انت البداية في كل شي ومسك الخِتام.

البارت السابع

بالمستشفى *

ناظر الكل ملاك وهم معصبين من اسلوبها
ام ملاك بفشله : توها راجعه من الجامعه ونفسيتها تعبانه اعذروها
ام عز بضحكة : معذوره معذوره
ولفوا على الممرضه الي جات بأكل عز اخذته ام عز وهي تمده لملاك : ادخلي به لعز يمكن ياكل لا شافك
ملاك : احد قالكم اني اخصائية فتح شهية ؟
ناظرتها ام عز بصمت وفزت من سحبت ملاك الاكل من ايدها ودخلت على عز حطت الاكل على الطاوله
وناظرته ببرود : داقه مشوار عشان حضرتك تبي تاكل كل ما تبي محد جابرك
صحى عز من صوتها وابعد اللحاف عنه وهو يناظرها : جبروك بجيتك ؟
ملاك : اخيرا احد صاحي ايه جبروني عشانك
عز : مو مجبوره تقعدين اطلعي وقفلي الباب وراك
ملاك : بطلع بدون ما تتأمر
وطلعت وهي تناظرهم : ما يبي ياكل بكيفه
وتقدمت لامها :يالله نرجع
ام ملاك : وش قلتي للولد ؟
ملاك : وش قلت له ؟قلت كل قال ما يبي
خزتها ام ملاك وهي معصبه من اسلوب بنتها ودخلت مع ام عز عند عز قربت وهي تسلم عليه وتتحمد له بالسلامه
ام ملاك : معليك يولدي هي نفسيتها تعبانه اعذرها
عز : مين قالكم تجبرونها على جيتها ؟
توهقت ام ملاك وناظرت بامه : لا يولدي ما جبرناها بس هي تعبانه من ضغوط الجامعة والاختبارات ولا بالعكس فرحت من قلت لها بنرجع لاعمامك
عز :ما قصرتي يا عمه
ورجع نام وهو يتلحف
ام عز : طلبتك يا عز كل بتكمل يوم ما دخل لبطنك شي وانت طالع من عمليه
ما رد وغمض عيونه
تنهدوا ثنتينهم وطلعوا وهم ينتظرون الفرج
ناظروا ملاك الي ركبت سماعتها وقاعده على جوالها
تقدمت ام ملاك وهي تسحب السماعات وبهدوء : ما قدرنا في ولد عمك ادخلي مره ثانيه الولد ما دخل بطنه شي من طلع من عمليته اذا مو عشانه عشاني
تنهدت ملاك وهزت راسها بالايجاب وتقدمت وهي تدخل على عز

"صلوا على محمد"
ببيت اهل نياف *
طلع نياف لغرفته وهو معصب من قرار ابوه
تحت -
ابو نياف :حقك علي يا بنتي ودامك حلفتي وامك لها سنين تشتغل عندنا بكل مصداقية نطلب منكم العذر والسموحة ومن اجل سمعتنا وسمعتكم بنستر على الي صار وبخليه يتزوجها اليوم قبل بكره
توترت سُلاف من فكرة زواجها وهي خايف من نياف
ام سُلاف : طال الله بعمرك واحنا مو مقصدنا نغصبهم على الزواج بس السمعة والشرف اهم من كلشي
وسحبت سُلاف وطلعت من البيت
سُلاف :يمه مابيه مابي اتزوجه تكفيين
ام سُلاف : اسكتي زواجك منه ما راح يعزك بس بيرفع اسم عايلتنا للسماء بيغير حياتنا كلها فكري في مستقبلك ولا تقولين مابيه
سُلاف بخوف :هذا الي يهمك الحين ؟ يمه حياتي ومستقبلي بينهدم بس اتزوج ذا المريض انتي الي كنتي تقولين انه صايع وما همه غير السيارات والتفحيط كيف ترمين بنتك له ؟
ام سُلاف: زمان قلت الحين كلشي تغير وبتغيرينه
وسحبتها ودخلوا البيت وكان باستقبالهم اخوها بندر
بندر :وين كنتم ؟
ام سُلاف : كنا عند ام نياف
بندر : مو اليوم اجازتك ؟
ام سُلاف : فيه موضوع ودي اكلمك فيه
وناظرت سُلاف : اذلفي لغرفتك انتي
راحت سُلاف لغرفتها وهي معصبه وسحبت جوالها وهي تتصل على هنوف
هنوف :هلا امداك تشتاقين ؟
سُلاف وهي تبكي : بيزوجوني
هنوف : الله زواج من زمان عن الزواجات
سُلاف بصراخ؛هنوف ما امزح بيزوجوني اخو لينا
هنوف بصدمه : كذابه ؟ ليه ؟ وشصار ؟ لا يكون اخوك الملعون جبرك عليه ؟
سُلاف : ليته بندر يجبرني على اخوياه بس المصيبه امي الي تبي تزوجني
هنوف : شفيها امك ؟ لا يكون صارت مثل بندر ؟ وبعدين اي واحد لا يكون الصايع ؟
سُلاف وهي تبكي : هو هو
هنوف : يا مصيبتك يا سُلاف جايتك يا انا يا امك سلامات
بالمستشفى *

دخلت على عز وهي تناظره ببرود وشافت الاكل بجنبه
تقدمت وهي تجلس على السرير واخذت الاكل وهي تحطه قدامها : الصراحة دخلت لاني ابي اكل تبي تاكل قم
وشالت نقابها وهي تأكل : لو انهم ما جابوني كان الحين اضرب بالخمس على الكبسه بس شقول الحمدلله بس
وسرعان ما شهقت من رفعت نظرها وشافته يناظرها
كحت وهي تأشر له على ظهرها عدل جلسته وقام وهو يضربها على ظهرها
ملاك : وجع والنظرات بس مو غريبه ذبحتوا ابوي اكيد ناوين علي كلشي متوقع منكم
عز : شلي الاكل واطلعي
ملاك ؛ ما تبي تأكل انت ؟
عز : وانتي خليتي شي ؟
ملاك وهي تناظر الاكل : محد قالك تقول مابي
ولفت على فتحوا الباب ودخلوا وشهقت بصراخ :استنوا
سحبت نقابها وهي تلبسه بسرعه ودخلوا عيال عمها الباقين وهم يناظرون جلستها قدام عز والاكل يتوسطهم
سيف : حركات بنت العم عندنا واخيرا شفناك
ملاك وهي تقوم : ما اتشرف اكون بنت عمكم
ماجد بحدة : احترمي نفسك لا تكونين بغرفة العمليات
ملاك وهي تخزه : لا تتكلم عن شي انتم فاقدينه
سيف : وش جابك ؟
ملاك وهي تناظر عز : وانتم خليتم احد بحاله الا غصب تجيبونا عندكم
ماجد وهو مو بالعها : محد جبرك اذلفي
ملاك وهي تقرب منه : انت بالذات مالك شغل
وناظرت عز وهي حاسه بنظراته لها من دخلوا عيال عمه
وطلعت ومشت لامها : خلصنا خلينا نرجع لبيتنا
ام ملاك : اكل عز ؟
ملاك بكذب : خلص الصحن كله
ابتسمت ام ملاك
ملاك : يعني بنرجع خلاص؟
رد عليها عمها بدر : معاد فيه رجعه بترجعون عندنا وبتسكنون عندنا
ملاك وهي تلف عليه بضحكة : الحين تفكر فينا ؟
عمها محمد : كلشي بيتصلح وبنرجع عايلة وبننسى كلشي
صرخت بوجهه : لاا ما راح انسى ما راح انسى ابوي الي حرمتوني منه وانا صغيره واخذتم كل حلاله وورثه والحين تقولون ننسى ؟ بعد ما اشتريتوا بفلوس ابوي سمعة لكم تبوني انسى ؟ والله ما انسى وحقي ابوي بطلعه من عيونكم واحد واحد