقي هنا بالجنط رايحه اشوفلنه سياره واجيج
_تمام.
عافتني وراحت لبست نظارات وارتكيت علئ الجنطه اكلب بجهازي اهل السيارات شيء يصيح عماره شيء يصيح بغداد اجه واحد من الولد وكف كدامي وكال.
::هاا خويه وين توصلين؟
_بصرة
::أي طالع بعدلي نفر تفضلي وياي
_احنه نفرين
::هاا ماشي صديقي فارغ اذا تحبون تعالو وياه
_تمام بس خليني اتصل اتصال وهسه نجي وين سيارتكم؟
::هذيج السيارة الجارجر السوده
_تمام
عافني وراح اتصلت علئ بيبي وگلت الهاا لگيت سيارة اجتي بسرعه رحنه علئ السياره شويه واجه الولد صعدنه وياه جاب بعد 2 رجال ومره الرجال گعد بالصدر والمره ويانه گعدت ورا.
