شمسه : ليش تمسك ايدي؟ نحن ربع بس مب حبايب
بدر : والربع مايمسكون ايد بعض؟
شمسه بتوتر : ماعرف لا
بدر : انتي ماتمسكين ايد هند؟
شمسه : امبلا
بدر : عيل خلاص انا بعد بمسك ايدج "مسك ايدها" وين لج خاطر تاكلين؟
شمسه : لا مابي خلاص احس اني وايد طولت وانا طالعه شرايك تردني الجامعه عند سيارتي
بدر : لالا اعشيج اول يلا خبريني وين تبين؟
شمسه : اوك شووف اي مطعم
بدر قعد يدور لمطعم لين لقى مطعم ونزلوا يتعشون مع بعض ، شمسه خلصت قبله وقعدت تترياه يخلص
بدر : شفيج تتطالعيني جي
شمسه : اترياك تخلص يلا ابي ارجع
بدر : اوك شفييج مستعيله ماشبعت من شوفتج انا اصلا ودي اتم معاج لاخر الليل
شمسه : لا والله مايصير اخاف اهلي يدقون لي الحين بليز خ نروح يلا
بدر وقف : يلا انزيين قومي خ نروح
دفع حساب اكلهم وطلعت معاه ركبوا السياره وصلها الجامعه عند سيارتها ، قبل ماتنزل
بدر : عاد لا تحرمينا من هذي الشوفه خلينا نشوفج
شمسه : اوك
نزلت ركبت سيارتها ورجعت البيت ع طول ، دخلت امها وابوها كانوا قاعدين
بو شمسه : ليش اليوم متاخره يايه هالوقت وين كنتي؟
شمسه توترت : اليوم كلاساتي كانت لين العصر وعقب سرت بيت ربيعتي ادرس معاها الحين تعبانه انا مسطله ابي ارقد تصبحون ع خير
ام شمسه : تعالي تعشي انزين
شمسه : مابي متعشيه
