خيوط ألذهب

الحلقة ((5))

يآ أعز طين أعله عيني شغَيّرآك؟

-----

يسعدنا الانضمام بكروبنا على الفيسبوك بأسم
(( فستقات))

والانضمام بقناتنا على التلكرام
((zoshaa93))

----------

من شفت صورة محمد ارتبكت ..
كل حيلي راح جسمي كلة يرجف بخوف اتلفت بكل زوايا الغرفة ... وصلت مرحلة جسمي يرجف واطگ سن بسن ...

بس ارچف مااحجي شي محتضنة نفسي وابچي دموعي تنزل وصوت اسناني وهي ترتطم ببعض ..

خايفة حيل ..خايفة لا تكون ماما عدها علاقة ويا !! ... خايفة لا منطيتة آمل وتسمحلة بيوم من الايام يدخل بيتنا واشوفة قريب من عدنا ...ياربي لااااااا .. خسرت كلشي وبقت بس ماما الي ...مااريد محمد ياخذها ويحرمني منها

بقيت أفكر ...كل شوية ارتب سيناريو بخيالي ...وصلت مرحلة من التفكير ان ماما تتزوج محمد ويدخل لبيتنا ويأذيني اكثر من هاي الاذية ..معقولة ماما تسويها ..ماما تعرف كلشي صار ويايه .. تعرف رفضة الي ومحاربتة لاخر لحظة قبل لا اتعرض للحادث وتنتهي حياتي الطبيعية ...

لا مستحيل ماما ما تسويها اساساً هي تكرهه من قبل وما تنطي وجه .. وبكل مكان يحضر بي محمد تطلع من عنده بسرعه ... ماما تضوج من عنده لدرجة حتى سلام ما تسلم عليه من تشوفه ..

-------

مهند

-------

قطعت الاتصال ويا رسل وطلعت ركض لسيارتي .. توجهت لبيت عمو حسين ..

وصلت لبيتهم والباب ما مسدودة مفتوحة شوية ..دفعتها ودخلت مستعجل باتصال رسل كلشي مو طبيعي صوت الصراخ ليمها صوت الطلق صوت التفليش .....

اول ما دخلت شفت حمودي كاعد يم اياد بالحديقة واثنينهم ضايجين صافنين ومقهورين حيل ...

تقربت عليهم... حمودي رفع راسه وشافني .بسرعه طخ اياد على ايدة يعني مهند دخل ..باوع عليه اياد
بهاي اللحظة فكرت شنو أكول الهم وعلى شنو اجيت !!! رسل اتصلت علية من رقم جديد وغريب معناها هذا موبايلها سري من كرم وبدون علم أهلها !! مايصير احجي شي لان البنية تنقتل بدم بارد  ..الحمدلله انتبهت وكدرت  اسيطر على لسلني قبل لا اعقد الوضع وافلت لساني بكلمة...

اياد .. ها هنودي

مهند ... ها شلونكم هههه شلونك حمودي

حمودي ...صاير شي مو طبيعي انتَ ؟؟

مهند ... لا بس اجيت اشوف خالة سهاد