ما كان في الحسبان يقوى الهجر أعز انسان//للكاتبة:بنت بلادي

18

البارت الثامن عشر:

&
:
&
بسم الله..استغفرالله.. لاحول ولاقوة الا بالله..سبحان الله
_____

نمسي على حال ونصبح على حال
يوم لنا واليوم الاخر علينا

يومِ سلى خاطر ؟ ويوم غثا بال
طبع الزمان وحكمة الله فينا

....
بعد اسبوع
الصباح
صحت ريم بأنزعاج من الصداع الي داهمها
رفعت يدها تدلك مقدمة راسها بضيق وبهمس:اوفف ياشينك من صداع
لفت للجهه الثانيه وهي تتغطى زياده من برودة الغرفه
لكن ابتسمت بهدوء بس لاحظت سلطان والي كان صاحي
يتأملها من البدايه ببحة صوته : صباح الخير
ردت بخجل وعينها تتبع يده الي ابعدت بعض
الخصل عن وجها:صباح النور..صاحي بدري؟
قربها سلطان له وهو يدفن وجهه بين كتفها ورقبتها
وبهمس خامل:اييه ماجاني النوم
عقدت ريم حواجبها بستغراب وبيدها
تلعب بخصل شعره :ليه وش شاغل بالك
رد وانفاسه تضرب رقبتها: سفره احتمال بعد
اسبوعين وجالس اجهز لها
رفعت ريم سلطان عنها بستغراب :سفرت وش وكم بتجلس فيها
ابتسم سلطان لوجها القريب له قرب اكثر مقبل لها
تحت نظراتها المصدومه
بعد وهو يبتسم لها بخبث:ليه بتشتاقين لي
تهات ريم بنظرها وبحراج دفته عنها:ابعد تاخرت
وراي شغل...
تمدد سلطان بستمتاع وهو يناظر لها تبعد خصل شعرها
الطويل على ورا هاربه للحمام:بشوييش لاتطيحين
وصل له صوت ريم: دام مو معك ماراح اطيح لاتخاف
ضحك سلطان بصدمه: وش قصدك تاثيري قوي عليك
طلعت ريم راسها من باب الحمام بحراج:لا تسأل وانت عارف
عدل سلطان جلسته وهو يغمز لها:اقول وش رايك مانداوم اليوم
صفقت ريم باب الحمام وباصرار وصوتها
وصل له :قوممم اجهز ولا تستهبل
بعد دقايق طلعت ريم من الحمام
ودخل سلطان بعدها
وقفت تطلع لبسها الي بتلبسه تحت العبايه
ثم عبايتها واخذت بيدها المبخر ناويه تبخرها
توجهة للمطبخ وحطت الفحم على النار واقفه بأنتظار
تركتها لثواني متجهه للثلاجه تبحث بعينها عن مبتغاها
تنهدت بضيق:اوف ليه خلص
سكرتها وهي تروح للفحمه وتسكر عليها النار
وتشيلها تحطها بالمبخر
طلعت من المطبخ لغرفتهم النوم
ناظرت لسلطان الي كان واقف ولابس ثوبه
ويعدل بشماغه:حياتكم سهله امداك خلصت
لف سلطان لها بأنتباه وهي توقف جنبه تحط من البخور:اي وش رايك
اجل عبالك مثلكم سنه
نفخت ريم على الفحم وبدا البخور يطلع
قربت لسلطان وهي تبخره:طيب اليوم قبل ترجع جيب معك
فراوله وبعد خضره لسلطه
حرك سلطان البخور لجهته :ليه وش الطاري
بعدت ريم المبخر وهي تخليه عند عبايتها:بخاطري
فراوله ولا لقيت
عدل سلطان نسفته وهو يناظر لريم من المرايه العاكسه:اقول
وش رايك نفطر برا اليوم واطلب لك سلطه والفراوله
ناظرت له ريم بستغراب وهي تحط من المرطبات:ليه
ماتبي اسوي لك فطور هنا؟
لف لها سلطان وهو يقرص خدها:ماهو بلازم كل يوم تطبخين
ماخذتك عشان تطبخين لي ترى...نروح انا وياك
ونتفطر برا هم يطبخون ويغسلون ويسوون احسن لك
ابتسمت ريم بفرح:الله وش هالزوج السنع..
ضحك سلطان على ردها:اقول لاتخليني اكنسل
سحبت ريم عبايتها تلبسها:مايمديك حبيبي خلاص لبست
سلطان ناظر لها:يالبيه قوليها دايم
ريم وهي مندمجه تعدل بطرحتها ثم تمسك بالنقاب:وش
سلطان :حبيبي وبعد ما امانع اذا في اكثر من كذا
ربطت ريم نقابها وهي تعدل بزواياه:ابشر ياعمري انت يالله
انزل شغل السياره على ماجيك
نغزها على جنبها بعتب:تستهبلين علي انتي
سحبت ريم شنطتها بستمتاع وهي ناويه تطلع:ههههههه لا
استغفرالله انا استهبل عليك ظلمت حظك
مشى سلطان وراها ببتسامه:انتي شكلك مكثره
جلسه مع دانه...
طلعت ريم مع سلطان من جناحهم وبصوت
هادي:حرام لاتظلمها هههه مسكينه هي
طلع سلطان مفتاح سيارته وهو يلعب فيه:اي مره بعد