بين أنياب الإنتقام

الفصل التاسع

بعد قليل

دلف ورائها وجدها جالسة علي السرير بجوار اطفالها

امسك يدها مردفا بحماس : جميلتي يلا نخرج يلا بسرعة قبل ما آدم وجودي يصحوا

جميلة بهدوء حتي لا توقظ أطفالها : بعد اللي انت قولته من شوية مبقاش ليا مزاج اخرج أو اعمل أي حاجة

_: قومي بس البسي وانا هغير مزاجك

صمت قليلا ثم اردف قائلا : اجيب طايرتنا الخاصة نسافر ونبعد اليوم ده

حديثه جعلها تفتح عينيها علي أوسعها من الفرحة : بجد يا آدهم

_-: بجد يا جميلتي بس العيال هنسيبهم ازاي لوحدهم

جميلة بهمس وهي تنظر لأطفالها : هقول لدادة صباح تهتم بيهم وكمان جدهم وجدتهم موجودين

كملت بحماس : يلا بسرعة بقي

_: طفلة

تغيرت ملامح وجهها 180 درجة ثم اردفت قائلة بغيظ : انا مش طفلة وابعد عني بقي مش عايزة اروح في حتة

كادت انت تتركه وتذهب لكنه جذبها له بقوة ممة جعلها تقع بين احضانه : بهزر معاكي يا جميلتي ايه مبتهزريش

انهي حديثه طابعا قُبلة قوية علي وجنتها

جاءت ان تفتح فمها للتحدث لكن قاطعها صوت ليلي العالي الذي وصل إلي مسامعنا وهي تنادي والدها

ترك آدهم جميلة مكانها تناظره بصدمة وهبط للأسف حتي يري شقيقته

⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑⭑

آدهم بقلق وهو يهبط من علي الدرج : حصل حاجة يا ليلي انتي كويسة صوتك عالي ليه

ليلي بخوف وقلق : فادي مرجعش البيت بفي له كام يوم حاولت رنيت عليه وبعت له رسايل كتيير بس موبايله مغلق ومفيش حد عارف هو فين

_: حاولت اتصل بأخوه بس موبايله مغلق هو كمان

عمران ولدها الكبير بقوة وضيق : ماما مفيش فايدة من انك تعيطي بابا كويس وشوية وجاي

آدهم بجدية : خلي عندك ثقة زي ابنك

أكمل مردفا بحذر : ليلي متعرفيش فادي بيقضي وقته فين انتي عارفة هو بيقابل مين بعد الشغل

_: انت ليه بتسألني كل ده

_: لو كنتي عارفة هو بيروح فين وبيقابل مين ممكن ابعت ناس هناك يطمنوا عليه عشان كده بسألك

ليلي ببكاء : انا معرفش هو بيروح فين أو بيقابل مين الحاجة الوحيدة اللي عارفها أن فيه حاجة حصلت له ده عمره ما حصل قبل كده

أثناء حديثهم دلفت حور مردفة بقلق : ليلي ايه اللي حصل بتعيطي ليه

آدهم بهدوء : فادي مرجعش البيت بقي اه كام يوم وموبايله مغلق وموبايل أخوه بردوه مغلق وعشان كده ليلي قلقانة