ما كان في الحسبان يقوى الهجر أعز انسان//للكاتبة:بنت بلادي

16

البارت السادس عشر:

&
:
&
بسم الله..استغفرالله.. لاحول ولاقوة الا بالله..سبحان الله
_____

كامل الاوصاف فتني..
والعيون السود خذوني

من هواهم رحت اغني
آه يا ليل آه يا عين

......
دخلت لقاعة الزواج بعد مانزلت عبايتها
واقفين بلاستقبال اهل العريس بفستانيهم وكشختهم
سلمت عليهم وصوت الاغاني مالي المكان
على جنب كانت المرايه فيها المبخر والبخور والعطور
وقفت تعدل شكلها وشعرها ثم دخلت متوجهه لجهة اهل العروس
ناظرت لحريم عمانها وعمتها وبناتهم تنهدت بضيق
وهي تتصنع الابتسامه سلمت عليهم
بينما هم كانو يردون السلام
بحراره بعد ماصارت الكامرات عليهم
جلست بعد ماسلمت عليهم تناظر بعيونها للي يرقصون
والي يسلمون والي رايح والي داخل والاغاني شغاله باعلى صوت
مدت يدها للعامله الي وقفت قدامها تقهوي
اخذت لها فنجال تصحصح فيه
لباقي العرس ابتسمت لمنظر بنتين يراقصون بعض
وشوي تدخل الام بينهم تراقص في بنتها
ومن بعدها تفز حرمه عجوز
تراقص معهم البنت الي صارت بنص ترقص
خلصت الاغنيه وتقدمت البنت مقبله راس العجوز
وتسحبها حرمه ثانيه تسلم عليها وتتكلم مع امها
قاطع تأمل ريم عمتها نوره بعد مالاحظتها
والي الي توجهة لجهتها
فزت ريم تسلم عليها بحب :وش هالزين
ضحكت نوره:وه بس قليل عند زينك
ابتسمت ريم لها وهي تسحبها تجلس بجنبها
يناظرون بعيونهم للي بدو رقص على انغام اغنيه ثانيه
ويهمسون في مابينهم معلقين على البنات وزينهم
بعد مده اشتغلت اغنية وكانت كلماتها عن لباس الاحمر
نغزت نوره ريم بهمس: قومي ارقصي عليها
همست ريم بحراج: لا...
وقفت نوره تسحب ريم :يالله اخلصي..
عدلت ريم شعرها بخجل من اصرار عمتها
تقدمت لساحة الرقص جاذبه الاناظر لها بجمالها الرباني
ترقص وتتمايل على انغام الاغنيه
ماتجرأ احد من الحضور يقاطع رقصها تاركين الساحه
والملعب لها تزهيه بزينها جاذبه جميع الانظار
تحت نظرات عمتها الكارهه لها
انتهت الاغنيه على رجعت ريم لمكانها
سحبتها حرمه كبيره بتسائل قبل تجلس:ياقلبي متزوجه؟
ردت ريم بخجل: ايه يا خاله
ابتسمت لها الحرمه:ماشاءالله ياحظه فيك...
ابتسمت ريم بمجامله لها ثم جلست بعد مامشت عنها الحرمه
ضربتها نوره على جنب وهي تهمس لها: يويلي ياريم تهبلينن
ماشاءالله لما رقصتي الاحمر عليك نار
ابتسمت ريم بحراج:يووه عمه لاتحرجيني
نوره: طيب تحلليني؟
عقدت ريم حواجبها باستغراب: على وش
رفعت نوره جوالها توسعت عيون ريم بصدمه كانت مرسله
مقطع رقصها لسلطان:هىئ عمهه امسحييي امانههه
سكرت نوره جوالها بسرعه: خليه يتمقل بحلاله ادري فيك
ماترقصين لها
غطت ريم وجها باحراج لثواني:استغفرالله عمه مو من جدك
امانه امسحيه والله فشله
وقفت نوره:مالك دخل ماهو انتي الي مرسلته انا
ناظرت ريم لعمتها الي متوجهه لجهة الحمامات
فزت ناويه تروح وراها تصر عليها تمسح المقطع
قبل لايفتحه سلطان ويشوفه
بينما عمتها نوره دخلت للحمام تعدل روجها
ناظرت للباب على دخلت ريم: لاتحاولين ماراح امسح
وقفت ريم بجنبها تقرب تناظر لروجها اذا راح:طيب مردوده
ناظرت ريم بعيونها لعمتها نوره الي مرت من جنبها
ناويه تطلع وتلعب بحواجبها لريم بطريقها
ضحكت ريم بسخريه على حركتها:تشوفين... بكرا تندم ياجميل
رجعت على ورا تعدل فستانها الماسك على جسمها
ثم طلعت ناويه ترجع لداخل ماره بجنب البوفيه:رييمم
وقفت على صوت تناظر لزيد ولد عمتها ام عادل يركض جهتها
ثم حضنها بفرح:ريمم ...انتي وينكك
نزلت لمستواه بتفاجئ:ياهلا بزيد المشاغب وش تسوي هنا
اشر زيد بيده بجهة المطبخ وغرفة البوفيه:نجيب العشا
ابتسمت ريم بشتياق وهي تقرص خدوده:يووه لك وحشهه
كيفك وكيف المدرسه..؟
عبس زيد بملامحه:يعع مب حلوه
ابتسمت ريم له ثم وقفت وهي تلعب بشعره:يالله روح انا مشغوله الحين
شد زيد على يد ريم:بتجينا بعدين تزورينا؟
ردت ريم عليه ببتسامه:ان شاءالله
رد زيد حضنها ثم بعد تاركها يركض راجع لمكانه
بينما كان في شخص واقف ورا الستاره الفاصله بين البوفيه والممر
يناظر بعيونه المشتاقه والمتلهفه لريم تنهد بضيق
وعيونه تتبعها بفستانها الاحمر وخصل شعرها المغطيه ظهرها
اللين دخلت مختفيه عن انظاره حلوه وتجذبه كعادتها
رفع يده لمكان قلبه ياخذ نفس بضيق هو شافها اول
مفروض له مو لعمر ولا لسلطان له هو...هو وبس
على صراخ زيد:ثامر عادي اخذ بيبسي واحد بس
لف ثامر له بانزعاج وبعصبيه:خذ احد ماسكك