انت البداية في كل شي ومسك الخِتام.

البارت السادس عشر

نياف *

ناظر لينا بعد كلام ابوه وهو عارف انها تبي تروح عشان سُلاف
نياف : اركبي
توترت لينا من نظرته وشدت على شنطتها وركبت معهم
حرك نياف وهو يناظر لينا من المراية :مين كان يقول والله ما اروح مع ذا المفحط ؟
ناظرته وبلعت ريقها وانشغلت بجوالها بصمت
لينا : سُلاف
سُلاف : هلا
لينا : حطيتي روج ؟
سُلاف : اي ما كثرت
لينا : خذي ذا لونه حلو
اخذته سلاف ونزلت المراية الي قدامها وهي ترفع نقابها
ناظرها ولف بالسيارة يمين وهو متعمد عشان يخرب الروج
صرخت سُلاف : وجع خرب
لينا بعصبية وهي عارفه غاية نياف: يليل خذي منديل
واعطتها ومسحته سُلاف وهي تخز نياف
بعد دقايق وصلوا ووقف سيارته
وفكت نقابها وهي تضبطه مرة ثانية
وفتح الدرج الي قدامها وهو ياخذ عطره ورفع نظره لها من لفت وهي تكلم لينا نزل نظراته لشفايفها وروجها الاحمر
تنهد بتجاهل وتعطر ورجع العطر مكانه ونزل ونزلت سُلاف ولينا
نياف : وين قسم الرجال ؟
لينا : ترا مو غريبين مافيه قسم رجال امش ادخل من هنا
دخل وراهم وهو يناظر عماته وخالاته وبدا يسلم عليهم
انتبه لها من قامت من عند الورد وهو يناظرها بشوق لها
ابتسمت له وهي مشتاقه له غض بصره بسرعة وسلم الباقي ودخل مع عماته وهو يجلس معهم
-
دخلت مع لينا بسرعه لدورات المياة وهم يضبطون اشكالهم
سُلاف : اوف ذا ما يروح
قربت لينا وهي تسحب مناديل وتغرقها بموية ومسكت وجه سُلاف وهي تمسح الروج اكثر
ابتسمت سُلاف برضا وسحبت العطر وهي تتعطر
لينا بابتسامة : يالله ندخل ؟

"صلوا على محمد"

ملاك والبنات *

مرام : يالله فتحت
نجلاء : قفلي الكاميرا لا تطلع وجيهنا
مرام : طيب
وبدات تدخل روم انخرشوا من البنات والعيال الي يتناقشون في موضوع
ملاك : يع اسمعوا كيف تتكلم
اسماء بضحكة :اطلبي مايك نبي نتهاوش
طلبت مرام مايك من الليدر وضربت ركبة ملاك من قبل طلبها وصرخت ملاك : وجععع
وسكتوا البنات وهم يناظرونها من ردوا عليها الي بالروم
ملاك : بالله اسكت انت وياه مسوين راعين ردود وهم يتكلمون عن الحب
الليدر : مو عاجبك اطلعي يا كثر الرومات
ملاك : مالك شغل انت
ضحكت مرام وهي تضربها وقربت من اذنها : ذا الليدر يحمار
ملاك :واذا ؟
قفلت مرام المايك ولفت عليها وهي تضحك : يا غبيه بتلقمين طرد اذا تكلمتي عليه
ملاك : ما تكلمت قاعده ارد عليه
وسحبت جوال مرام من تكلمت وحدة من البنات الي بالروم وبضحكة : شكلها خافت منك يا سلوم
ملاك : تخسين وعدلي صوتك انتي ويع
البنت بدلع : لا تحطين اسبابك بصوتي
ملاك : تكفين ترا محد بيخق اذا تكلمتي كذا مقرفه صدق ورومكم كله مقرف يالله اذلفوا
وطلعت قبل يطردها الليدر
ضربتها اسماء وهي تضحك : تعجبيني
مرام : يالله بدخل واحد ثاني
دخلت روم ثاني وكان نقاش بمواضيع عامه
طلبت مرام مايك واعطاها الليدر
الليدر : حياك الله
ملاك : تعرفني انت ؟
الليدر : لا
ملاك : اجل وش الميانة ذي ؟
ضحك الليدر من رد خويه عليها : تكفين يا اخر حبة
ملاك : ايه اخر حبة انت وصوتك ذا
الليدر : بدون سب والالفاظ ذي
ملاك : ما سبيت قلت الصدق
سمعت خويه من قال : بالله وخر خلني اتفاهم معها شسمك يا اموره ؟
ردت اسماء : مالك شغل انت
ضحك الليدر : طلعوا شلة زينا