انت البداية في كل شي ومسك الخِتام.

البارت الرابع والثلاثين

سُلاف *

لبست عبايتها وسحبت جوالها وطلعت
وهي تركب بجنبه بكل صمت وبداخلها دوامة فضول
تنهدت وهي تلف عليه : اخوياك صاير فيهم شي ؟
نياف : وشعليك من اخوياي ؟
سُلاف: اجل شفيك ليه تغيرت نفسيتك فجأة ؟
ما رد نياف وزاد من سرعته وهو يتوجه لبيت اهله
بعد دقايق وصلوا وناظرته سُلاف: مراح تنزل ؟
نياف بهدوء وهو يسحب دخانه: عندي شغل
سُلاف: انزل سلم على اهلك مو حلوة توصل لعند الباب وتروح
نياف وهو يلف عليها : انزلي انتي لاحقك
فهمت انه يبي يدخن من حط الزقارة بفمه وفتحت الباب ونزلت وهي تدخل البيت شافت الكل مجتمع سلمت عليهم وابتسمت من فرحة لينا
لينا : ادري انك شايله بخاطرك من كلام امي وابوي بس والله ما يجيك الا يسرك وقلتلهم يعتذرون منك
سُلاف بضحكة : ماله داعي ما زعلت لا تخافين
ولفوا على الي دخل وهو يسلم على امه وابوه وهم مستغربين من ملامحه
لينا بهمس ل سُلاف: شفيه صاير شي ؟
سُلاف وهي تناظر نياف الي استأذن وطلع: ما ادري
--
ركب سيارته وهو يطلع جواله من جيبه ويتصل على عمر
وصله صوته : زين ما نسيتنا
نياف : اخلص اطلع عند الباب جايك
عمر : يالله يالله
بعد دقايق وصل نياف لبيت عمر وركب عمر بجنبه
عمر : افا وشذا الملامح لا يكون بسبب ام العيال
نياف : تعرف للبرنامج الاصفر ذا ؟
عمر : اي برنامج ؟
نياف وهو يطلع جواله يوريه السناب
عمر : ايه ليه ؟
نياف : بعطيك حساب وشوف ذا مين
عمر : اي هاته اشوف
اعطاه نياف اليوزر وكتبه عمر بجواله وناظر نياف : ذا سناب فواز وش جابه عندك

بخيمة عز *

دخلت ملاك عليهم وهي تركض ناظرت عز وبكت وهي تركض له وحضنته بوسط صدمة عز من شكلها وبجامتها
سحب شماغه من فوق راسه وهو يغطيها ومنتبه لنظرات الرجال الي نزلوا عيونهم
عز بهمس :ملاك اطلعي لبرا الخيمة جايك
بعدت عن صدره وهي تناظره : كنت خايفة يقتلك هددني فيك
عز وهو يناظرها : ما عاش من يهددك وانا موجود
سحب شماغه وهو يغطي وجهها : انتظريني برا
طلعت ملاك وهي تشد على شماغه وناظرت خالها الي تغيرت ملامحه لعصبية وغضب ولف على عياله
ناظر محمد ابوه : استاذنك يبه
وطلع وهو يركب سيارته وخايف على اخته من ابوه ركب بجنبها وحرك
--
عز : وصلت فيك تهددها فيني ؟ وتبيها تتزوج ولدك ؟
ابو ابتهال بغضب : اهددها واكسر خشمها ما تربت وابيها تتربي على يد ولدي وتحت نظري
عز : ما اخذتها والا انا عارف بتربيتها ،، يمكن النقص بولدك
ابو ابتهال ؛ النقص فيك وفي اشكالك اجل تاخذ البنت من امها لا زواج ولا هم يحزنون
عز : احنا راضين انت وشهوله راكب راسك
ابو ابتهال : انا
قاطعه عز : انت بتطلع من دياري ولا عاد اشوفك
ابو ابتهال : والله لاحرقك انت وديارك
ولف على ولده : جيب البنت بتملك عليها الليلة
عز بغضب : جاتني والله ما ترجع معك ولا تتزوج ولدك
ابو ابتهال : تخسي ما ترجع لك والبنت لولد خالها
قرب عز وهو يمسكه من ياقة ثوبه : انا زوجها قبل والحين وزواجها من ولد خالها على جثتي
وسحبه وهو يطلعه من الخيمة ولحقوه عياله
انتبهت ملاك من طلع عز وهو يحسب خالها
شهقت من رفع عز سلاحه : سياراتك الي جابتك خلها ترجعك لا افضي ذا براسك وادفنك بمكانك
تدخل صالح بعصبية: يبه زواج محد منا متزوج ناقصة الحيا والدين اغسل يدك منها وخلنا نرجع بسلام
عز : خذ ابوك وتعلم تغير الفاظك
كان بيتدخل ابو ابتهال بعصبية لكن استوقفوه عياله وهم ياخذونه بالغصب وركبوه بالسيارة