ما كان في الحسبان يقوى الهجر أعز انسان//للكاتبة:بنت بلادي

17

البارت السابع عشر:

&
:
&
بسم الله..استغفرالله.. لاحول ولاقوة الا بالله..سبحان الله
_____

يوم ابعد عن الناس مانيب ضايق
شخصيتي هادي واحب السكينه

العزله افضل من ضجيج الخلايق
نتايج الازعاج ماهيب زينه

....
في بيت ابو ماجد
الصباح قريب الظهر
في غرفه بطابق الثاني واقفه ام ماجد
فوق راس بنتها لمى والي متمدده على سريرها بارهاق:قايله لك انا
مناعتك ضعيفه..يوم انك تروحين المستشفى ليهه
رفعت لمى يدها تدلك راسها وببحه تعبانه:يعني وش
اخلي خويتي مريضه ومازورها ..خوياتك انتي تخلينهم؟
لا ماتخلينهم حتى قهوة الظهر اذا عزموك رحتي
ام ماجد والي تعبت من بنتها :اي الردود جاهزه ماشاءالله
المهم ابروح شوي لام مشاري بنتقهوى البيت
مافي غير الشغاله خواتك بالمدرسه واخوانك بدوام
لمى مدت يدها لحبة البندول والمويه:طيب اساسا
باكل بندول وبنام...
ام ماجد طلعت من غرفة بنتها وهي تتمتم:الله يصلحك..
تقلبت لمى على الجنب الثاني
رايحه بسابع نومه
بعد ساعتين
فتحت الشغاله الباب لهيثم:السلام
الشغاله:عليكم سلام بابا
دخل هيثم وبيده مسباحه كالعاده يلعب فيه:جيبي اوراق مال
بابا وليد انا في ينتظر مجلس هنا
سكرت الشغاله الباب وراه ناويه تروح تجيبهم:اوكي بابا
تقدم هيثم للكنب وجلس وهو يطلع جواله
يتعبث فيه شوي يمشي الوقت بانزعاج من وليد
الي مصحيه يجيب اوراقه الي ناسيهم
مرت دقايق طويله تأفف هيثم فيهم وهو يناظر للشغاله
عقد حواجبه بستغراب وهو يشوفها تدخل لجهة المطبخ
وترد تطلع مستعجله:هبله ذي اقول جيبي الاوراق تروح تشتغل
ناظر بتدقيق للممر وبعد دقايق
ردت الشغاله تمشي بسرعه لداخل
المطبخ ثم طلعت وبيدها ملعقه تمشي مستعجله
وملامح التوتر والقلق بادي عليها:هييه وقفييي
لفت الشغاله له بتوتر:نعم بابا
اشر بيده للملعقه: وش ذا
ردت الشغاله بتوتر:مافي شي بابا
ناظر لها وهي تمشي لداخل بسرعه
وقف هيثم وهو يرفع ثوبه بيد وحده ويمشي وراها
لاحقها ناوي يعرف وش وراها كذا صعد لطابق الثاني
بينما عيونه توسعت بصدمه كان المكان مليان دخان ابيض
ناظر لسلم الي يودي لطابق الثالث
والي فيه غرفة الشغاله كان مليان بين الدخان
الابيض والدخان الاسود
رفع يده يغطي فمه وخشمه يمشي صاعد بسرعه
لفوق وتحديدآ لمكان الدخان والي كانت غرفة الشغاله
دخل لداخل وعينه بالتكيف والي الشغاله تحاول تصلح فيه بالملعقه
بينما هو يدخن ويطلع شرارات
صرخ بغضب:انتي هيييي كح وش تسويين خبلهههه ابعدييي
لفت الشغاله بخوف وتوتر وهي مغطيه فمها:بابا..هذاا
انا كحح مافي معلوم يجي ياخذ ورق في كح كح انا يخلي هنا
هو تكييف في خربان انا كح يسوي يصلح
تقدم هيثم بسرعه وهو يتأكد من انه تكيف مسكر
الدخان الاسود بدى يكثر وينزل لكامل البيت تحت
والتنفس صار اصعب من قبل تكلم بصوت مكتوم:انزليي
تحتت بسرعههه ...كحح كحح
رفع هيثم جواله ناوي يتصل على المطافي قبل لا يحترق
لكن اشر بيده للشغاله قبل تهرب:هيييهه تعاليي في احد بالبيت؟؟
الشغاله وكانها تذكرت تكلمة بصعوبه من كمية الدخان:لمى
في موجود كح كحح غرفه هي تعبان مريض
ضغط هيثم على يده بقهر من الشغاله:وانتي جالسه هنا
والبيت مليان دخان والبنت نايمهه ناويه تذبحينها كحح
نزل مستعجل وبيده الجوال يتصل بالمطافي
والشغاله ورا ناويه تطلع تاخذ هوا
تكلم هيثم بستعجال:الوو السلام عليكمم كحح..يا الحبيب
عندي التكيف يدخن كحح كحح والبيت امتلى دخان ويكهرب.......
.........ابشر الحين ارسل لك الموقع...كحح استعجل بس
سحب هيثم الشغاله الي كانت ناويه تنزل لتحت من ثيابها وهي ترجع له
من قو السحبه ثبتها قبل تطيح على ورا وبقهر وبيده يغطي فمه
من كمية الدخان الي كانت ماليه البيت :كح ويين غرفه كح لمى
يالبهيمه بسرعهه..كحح كحح
اشرت الشغاله للباب الي كان قدامهم دز هيثم الشغاله بعدم اهتمام
وتحرك بسرعه يفتح باب الغرفه والي امتلت دخان من تحت وكان شبه مرتفع تقدم بسرعه للمى والي كانت نايمه ووجها
كان شبه مخنوق سحبها من يدها يرفعها بسرعه وهو يبعد
شعرها الي مغطي بعض وجها ويضرب
بخدها عالخفيف برعب:لمىى ..لمىى اصحي لمىى ..يا بنتتت
زفر بقهر وتوتر وهو يبعد الغطى بسرعه ويرفعها ببجامتها
نازل فيها بسرعه ناظر لوجها بقلق والي كان على كتفه
وملامح الارهاق واضح عليه
طلع برا البيت وبيده طلع مفتاح سيارته
تقدم للباب الخلفي وهو يفتحه ويسدح لمى فيه
سحب شماغه وهو يحاول يغطي بشعرها بهمال
سكر الباب ناوي يروح لمكان السايق
لكن ناظر بشغاله الي واقفه بقهر وعصبيه صرخ بوجها :ثوووله
وقسم بالله انك ثوووولههه خل يصير فيها شي بس
تحرك مشغل سيارته متوجه بسرعه لاقرب مستشفى عندهم
وبيده جواله يتصل على احد ينتبه للبيت والمطافي الي بتوصل