خيوط ألذهب

البارت 1

لا تنسون التصويت اسفل البارت
+
ترك تعليقاتكم على فقرات القصة
التنزيل يعتمد على حجم التفاعل
قراءة ممتعة

♡♡♡♡♡♡♡♡♡♡♡

دمي ملوث بالحزن والنيكوتين أفكر بالانتحار كل يوم ..
لكني أمرر الأيام أقول اليوم سأتحمّل ،، وغدًا سأنتحر
هكذا تمكنت من النجاة ستة وثلاثون عاماً ...

في يوم حزين وكئيب ..
مساء نوفمبر ... الجو متوسط البرودة ..
حسيت كل الدنيا ضاقت بيه ...
مر وقت الدوام على اعصابي ..
وبطريقي للمقبرة حتى افرغ كل همومي وحملي يم قبر أمي  ..

دخلت مقبرة الكرخ
ركنت سيارتي ونزلت امشي بسرعه حتى اوصل لقبرها
مشتاق للحظة اوصل يمها .. اكعد واحاجيها بكل سالفة صارت من اخر مرة زرتها
. امي تعرف كل تفاصيل حياتي كل اسبوع ازور قبرها وانقللها احداث الاسبوع الفات واحياناً يفيض شوقي وحنيني الها ازورها قبل موعدي الاسبوعي ...

المقبرة مترامية واسعة
والقبور منتظمة بأعمدة متوازية
عبرت كل القبور .. قبر جدي ..جدتي .. عمي .. خالي .. وبعض الاقارب .. واكول بكلبي جايكم بعدين هدفي هسه اوصل لقبر امي ...
وصلت يم قبرها .. ذبيت نفسي للكاع بكل حيلي وقوتي . رجعت طفل صغير بعمر 8 سنوات ( تاريخ وفاتها ))

حطيت راسي على القبر بطريقة السجود  وانوح بكل قوتي  ابجي بصوت عالي حيل
ساعة 4 مساءاً بتوقيت بغداد المقبرة فارغة من حسن حظي كل مرة ازور امي اخذ راحتي وافرغ كل همومي بدون مااحد ينتبه علية .....

يمة طولتي بنومتج ... مااشتاقيتي النا .. ما كلتي شلون اعوفهم ..شلون عفتينا يمة والله بعدنا بحاجتج ... محتاجج هواية بحياتي تمنيتج وياية ... كلشي تغير يمه .. احنا كبرنا ..خواتي واخوية تزوجوا وصار عدهم اطفال بس لهسه محد سد مكانج .. كل لحظة نذكرج بفرحنا بحزنا يمة غيابج كسرنا من الصغر وتعبنا بالكبر .. ...

اخخ اخخخخ ..جريت حسرة طلعت باكيت الجكاير والجداحة والسلاح حطيتهم عالقبر .
عدلت كعدتي ...تربعت بصف قبرها ..صفنت واني دموعي تنزل .. احجي وياها واسولفلها كل المواقف الصارت من ذاك الاسبوع ... مره اضحك  ومرة ابجي وبين هاي المرات دموعي متواصلة تنزل ما توكف ...
منظري مثل المجنون من اضحك واني ابجي ...
مسحت دموعي وجريت حسرة حسيت صدري راح ينفجر ... وكتلها  :-يمة ابوية بعدة حقير ومو ادمي ..وعدتح اخذ حقج منه بس يا يمة شنو بأيدي .. شنو بأيدي اكتلة خلاص هم ماترضيها عليه اكيد .. ماترضيها أخلص باقي عمري بالسجن وانحرم منج وتنحرمين من جيتي وسوالفي يم كبرج ... يمة كل يوم ادعي الله ياخذه ويخلصنة حالف مااوصل لقبرة بيوم .. حالف حتى الله يرحمة مااكولها من اذكر اسمة ... كلبي نار ...( ضربت على كلبي حيل ...دموعي تنزل بغزارة ملچوم كلبي من سوالف ابوية ... امي تفهمني من احجي ..تعرف زين ظلم ابوية ما وكف ليمها وانتهى ..