حارب : ابي اتاكد تكلمين منو شفتج توترتي
شمسه : طبيعي بتوتر لانك دخلت علي فجاه جي
حارب راح يقعد عالسرير ، شمسه طلعت عنه من الغرفه راحت تقعد في الصاله روحها دقت لوديمه
شمسه : انا ماعرف شو خذتي عني فكره بس اتمنى انج تنسين
وديمه : من صدقه ريلج هذا صاحي ولا شو؟؟
شمسه : هيه هو جي مرات عليه هفات
وديمه : اي هفات هذي بعد الحين الريال يشك فيج وانتي تقولين هفات !
شمسه : لا مايشك بس انا توترت بزياده يوم شفته فجاه دخل علي جي
وديمه : الله يعينج والله دام ريلج جي
شمسه : بلاج انتي ريلي مافييه شي وماسوى شي ترا
وديمه : اوك خلج جي يلا انزين بخليج عن اسمع صوته بعد الحين يلا باي
شمسه : الله يحفظج
بندت وراحت الغرفه لعند حارب ، دخلت بدون مايشوفها وكان يتكلم بالتلفون ، دخلت الحمام ، وهي بالحمام تسمعه كانه يتكلم مع وحده وقفت عند باب الحمام تسمعه ، انقهرت منه ، طلعت مرت حذاله ، انتبه عليها بند ، راحت تنسدح عالسرير ، حارب قام وطلع عنها انقهرت منه
شمسه : تقعد تشكك فيني وانت تكلم من وراي حقييير
حاولت تطنشه وتطلعه من بالها وترقد ، ع الظهر تمت قاعده في الغرفه ماطلعت ، عقب الغدا حارب دخل عليها
