خيوط ألذهب

البارت 24

توني اشك بأول رسالة ومرني شوگ
گمت الملم بالحروف الشاگهن

---

قراءة ممتعة..

------

لزمني من ايدي وطلع بيه من بيتهم ..
طلع للكراج وهو يجر بأيدي ويمشي بعصبية ..
مهند يسحب بيه من ايد يريد يرجعني وزيد يسحب ايدي الثانية يريد يطلعني من البيت

مهند ....دقيقه وين ماخذها ..منو سمحلك تطلع بيها من البيت بدون موافقتي

زيد ... ايييييييييي كافي لك كافي مو عايف اختي تنهان وساكت ..اذا انت تقبل اني مااقبل أفتهمت لو لا !!!

مهند .... لغوة زايده لا تلغي ! ثق بالقرأن اطلع كل ضيمي بيك هسه..

(( ياسر جان يبعد زيد عن مهند ...يهدي بينهم ...
جنت لازمه ايد زيد ومتمسكة بيها ..اريد اترك بيتهم هذا ومااريد ارجعله مره ثانية ..
مستعده بالكامل لاي خسارة المهم اتخلص من جحيمهم حتى وان كانت نهاية طلعتي من البيت انفصالي عن مهند ...

ياسر .... زيد ..لك صدك تحجي ! لك لخاطري كافي شنو ماعندي خاطر يمك

مهند ....اتركها انطينياها كافي تلح مشكله عائلية اني احلها ..(( وكأنما يريد حاجه ك لعبه مثلاً ههههه))

زيد .... اختي تنهان لك هاي المدلله ! تعرف شنو ! هاي قمر مو غيرها

(( الولد جانوا يحاولون ينهون المشكله بين مهند وزيد ... اساساً صاروا يتناقشون بأشياء ثانيه وكأنهم واحد متحمل على الثاني ومشكلتي صارت سبب حتى ينفجرون بوجه بعض ))

مهند ....كافي لك ع الاقل اني احبها وزين وياها شتريد تسوي هسه هاااا ! مرتي ومتطلع من البيت الا على جنازتي لا تحاول تاخذ قمر وتسوي رد اعتبار

زيد .... لا والله مو جنازتك شو ماخذها من يمك وكدام عينك وانت موجود وراح تشوف كلشي واذا انت رجال احجي كلمة وكول لا

مهند ....كل هدفك تسويها وحده بوحده

(( عمار تقدم عليهم ...سحب مهند وبعده ..))

عمار ...كافي ..زحمة والله كافي

ياسر ....لك زيد شتكول لعمو يحيى لك بالقرأن اني راح اتصرف اني راح احل كلشي

زيد .... مااريد اي حل اختي ماتبقى هنا ..(( كل مره يسحبني والولد يمنعوا ..اخر شي اخذني ياسر من ايد زيد ...))

ياسر .....يابة بالقرأن راح احل كلشي

مهند ....هذا الكو...اد الساقط رايدها حجه لان ما شاف بيه عيب ؛!

زيد ....لوبيك خير ما تخلي اختي تصيح وتصير عصبيه هاي المدلله مالتنا اشك حلك اكبر واحد يحجي وياها ..