خيوط ألذهب

البارت 9

ياحسافة نباعت العشرة بدراهم ...
الجان وجهة لوجهي يرهم ،
هسة صار لكُلشي راهم !

__________
يرجى التصويت بنجمة أسفل البارت
+
ترك تعليقاتكم على فقرات القصة
التفاعل مايساعد على التنزيل اليومي
وراح يرجع نظام النشر بين يوم ويوم

__

شفت ياقوت بهذا المنظر صرت مااشوف شنو كدامي
ركضت على زيد ضربتة بوكس على بطنة وكعتة للكاع ..

كلش تأذة لزم بطنة وكام عليه ضربني على صدري ولازمني من بلوزي ويجر بيه يريد يوكعني للكاع ..

ياقوت بملابسها الممزقة وشعرها المكفوش وعيونها كل دموع تصيح وتلزم بية ..تحاول تبعدني عن زيد ...

حتى وحدة من ضربات زيد صارت على زندها وكلش تأذت كعدت بالكاع لازمة ايدها ..

رغم صراخ الجهال ووجع ياقوت ماتركت زيد جنت اريد اضربة اقوى ...

اخر شي دفعتة ورحت على ياقوت ..
مهند ابن ياقوت يبجي واجه يركض على ابو ..

بابا ..بابا ..رهف طلعت للشارع راحت تركض بعيد ..

(( زيد شهك وطلع ركض عليها ... ياقوت تصيح بنتي ..بنتي راحت ... يمه بنيتي ...

طلعت للشارع ...شفت زيد ناص للكاع وحاضنها وهي تبجي خايفة حيل ...

ياقوت لبست جادر الصلاة وتريد تطلع لزمتها ..

مهند ... اشش جابها ابوها لا تطلعين ..

((دخل زيد ...سكتت لان منظر الاطفال يفطر الكلب ..خايفين ويبجون شنو ذنبهم حتى يشوفون هيج كدامهم ...
زيد سكت شايل رهف بأيدة ..متعلق بيها ويخاف عليها بشكل ...
وكفت يم الباب وخزرته منتظرة يطلع بره واحجي ويا ... اليوم لازم اشوف حل هاي مو اول مرة يضربها ..

ماباوع عليه ..
اصلاً معتبرني ماموجود ..
ياقوت حاضنة اولادها وتهدء بيهم ..
الغريب شفت زيد ترك رهف فجاة ولم اوراق من الكاع وضمهن بجيبة ..

مهند .... اذا انت رجال امشي اطلع بره احجي وياك

زيد .... انجب لك !؟ رجال شنو اني ساكت لخاطر رهف ما مستعد اخسرها لو تصير بيها حالة نفسية بسبب اختك الساقطة !

مهند ...احترم نفسك لا بالقران اخربط معاني وجهك ..(( تقربت عليه داضربة ..شفت رهف خايفة ضمت راسها لصدر ابوها ..))

زيد ....اي قبل لاا ادافعلها اعرف شنو السبب

مهند...سبب ! ليش ياقوت بيها اغلاط ! لك يا سبب يخليك هيج تضربها