منال : لا طبعا ماعليج منها هذي حامل وكل يوم تتشرط تبي شي
اشجان : الا وين ريلج؟ ليش قاعد في الغرفه وانتي هني؟ شابه من بينكم؟ شو صاير معاكم تووكم متزوجين بديتوها مشاكل تريي شوي شهر عالاقل عقب ابدي بالمشاكل
شمسه سكتت عنها
منال : انتي شدخلج بينهم مشاكل ولا ما بينهم؟ شدخلج !! مايخصج فيهم خلج بحالج لو سمحتي
اشجان : ابي اصلح من بينهم
شمسه : شكرا يالمصلح الاجتماعي بس مافي من بينا مشاكل حارب ناش من الصبح وتعبان يبي يريح عالسرير
اشجان : وليش ماتسيرين لعنده تخففين له تعبه وتعوضينه
منال : قاعده وتسولف معاي والحين وقت العشى بي يتعشى وعقبها بتسير لعنده
اشجان : وانتي محاميه لها؟ ماترد هي
شمسه تضايقت من الوضع ودها ترد عليها وتسفل فيها بس محشمه عمرها وساكته ، تمت تتحرش فيها لين وقت العشى ، قاموا يتعشون منال راحت تنادي حارب ، يالعندهم وقعد
شمسه : شو حاب احط لك؟
حارب : كل شي
شمسه قامت تغرف له من كل شي موجود عالطاوله وحطت له
حارب بدون نفس : قلت لج كل شي صح؟ بس ما قلت لج اترسي لي من كل شي ، شلي وخففي من الاكل
شمسه : ان شاء الله
شلت عنه تخفف من الاكل الموجود وردته لعنده
