انت البداية في كل شي ومسك الخِتام.

البارت السابع والثلاثين

بسيارة عز *

سكتت وهي تناظره من قفل جواله واسرع بكل صمت
بعد ساعات وصلو *
شافت السيارات والرجال بالحوش
ملاك : شكله عندهم عزيمه
عز وهو يحط المفتاح بجيبه ويشيل اغراضه : لا تنسين تسوين عوايدك وتمرين من قدامهم
ملاك : ما عندي مشكله
عز وهو يلف عليها قبل ينزل : بقص رجلينك باب الحريم قدامك
ونزل وهو يقفل الباب وتوجه للرجال وهو يسلم عليهم
نزلت وقفلت الباب بقوة وتوجهت لقسم الحريم
دخلت وهي تشوف الحريم وبناتهم بالمجلس سلمت عليهم وتجاهلت جدتها وطلعت من المجلس وراحت للبنات
شافتهم يجهزون الحلا والقهوة : حطي لي الفراولة الي فوق
لفوا البنات من عرفوا صوتها وصرخت مرام : حيوااانه متى جيتوا ؟؟؟
اسماء : خلي جيتهااا متى رجعتوا للبعض ؟؟
وقربوا وهم يسلمون عليها ويحضنونها
ملاك بضحكة : هذا وانا غايبه كم يوم كيف لو هجرتكم
مرام بمزح ؛انقلعي تحسب بنموت عليها
النجلا بغباء: عز جاء معك ؟
ملاك : لا سرقت وحده من نياقه وجيت
ضحكت اسماء : بالعقل مين بيجيبها غيره
مرام : والله اني مشتاقه له امشوا نسلم عليه
غسلوا ايديهم وسحبوا طرحاتهم وطلعوا
اسماء : ملاك ما بتجين ؟
ملاك : ليه اجي توني شايفته
مرام وهي تسحبها : امشي معنا بس
توجهوا لمجالس الرجال وهم يوقفون عند الباب
مرام : ارسلي له يجي
فتحت ملاك جوالها وارسلت له ولفت من شافته واقف عند المرايات وشافهم ضحك من شاف راس مرام الي انخرشت ورجعت للمجلس ؛شفتك شفتك اطلعي

بسيارة نياف *

ناظرها من المراية :معاد هي امك تروحين لها ليش ؟
سُلاف ببكى : كيفي ابي اروح لها
نياف : الحين تبكين ليش ؟
سُلاف وهي تمسح دموعها : لا تسألني ليش
نياف : روحه لها مانتي برايحه
سُلاف بعصبية : ابي اروح عندها بكيفي ما بقى الا هي وتمنعني منها
نياف بصراخ : مهيب امككك افهميي تروحين تحشرين
نفسك عندها والتبن موجود مانتي برايحه انهيها
سُلاف :ابي اروح ودني الحين ابي اروح
نياف بعصبية : قلعتك لا تتصلين علي
وحرك لبيت ام بندر وهو بقمة عصبيته

بعد دقايق وصل *
ونزلت سُلاف ووقف وهو يناظرها لحتى دخلت وحرك
---
شافته راح طلعت بسرعه واتجهت
لبيت هنوف وهي تدق عليها الباب
فتحت لها وهي تحضنها بشوق
هنوف : قلت تزوجت ونستني
سُلاف : اخسي انساك
هنوف بضحكة : الله جابك امي واخوي راحوا يزورون عمتي بالمدينة يعني خذي راحتك
نزلت سُلاف عبايتها ولحقت هنوف للمطبخ وهي تسولف معها
هنوف بصدمه : مهيب امكك ؟؟؟
سُلاف : لا
هنوف : والله كنت حاسه ذا الخبيثة حركاتها مستحيل تكون حركات ام
سُلاف : ما علينا جوعانه
هنوف : سويت اندومي تبين ؟
سُلاف : اي
وطلعوا للصاله وهم يأكلون
هنوف : يعني الي جابك زوجك ؟
سُلاف : فيه غيره
هنوف : غريبه ما كان يكره بندر وامه
سُلاف : ما كان موافق بس اصريت عليه

ببيت اهل عز *

ضحكت مرام وطلعوا وهم يسلمون
على عز ويسولفون معه
كان حاس بنظرات ملاك له وهو يسولف مع خواته
لف على النجلا وهو يسولف معها ومتجاهل نظرات ملاك
اسماء : سويت الحلا الي يحبه قلبك
عز بابتسامة : من زمان عن الحلا هاتيه
النجلا : الرجال وين ما بتروح لهم ؟
عز : حلف شيخ القبيله العشاء يكون ببيته والحريم عندنا وشوي بلحقهم
مرام وهي تدق اسماء : قومي جيبي الحلا وجيبي فناجين قهوة
قامت اسماء وراحت مرام تجيب القهوة من مجلس الرجال
--
عم الصمت بالمجلس وهم ينتظرون البنات
سحبت جوالها وهي تنشغل فيه وحاسه بنظرات عز
النجلا : ان شاء الله انكم بتقعدون عندنا ؟
عز : لا والله ان شاء الله بعد العشاء ماشين
ملاك : انا بقعد
عز : مهوب على كيفك
ملاك وهي تترك جوالها وتلف عليه : ابي اقعد مابي اروح
عز : القرار راجع لي وقلت لك وين ما اروح بتروحين معي
ملاك : روح ويوم الجمعة ارجع لي
عز وهو يناظر اسماء الي جات :قفلي السيرة انتهينا
عصبت ملاك من اسلوبه وناظرت مرام الي قالت :تبين قهوة ؟
ملاك بنرفزه : لا
ناظرها الكل باستثناء عز الي سحب الفنجان وهو يشرب
اسماء: شفيك اشربي قهوة
ملاك : مابيها
مرام : طيب حلا ؟
ملاك : مالي نفس
اسماء وهي تناظر عز : قايل لها شي انت ؟
عز : اساليها قدامك
اسماء : قولي قايل لك شي وشفيك نفسيتك انقلبت ؟
ملاك : ابي اقعد عندكم وهو رافض
عز وهو يسحب ملعقه : متناقشين في الموضوع من السيارة تغيرين رايك ليه

نياف *

وصل البيت ونزل وهو معصب من كلام سُلاف
دخل البيت وكان باستقباله ابوه : تارك البنات ورايح ليه ؟
نياف : وصلو البيت ولا ما وصلو ؟
ابو نياف بعصبيه : يعني لو مو السواق موجود كان قعدوا بالسوق
نياف ببرود الارض : ما بيجيهم الا العافية
وطلع لغرفته وهو يرمي شماغه وجلس على السرير
انتبه على رسايل العيال بالقروب دخل الواتس وهو يقرا رسايلهم على السريع وطلع ودخل على رقم سُلاف وشاف اخر ظهور لها ،، كان بيكتب لها وشافها متصل الان طلع من الواتس وهو يرمي جواله بجنبه
انتبه على الباب الي يدق : مييين
دخلت وجد وبايدها عصير : سويت لك عصير يمكن تريح اعصابك
نياف : انقلعي لبرا
عقدت حواجبها وهي تناظره : شفيك شذا الاسلوب ؟
نياف وهو يقوم من السرير ويدف العصير على صدرها : ما تفهمين انقلعي لبرا وتهديدك مثل ما عندك ادله انا بعد عندي ادله ولو تطلعين السماء السابعة ما سويت الي في بالك ،، فارقي الباب وراك
وسحب منشفته ودخل دورات المياة وهو يتروش
وقفت مكانها منصدمة من كلامها واسلوبه الي تغير معها
صرخت وهي تتقدم الباب وتدقه بقوة : وحبك لي وين رايح ؟؟ كيف تبيعيني وتتغير علي عشان وحده ما تسوى مثلها ،، وعدتني انك ما رح تحبها تذكر كلامك ولا اذكرك ؟؟
مسحت دموعها وكملت بحقد : يا انا يا انت اذا ما خليتك تطلقها وتكرهها وتتزوجني غصباً عنك ما اكون وجد
وتوجهت للباب وسرعان ما مسكها نياف وهو يبعد شعره عن عيونه: لو تهديدك ذا يمس سُلاف بطرف شعره يمين الله لاقلب الدنيا فوق راسك
بعد ايده عنها وطلعت وهي تقفل الباب بقوة ونزلت وهي تسحب عبايتها وطلعت من البيت  بكره لنياف وعصبيه
----
ببيت هنوف *
هنوف :اسمعي ودي اسوي صينية بطاطس على العشاء
بس مافيه خضار قومي نجيب
سُلاف : اي تكفين اشتقت لاسواق الحي وابي اغير جو
ولبسوا عباياتهم وطلعوا

بالمجلس *

ملاك : وانا بعد قلتلك من السيارة اذا اقنعوني البنات بجلس
عز : قفلي السيرة
اسماء : طيب خلها تقعد وشفيها ؟
عز : صبي قهوة
النجلا : شفيك انت منزمان ما شفنا البنت خلها تقعد عندنا يومين وتعال خذها
عز : قعده ماهيب قاعده
خزته ملاك وسحبت جوالها بعصبية
قام عز وهو يضبط شماغه : خليك جاهزة بعد العشاء بجي اخذك
ملاك بتجاهل ل عز : صبي لي قهوة
ناظرها عز على السريع وطلع
اسماء : شفيه ذا من غيره صار راسه يابس
ملاك : يستهبل عشان قلتلك اقدر اعيش بدونك زعل
مرام بضحكة : تمزحين ذا السبب ؟؟
ملاك : اكيد مافيه غيره
مرام : والله وطلع اخوي خفيف ما توقعتها منه
النجلا : يمكن مو ذا السبب يمكن ما يبيك تقعدين وخالد موجود وانتي ادرا بالمشاكل الي بينهم
ولفو كلهم على صوته : وشفيه خالد تراه اخوك
توترت ملاك من شافته وشدت على عبايتها
خالد وهو يخزها : لا تحسبيني بعديها لك فرقتي بيني وبين ولد اخوي والله ما تعدي على خير
ملاك برعب : افعالك الي فرقتك
خالد وهو يسمع صوت البوري من برا : الحين طالع الوعد لما ارجع
ملاك وهي تناظر البنات : شقصده ؟
اسماء : اقولك اسمعي كلام عز وروحي معه
ملاك : عناد مانيب برايحه
مرام : المهم اسمعوا
اسماء : وش
مرام : وحده من البنات خوله تعرفينها المهم طلبت مندوب واخذ فلوسها وسحب عليها والغبية شهرت فيه في كل مكان وللحين يهددها والبنت من ثلاثه ايام ما وصلتني رساله منها بس قالت لي انه كان يرسل لها رسايل تهديد ويرسلها كلشي يخص اهلها انا خايفه عليها خلونا نروح نتطمن تكفون البنت وحيدة امها

نتوقف هنا