، قعد يدق الباب ماردت عليه ، كسر الباب ودخل ، انصدم
حارب : انتي شسويتي بعمرج !!
شلها وحطها عالسرير لبسها عباتها وشيلتها وطلع من الغرفه بيطلع من البيت ، منال شافته وهو شال شمسه ومسرع
منال : حارب شوفيها شمسه !!
حارب طنشها وطلع من البيت ركبها سيارته ، منال طلعت وراه
منال : تعال انت وين ماخذ البنت شوفيها جي شالنها ، سويت فيها شي انت؟؟ قووول
حارب : ماسوييت فيها شي خلاص روحي بلحق عليها المستشفى عن يصير لها شي
منال : ترياني بي وياك
حارب : ماقدر اترياج
حارب ركب سيارته وحرك مسرع للمستشفى، وصل ونزلها شلوها عنه ،، ع الصبح شمسه كانت في الغرفه ، نشت شافت حارب راقد ع الكنبه ، حاولت تتذكر اللي صار اخر شي ، تضايقت ، حست عمرها تبا الحمام ، قامت من ع السرير تبي تقووم ماقدرت ، حارب حس عليها نش ، شافها قاعده
حارب : الحمدلله على سلامتج ليش جي سويتي بعمرج؟ خوفتيني علييج
شمسه باستغراب : انت تخاف علي انا !!
حارب : والله اني خفت عليج مارقدت غير توني بس غفلت ع طلوع الشمس
شمسه : ودي اصدقك بس ماقدر
حاولت تشل عمرها من السرير ماقدرت، حارب شافها مب قادره راح لعندها مسكها من ايدها يساعدها ، شمسه وقفت
