انت البداية في كل شي ومسك الخِتام.

البارت الثاني والثلاثين

عند ملاك *

ناظرت خالها ببرود : ايه مين بعد فيه عيال الجيران وعيال القبيله بتزوجني اياهم ؟
خالها : عدلي هرجك وزواجك من ولد خالك نهاية الاسبوع الجاي ومحد له كلام بعد كلامي
ملاك وهي تقوم : لا والله مالك كلام علي وزواج ماني متزوجة
خالها بعصبية : البيت مليان عيال منتي محرم لهم وبتتزوجين واحد منهم
ملاك بعصبية : رح بس اهتم بزوجاتك الاربع بعدين فكر بغيرك
وطلعت من المجلس وهي تخزهم شافت وحده من البنات نازله : وين المجالس ابي انام ؟
البنت : بسم الله من انتي؟
ملاك بنرفزه : خلصيني عطيني لحاف
البنت : وع وشذا الاسلوب انقلعي دوري لك
خزتها ملاك ودخلت الغرف وهي تدور لحاف مرت عليهم غرفة غرفة وسحبت لحاف من سرير وحدة من الغرف وطلعت وهي تدور المجالس لقتها وحطت لحافها ووسادتها حطت راسها وسحبت جوالها وهي تدخل الواتس شافت اخر ظهور لعز كان امس تنهدت بتساؤل : معقوله رجع البر
انخرشت من الرسايل قروب ودخلت وهي تشوف رسايلهم عرفت انهم النجلا والبنات مسوين قروب واتس قبلت ودخلت وهي ترد عليهم : هلا
مرام : تكفين ليه خليتيه يطلق فهمينا السالفه كلها
ملاك : عز عندكم ؟
اسماء : لا راح البر والظاهر معاد بيرجع
تنهدت ملاك وهي تسجل فويس وتسرد لهم سالفة طلاقهم
---
بعد سوالف نامت بكل تعب
بالليل صحت من جوع بطنها وقامت وهي تغسل وجهها وطلعت لهم شافت البنات بالمطبخ مع امهم سمعت كلامهم من قالوا : وش جابهم ؟ احنا يالله متحملين بعضنا نتحمل زيادة ؟ وبعدين المطبخ فاضي - منجد فاضين نطبخ وننفخ لهم
امهم : عيب عليكم ذي عمتكم وتراهم ثنتين ولا هم عشر
ابتهال :ثنتين يكفون عن عشر
دخلت ملاك وهي تاخذ كوب وتصب مويه ومتجاهله نظراتهم ولفت عليهم : والله ابوكم الي غاصبنا نجي ولا احنا لا نبيكم ولا نبي شوفتكم تبونا نطلع وتفتكون كلموه ما يتدخل

---

عز *

رفع ثوبه وهو يشوف جرحه تنهد بوجع وقام وهو ياخذ الاعشاب وحطها على جرحه

بالمسجد *

طفش وهو ينتظر الدفاع المدني وقعد وهو يسمع تنهيدات سلاف : وش فيه
سُلاف: عندك نت نتي خلص
نياف: ايه
سُلاف :افتح لي
نياف : علميني وش بتابعين
سُلاف بحماس وهي تلف على الباب : تخيل طحت على مسلسل مره حلو تابعت اول حلقه منه
نياف : وين تابعتيه ؟
سُلاف: حملته
نياف : ارسليه لي
سُلاف: مدته طويله افتح ايردروب برسله لك
نياف : وشذا؟
وقام من سمع صوت الدفاع المدني قرب من الباب وهو يكلم سلاف: البسي
ولف عليهم : وصلتم زوجتي داخل وتقفل عليها الباب
الموظف : يعني مافيه حريق ؟
نياف : لا
قرب الموظف من الباب وهو يحاول فيه : بنضطر نكسره
نياف : ايه فداك اكسره
قربوا من الباب وكسروه وشهقت سُلاف برعب
دخل نياف وهو يناظرها : ضريبة خروجك بدون علم
ومسك ايدها وطلع وهو يشكر موظفين وركب السيارة وركبت بجنبه
نياف :خسارة كسروا الباب وانتي ما تستاهلين
سُلاف: لا يشيخ وليه اتصلت عليهم
نياف :وش مسلسلك
عدلت سُلاف قعدتها وهي تلف عليها وبدات تشرح له قصة المسلسل وهي متحمسه وهو يسوق ولف يناظر عيونها بتأمل
سُلاف بعد ما خلصت شرح :كيف القصة ؟
نياف بوهقة وهو ما كان يسمع لها : سامجة ما تعرفين تشوقين
سُلاف: وجع حسافة صوتي الي راح ما تستاهل
نياف بضحكة : كل المحلات مقفله باخذ قهوة تبين ؟
سُلاف: ايه مره جيعانه
وقف عند الكوفي وطلب قهوة وطلب لسُلاف دونات وقهوة
نياف وهو يعطي سُلاف قهوتها : تدرين وش نفسي فيه