وَاقِع في غْرامكَ

12

تعليق + نجمه

=♡

100 تعليق و 40 فوت

____________________________________

خطى خطواته متجه لمكتب اللواء وملامحه ما كانت مبشر بالخير متجاهل العساكر والجنود الي يطقون له تحيه كل همه الحين يخلص موضوع أجازته الي أجبرته زوجته على أخذها، هو صح يمديه يتجاهلها ويكمل تدريب لكن هذي بلقيس مو اي وحده هو يعرفها زين إذا عاندها بتطيح كل مصايب الدنيا فوق راسه

بعد ما وصل لعند الباب دقه وجاه السماح من الطرف الثاني، أول ما دخل طق التحيه قدام اللواء لكونه أقل رتبه، أبتسم اللواء لمنظر الملازم الي واضح عليه العصبيه

قال اللواء قايم من مكتبه رايح لثلاجة الصغيرة ياخذ منها مويا بارده ورجع عشان يقدمها له و أول ما جلس مقابله قال"عسى ما شر وشفها خلقتك مقلوبه"

فتح صقر المويا وشرب منها وبعد ماخلص قال بإنزعاج
"تو جاني اتصال منذيك الشيطانه تقولي اخذ اجازه عشان عزومتها"

ضحك الوليد وقال متحسف على حال خويه
"يووه يالمسكين عاد الله يعينك الحين بتكرفك "

دلك صقر بيده راسه المصدع وقال بتعب
"أكيد هذي بلقيس اول ما تحط رجلي عتبت البيت بتاخذني مشاوير لأخر الدنيا رغم انه معها سيارة وسواق وفوق ذا كله تتعبني ماترتاح الا تشوفني على حافة الموت"

رد عليه الوليد
"عاد زوجتك نرجسيه مره لازم تتحملها في الاخير معكم بنت"

هدئة ملامح صقر وقال بتنهيده عميقه
"ذا الي مخليني استحمل ذا الشقى كله "

ابتسم الوليد لمعرفته بنقطة ضعف خويه وهي بنته الوحيده"على الاقل همس بتغير لك مزاجيتك الزق ذي"

ابتسم صقر بجانبيه متذكر بنته
"وانت الصادق اشتقت لها ولسوالفها الي ماتخلص"

ضحك الوليد بهدوء
"ايي بنتك ذي عسلل "

بعد مدة من الهدوء المريح بينهم سأل الوليد
"اي متى تبي اجازتك؟ "

رد عليه صقر بجديه
"الخميس وخلها ثلاثة ايام برجع الاحد"

"تمم "
قال وهوه قايم من الكنبه راجع لمكتبه يجهز له موضوع الاجازه الي بتكون مع الراتب

ابتسم صقر براحه وهوه واقف
"مشكورر مرة وليدووه"

رفع الوليد راسه وقال
"ولو ما بيننا يالخوي"