شمسه : وانت كيف عرفت؟
حارب : اهلي تووهم يقولون شكلها حامل
شمسه : امس عرفت ورقدت وانت مب موجود ما يا الوقت اللي اخبرك فيه بس الحين خبرتك
حارب : انزين ماعلينا ، سمعي انا بحوولج بيزات ع حسابج شهريا ، بس هذي البيزات اللي بحولها لج مابيج تقربين صوبهم خير شر
شمسه : عيل ليش تطرشهم لي !
حارب : لانه عندي مبلغ كبير وماقدر ادخله بحسابي وبنفس الوقت ماقدر ادخله بحسابج مره وحده مجبور اني احطهم دفعات
شمسه : انزين بيزات شو هذي؟
حارب : بيزاتي كنت ايمعهم والحين ابي احطهم بحسابج فتره وعقب برد اخذهم
شمسه : زين
حارب : انزين مابتروحين المستشفى تشيكين عالحمل؟
شمسه : اوك
شمسه قامت تجهز وطلعت معاه راحوا المستشفى وعرفت انها حامل بالشهر الثاني ، طلعوا ورجعها البيت ، بعد اربع شهور ، خلص وقت الجمعيه ، وبدر ماحصل ولا شي منها
بدر : كييف يعني شرد وسافر بالبيزات !! ماقلت انه ثقه ومب اول تعامل معاه !! شو اللي صار الحين !
حارب : ماعرف ترا انا معاك طارت بيزاتي وياك ، ان شاء الله بتطلع لنا هالشهر دبلات على البيزات اللي طارت منا
بدر : انا خلاص ماقدر اكمل معاك انا ديوني وصلت للمليون والبنك يطالبني اسددها ، كلم ربيعك وقوله اني بسحب بيزاتي كلها منه
حارب : بس انت الحين بتكمل قريب السنه داخل مستحيل يقتنع يعطيك شي الحين
بدر : ومتى بنخلص منه؟
حارب : دام انت دخلت الحين ماتقدر تسحب بيزاتك الا اذا خسرتها اصبر يمكن تطلع لك الحين مليون ماتدري ، هالاسبوع كل شي ببين ان شاء الله
