شمسه : الحمدلله ع السلامه
حارب بدون نفس : من وين طالع انا تتحمدين لي بالسلامه؟
شمسه : مب مهم المكان المهم انك بخير وبعافيه
حارب تقدمها وراح عنها ، شمسه سارت سيارتها ورجعت البيت
ام شمسه : ها شو سويتي؟
شمسه : دفعت غرامته الحمدلله طلع
ام شمسه : وهذيج اللي كانت وياكم؟
شمسه : مادري عنها بعدين مايخصني فيها انا علي بريلي بس اتوقع عندها اهل واكيد بيدفعون لها الغرامه
ام شمسه : وينه ريلج عنج الحين؟
شمسه : سار بدربه وانا بدربي
ام شمسه : وليش ما ايي يشلج ويردج البيت؟ مايا في عينه انج دفعتي غرامته وطلعتيه من السجن؟
شمسه : حتى لو ماياني عادي المهم الحين هو ماعليه شي
ام شمسه : الله يهديكم بس
بعد شهر كان الوضع مثل ما هو ، بس اللي صار حارب دفع غرامة هند وطلعها ، صوب حارب
ام عبدالله : حارب حرمتك قربت ولادتها خلاص طيحوا الزعل اللي من بينكم قوم سير اشتر رضاها ورجعها معاك نحن نبي ولدنا يكبر عندنا مب عايبني الوضع جي ترا
منال : مهما صار من بينكم فروا كل شي وراكم انتو بييكم بيبي الحين ابدوا حياة يديده مع بعض شمسه ماقصرت معاك شالتك بعيونها ودفعت عنك الغرامه بعد المفروض تنسى كل اللي استوى من بينكم وتردها لك
ام عبدالله : والله انه هذي البنت ذهبه من دخلت عندنا البيت ماشفنا منها الا كل خيير رجعها حارب و ودر الزعل اللي بينكم انسى خلاص
حارب : ان شاء الله
منال : اروح معاك نسير لعندها؟ اذا ماتعرف تراضيها عادي انا بساعدك وبحاول اكسب رضاها لك
حارب : زين قومي وياي
