⊱━━━━⊰✾⊱━━━━⊰
بِسْمِ اللَّـهِ الرَّحْمَـٰنِ الرَّحِيمِ
⊱━━━━⊰✾⊱━━━━⊰
روايــة : أبنة الشيطان
بقلمي : الكاتبه توته
مهم ⚠️" تصويت + تعليق بين كل الفقرات حبيباتي 🌿🤍"
﴿وَمَا كَانَ اللَّهُ لِيُعْجِزَهُ مِن شَيْءٍ﴾
· · • • • ✤ • • • · ·
انصدمت من گال هل كلام يعني سبب كرهه ضياء القطوف هوه موت ابوه بسبب ابوهاا احس عقلي وكف من سمعت كلامه.
_شلون مجاي افهم ليش يسويله سحر يعرفه يعرفكم اشرحلي.
ضياء : لأ مايعرفنه ولا حته احنه نعرفه بس ابوي تزوج مره ثانيه علئ امي اسمها كواكب سحرته هيه سوت السحر عند ابو قطوف وشربته الابوي ومات بسببهم همه الاثنين
خلته محبس بايدهاا صارر يتعارك ويانه ويعادينه مثل تصرفاات رائد هسه تماماً
اني ليش اريده يبتعد عن قطوف لأن اعرف نهايتة راح تكون مثل ابوي واني ماعندي غير هل اخو ماگدر اضحي بيه ماكدر اباوعله شلوون يموت كدام عيني مستحيل اسمح الها تاخذه مني يمكن ابوي جنه منعرف علته بس هسه رائد كلشي واضح گدام عينه شتردين مني اكعد واسكت مستحيل مراح اخليها تاخذ أخوي مني
_ضياء لاتخبلني شنوو يموت ليش قطوف شتسويله مثلاً احسك جاي تبالغ كلش هوواي يمكن تكون مرت ابوك سوت سحر محبه ونقلب عليه السحر وخلاه يموت موو كل انسان يرتبط ببنيه معناتها انسحر وترا قطوف ابد ماتشتغل مثل ابوها لاتفكر بهيج امور.
ضياء : لج بابا هاااي البنيه خبيييثه اخبث خلق الله اتعجب عليكم شلوون تحبونها وتثقون بيها هاااي بنت أبنة الشيطان هاااي رابيه ويه الجن والسحر والشعوذه شلوون تصدكون بيها وبكلامهاا مجاي افهمكم تكدر تخدع اكبرر واحد بيكم وتمشي علئ اصابعهاا
ابوي قبل هم هيج صاار يحب كواكب وتخبل عليهاا منا لحد ما قضه عليه السحر وخلاه بفقد حياته ويموووت صدكيني رائد هم راح تكون نهايته مثله اني ماريد منهاا أي شيء حالياً غير انو تبتعد عن حياتنه
