බෲස් බෲස් ..
එක ඇහැක් විතරක් ඇරලා මන් කොට්ටෙ අස්සෙ ගහලා තිබුන පෝන් එක අරගෙන බැලුවා .
cheeth
ado ubala tharu baluwada
8.34am
මුගෙ අප්පට !! ගශ් බල්ලා .. මූ අර මොකද්ද මගුල් ඇප් එකක් දාගෙන පොත් කියවලා වැඩි වෙල . අහිංසක අපිට පාඩුවෙ ඉන්න දෙන්නෙ නෑ . තරුවක් ගැන අහනවා .
"එහෙනම් හේමව අපිට දෙන්න "
විතානාරච්චි ඇමති තුමි . එහෙමත් නැත්තන් මගෙ අත්තම්මා , මගෙ අප්පච්චිගෙ අම්මාගෙ ප්‍රතිචාරය උනේ ඒක . මම දැනටමත් මන්ධීර්ව මැරි කරලයි ඉන්නෙ කියපුවහම අත්තම්මා වගේම සීයා පාපා ඒ කියන්නෙ අප්පච්චිගෙ පපා එක්ක සාම සාකච්චාවක් තියලා ඒ දෙන්නම තීරණය කරලා තිබ්බා . මන් වෙනුවට හේමව බිස්නස් වලට ජොයින් කර ගන්න . වගේම පරම්පරාව ඉස්සරහට ගෙනියන්න .
පවුල් දෙකෙන්ම මාමායි බාප්පයි ඉතුරු වෙලා හිටියත් තාම එයාලා ත් ඇතුලුව අපේ අප්පච්චි ගෙ ප්‍රොපටීස් වලට අනාගත භාර කාරයෙක් එයාලට ඕන කරා . නිකන් නෙවෙයි පවුලෙ නම ගෙනියන්නත් කෙනෙක් එක්ක .
අපේ මාමා එලිපිට බාප්පව උස්සපු දාට තමා අත්තම්මට පපුවෙ අමාරුව හැදෙන්නෙ .
ඒත් එහෙම දෙන්න පුලුවන් ද එයා ලා කියපු පලියට මගේ නිදහස වෙනුවෙන් මගෙ මල්ලිව බිල්ලට දෙන්න තරන් පහත් සහෝදරයෙක් නෙවෙයි .
"බැහැ !!"
"එතකොට දේපල. පවුලෙ නම "
"මට ඕවලින් වැඩක් නෑ . අවුරුදු විසි ගානක් තිස්සෙ අපිට හිටියේ අප්පච්චි විතරයි . ඔයාලගෙ සම්බන්දයක් ඕනේ නැති නිසානෙ අප්පච්චි ත් මේවට ඇගිලි නොගහා හිටියේ ඒ නිසා අපිට ඕනෙත් නෑ . ඒ වගේම හේම වත් ඌ ඉපදෙනකොට ඔයාලා කියලා නෑදෑයො කොට්ටාසයක් අපේ ජීවිත වල හිටියෙ නෑ වගේම ඉස්සරහටත් එහෙම නෑ කමක් ඕන වෙන්නෙ නෑ .
මමනෙ උගෙ අයියා . මට පුලුවන් ඒ නිසා ඌ ගැන තීරණ අරගෙන ඌව බලා ගන්න . "
"හොදටම විශ්වාසද මේ තීරණේ ගැන " සියා පපා ඇහුවෙ බැරෑරුම් විදිහට . සීයට පිටි පස්සෙ හිටගෙන හිටපු මාමා දිහත් මන් එක වතාවක් බලලා ආයෙම සීයා පපා දිහා බැලුවා .
