انت البداية في كل شي ومسك الخِتام.

البارت الثاني والعشرون

ركبت السياره و هي ترجف بخوف مسكت يدينها و رفعت انظارها لعامل البنزين اللي ركض لجهة البقاله بدا الخوف يتسلل لقلبها فتحت الباب و هي تركض بكل سرعتها لداخل البقاله انصدمت من منظر عز الي يضرب الشخص اللي امامه صرخت بذعر و خوف من شافت الشخص الثاني يسحب طفاية الحريق
قرب من عز ركضت و هي تدف الشخص الى ان ارتطم ظهره بثلاجة العصيرات ما كان يقدر يتحرك من الالم سحبت مشروبات من الثلاجه الثانيه و كسرتها على راسه
نزلت دموعها من نزف راسه و صرخت على عز: قومم خلاص اتركه!
سحبته من كتوفه و قام معها كان بيكمل على الباقي لكن استوقفته من سحبته من يده و ركضت لبرا
ركبوا وهم يتنهدون بتعب ولفت عليه بخوف : فيك شي ؟؟
لف عليها : طلبتيني اروح معك عشان كشاف ولا كنتي خايفه؟؟

بسيارة نياف *

حرك وهو يناظرها من المراية زاد من سرعته وهو مستانس من تعزيز عمر له فتح الشباك وهو يسلم على الجمهور وشغل الاغاني وهو يرفع بالصوت
عمر : زد من سرعتكك لا يتقدم عليناا
نياف : ذي المرة لناا
وزاد من سرعته بشكل اقوى وصرخ عمر وهو يصور ويعزز له واخذ الدوار وهو يلف بالسيارة يمين يسار
-
كتمت شهقاتها وهي تعض شفايفها وتتمسك بالباب
بخوف من حركات نياف بالسيارة
عمر بحماس : عطهاا يبو شنب
ضحك نياف وزاد بشكل اسرع وهو يتجاوز فواز بمسافة اكبر ووصل لخط النهاية واعلن الكل فوزه وصار يتحرك بدوران وهو مستانس من فوزه ومن حماس خويه والجمهور فتح الشباك لعمر وطلع عمر وهو يصور ويعزز للجمهور
وقف نياف من شاف اخوياه يأشرون له
قرب سعد وزايد وهو يفتحون الابواب من جهة سُلاف وركبوا بسرعة وركبوا معهم اكثر من شخص
شهقت برعب من ركبوا بجنبها وهي تناظر نياف الي لف عليهم : شعندك انت وياه ليه راكب ؟؟
سعد : حرك حركك حكومة يولد اخلص
نزل نظرة لسُلاف الي قاعده بينهم وبقمة رعبها تنهد ولف وهو يحرك بسرعه وعينه عليها
-
صارت نبضات قلبها طبول من عددهم ووجودهم بجنبها وصياحهم وتعزيزهم لنياف الي زاد من سرعته عشان يضيع الدوريات وينزل العيال بسرعة
صارت تلف يمين يسار بنفس حركة السيارة وهي تحاول ما تطيح باحضانهم رفعت نظرها للمراية وشافته يناظرها ناظرته وهي تبكي وكل غضب الكون جسدته بنظراتها
حط رجله على الفرامل وهو يوقف ولف على اخوياه :انزلواا
سعد :يولد كمل للاستراحة
نياف بعصبية : ضيعتك من الدورية اذلف
نزلوا العيال وهم مستغربين من عصبيته فجأة قفلوا الابواب وحرك بسرعة
-
عم الصمت وهي كاتمة شهقاتها وعصبيتها وتنتظر كلمة منه
كان ساكت وعينه على الطريق تنهد وهو يطلع دخانه
ما قدرت تتحمل وتسكت اكثر ناظرته من سحب الولاعة وكانها اخيرا لقت شي يطلق حروفها صرخت عليه : ما كفااك الي سويته وتبي تكتمني بالتبن الي معك ؟"وبكت وتتقدم لعنده وسحبت السيجارة من اصبعه : سويت الي عليك وما قدرت تقتلني اجل انا بقوم بواجبك
وحطت الزقارة بفمها

"صلوا على محمد"

بسيارة عز *

ملاك : فرقت يعني اخذت الكشاف لاني كنت خايفه
تنهد عز وحرك وتوجهوا للبر بكل صمت وهدوء بالسيارة
بعد ساعات وصلوا *
نزلت وهي تبتسم لشروق الشمس وتمدد عضلاتها : اوف الجو يهبل
شافت عز توجه لخيمته ولحقته : ابي انام وين انام ؟
عز : ارض الله واسعة
ملاك : ترا تعبانه ماني ناقصه مزح اخلص وين انام
عز : داخله الخيمة بتسوين عرس؟ اكيد بتنامين فيها
ملاك وهي تناظر المكان : ابي لحاف برد
تنهد عز وسحب لحافه ورماه عليها سحبته وهي تضبط المكان لها ونزلت عبايتها :افتح السيارة باخذ شنطتي
عز وهو يجمع حطب للفطور :مفتوحة
اخذت شنطتها وطلعت لها بجامة ولفت وهي تدور دورات المياة :وين دورات المياة ابي اتروش ؟
عز وهو يشب الحطب :مافيه خذيلك مويه واغسلي جسمك
ملاك بصدمه :وش اللي مافيه اتروش قدامك ؟؟
عز : روحي وراء الخيمة واذا تبين مويه حارة انتظري لين اشب الحطب
ملاك وهي توسع عيونها : لا مستحيل كيف عايش انت ؟ تخيل طلع علي احد وانا اتروش ؟وبعدين ما عندي شامبو ابي شامبو
عز : فيه صابون تعالي خذيه
ملاك : تمزح صح ؟
قام عز وهو يدور الدله : من متى امزح معك ؟
ملاك : لا تمزح شكرا بس ابي شامبو محد يحط على شعره صابون
سحب عز الصابون وحطه بايدها : تراني مو جابرك تتروشين
خزته وهي تناظر الصابون بايدها : والله ما اتروش
ولفت وهي تدور لها مكان تبدل فيه توجهت لزاوية الخيمة وهي تناظر عز : لا تلفف يويلك لو ناظرت
سكت عز ونزلت فستانها وعينها على عز لبست بجامتها بسرعة وتنهدت براحة من خلصت ورجعت اغراضها
وجلست وهي تسحب اللحاف وتنام
خلص قهوته ولف عليها شافها نايمة سحب الساكتون وطلع من الخيمة وهو يدور لصيده