انت البداية في كل شي ومسك الخِتام.

البارت الواحد والاربعون

عند عز وملاك *

نزل من الشاص بسرعه وهو يركض من سمع صراخ خواته
دخل المجلس وشاف ابوه يضرب مرام وعيال عمه ماسكين اسماء الي صرخت من شافت ابوها يضرب اختها
تقدم عز بصراخ :فك البنت يالكلب
وقرب من ماجد وهو يلكمه على وجهه
ولف على ابوه وسحب مرام من بين ايديه وقرب من ابوه وهو يمسكه من ياقة ثوبه : مديت ايدك على امي وانا اشوف بس والله لاكسرها لك لو اُعتبر عاق
رص على اسنانه من وجه له ابوه كف : بنتي قبل تصير اختك وانا هنا المسؤول لو اذبحها واقطع جلدها قدامك ما تنطق حرف فاهم
عز بحقد : ذا زمان اول كنت اشوف واسكت عشان امي لكن وصلت فيك تضرب خواتي قدامي وتخلي السرابيت يمسكونهم ويساعدونك في ضربهم وتبيني اسكت لك ؟ معاد لك الحشمة وان مديت ايدك والله لاكسرها اعتبره الي تعتبره
ولف على ماجد وعيال عمه : انقلع برا انت وياه لا ارد لكم الصاع صاعين
ماجد : غلط عمي من تركهم لك وعلى تربيتك اجل صور خواتك بجوالات الكلاب وبكل موقع
عز :لا صار الكلام لك والتربية تحت ايدك انطق حروفك والحين ورني مقفاك
ون٣بزوجها وولد نسيبك خل يدور له زوجه غير  واذا عن ملاك قدم اوراقك والعدل بياخذ طريقه
ولف على مرام الي حاضنتها ملاك وتحاول توقف نزيف خشمها ، قرب منها وهو يقومها معه وشد عليها من سمع كلام ابوه من قال : ان طلعت من ذا الباب اعتبر آمك طالق بالثلاث
انتبه لنظرات مرام وخواته وهم يبكون ويترجونه يطلعون
رفع نظره لجدته الي دخلت ووراها امه ناظر امه الي تبكي على شكل بناتها وحالتهم ومصيرهم الي واقف على قرار عز
جدة عز : اخس عليك اجل ذا كلام تقوله لابوك الي رباك ،ما عرفتي تربين يا فاطمة ولا عرفت اختار لك يا ولدي
عز وهو يشد على قبضة ايده : وامي الغلطانه الي تزوجت ولدك
وسحب خواته وطلع من البيت ولحقتهم امهم
ولفت ملاك على عمها وجدتها وعيال عمها وبضحكة :دخلت عليكم وانا قايله لكم انكم خبيثين وبطلع وانا مثبته للكل خبثكم

"صلوا على محمد"

عند نياف *

عصب من اتصل عليه ابوه وغصبه يجيب اخوه معه
ركب السيارة وركب نايف بجنبه والبنات وراء
عم الصمت بالسيارة والوضع توتر بينهم كلهم
نياف :تاخذ لك شقة وتذلف من البيت ولا ابي اشوفك فاهم
نايف :القرار مب لك
نياف :الاوامر علي والتنفيذ مطلوب منك
تدخلت سُلاف من شافت نظراتهم لبعض :نياف خلاص وقفل الموضوع ما يستاهل المشاكل الي بينكم
نياف وهو يناظر نايف :للحين ما نفذت تهديدي لاهلي بس اذا تبي نهايتك على ايدي جرب تعارض اوامري
تنهدت سُلاف ورجعت راسها على وراء وهي تناظر نياف من المراية
--
بعد دقايق وصلوا للبيت ونزلوا كلهم
دخلوا البيت وكان باستقبالهم ام نياف وابوه وعائلة وجد
ناظرهم نياف وهو عارف الموضوع جلس بدون ما يسلم
وبدا الكل يسلم على نايف ويتحمدون بالسلامه
ابو وجد :كيفك يا نياف ؟
نياف :يسرك الحال
ابو نياف : بما ان الكل موجود قررنا نطلب يد بنت عمكم وجد لاخوكم نايف على سنة الله ورسوله
استحت وجد واستانس الكل وسرعان ما تلاشت وناستهم من قال نياف :مراح يتزوجها
لف الكل عليه وناظر نايف ورفع حاجبه وتنهد نايف من تذكر تهديده
نياف وهو يناظر وجد : ما قدرتي تلبسين خاتمك من ايدي ومتوقعه بتلبسينه من ايد اخوي لو تحلمين ما تزوجك وانا موجود
وقام وهو يوقف قدامهم :ان تزوجها بنفذ وعدي لكم وبقلب فرحتكم لعزاء وفهمكم كافي وانتي ان شفتك ببيتنا مرة ثانية ما ارحمك اعتبريها طرده بالخط العريض وبكل صراحه
وسحب دخانه ومفتاحه وطلع لغرفته
ناظر الكل في بعض وعصب ابو وجد :ما هقيت ان ولدك يطردني يا خوي ومالكم نصيب عندنا
وسحب بنته وطلع هو واهله
رفع ابو نياف نظره لام نياف :ولدك ماله قعدة ببيتي وخليه يلحق عمه