انصدمت صدمة عمرها يوم شافته ماتوقعت ابدا هو نفسه حارب اللي كانت تتلاقى معاه يوم كانت تطلع مع بدر ، تمت مصدومه وبعدها مب مستوعبه صدمتها
شمسه : كييييف !! كيييف هذا حارب وماكنت مركزه في صورته بيوم الملجه!! مستحيل هو ! كييف جي ! شو اسوي الحين؟ شو بيسوي لوعرف اني انا هي بنفسها مهره ! شو هالمصيبه اللي طحت عليها انا !! يارب مايعرفني يارب يكون ناسني ، شو اسوي الحين !! ماقدر اخلييه ايي البيت عندنا اخاف يفضحني يقول لاهلي شي ! الافضل اني اتصل له واصرفه
تمت خايفه ومتوتره ومتردده ، اتصلت فييه طول لين رد عليها
حارب : ها مستعيله ع شوفتي الحين بطلع من البيت
شمسه تمثل بصوتها انها تعبانه : لا لا اتي انا تعبانه وبسير المستشفى ، ماعرف شفيني فجاه تعبت الاحسن ماتي حارب اليوم
حارب : بسم الله عليج عسى ماشر شو ياج فجاه جي تعبتي؟ خوفتيني علييج ! ايي اخذج المستشفى انا؟
شمسه : لالا الحين طالعه مع امي
حارب : انزين اي مستشفى بي لعندج؟
شمسه : مابيك تشوفني وانا تعبانه يلا ببند مب قادره اكلمك
بندت بويهه وهي بعدها ع صدمتها وتفكر شو تسوي وعرسها عقب يومين ماعرفها اليوم ، بيعرفها باجر او يوم العرس ، تمت متورطه وخايفه لين دخلت عليها امها ، وتشوفها مب طبيعيه
