"اباهي بك الدنيا والعمر"
كانت يالسه روحها ملانه وماسكه تلفونها ، دخل عليها واحد وكان شبه يومي يكتب لها يبي يكلمها وهي مسويه طاف له ، هالمره قررت ترد عليه ، كتب لها
..: شخبارج؟
شمسه : الحمدلله
..: زين رديتي علي تعرفين من متى ودي اكلمج؟
شمسه : امم هيه اشووف بعده عندك اصرار اني ارد عليك
..: بس رديتي علي
شمسه : شتبي؟
..: ودي اتعرف عليج نسولف وناخذ ع بعض ونصير ربع
شمسه : ايوا وغيره؟
..: وغييره يمكن تتطور علاقتي معاج وتصير لحب ونختمها بزواج
شمسه : ماشاء الله مقرر تتزوجني بعد
..: اذا في بينا نصيب ان شاء الله ، شسمج؟ صارلي فتره احاول اصيد اسمج مب عارف
شمسه بجذب : مهره
..: عاشت الاسامي مهره وانا بدر صارلي اكثر من سنه اتابعج و ما افوت اي شي تحطينه حتى المطاعم والكوفيات اللي تروحينها اسير لها عل وعسى اتصادف معاج بس للاسف مايصير
شمسه : ههههههههه الحمدلله عيل يوم ماشفتني لليوم بفهم شتبي انت شتبي احسك مركز بحياتي واييد
بدر : قوولي اعجاب من طرف واحد بس ودي علاقتي معاج تتطور
شمسه : اممم بصراحه انا مب مال حب وهالسوالف بعييده نهائيا عن هالدرب ومافكر بعد اني احب او انحب
بدر : افا ليش الحب حلوو ترا ، بس مع الشخص الصح مب واحد غبي يقص عليج
شمسه : اشوف ربيعاتي كل وحده عندها حبيب وكل واحد اخس عن الثاني تحسسني اللي بحبه بيكون احسن منهم يعني؟ اكييد لا
بدر : اوك كل شخص عنده عيوب بس اصابع ايدج مب سوى ترا
شسمه : شي اكيد بس لا تتريا مني حب لانه مابتشوف شي مني
بدر : مب هامني الحين ، كل همي انج الحين تسولفين معاي ، تدرسين انتي صح؟
شمسه : هيه وانت؟
بدر : لا مخلص من زمان اداوم الحين
شمسه : اها انزين بكلمك عقب بسير اقعد مع اهلي
بدر : خذي راحتج بكلمج عقب
