تعليق + نجمه
=♡
البارت عباره عن البنات وطويلل
100 ڤوت 150 تعليق
+البارت مهم
_____________________________________
يوم الجمعه الساعه
3:20 مساءً
كانو كلهم قاعدين في نفس الغرفه، في الي تمشط شعرها والي تشوف الفستان على جسمها والي مستحله المرايا تحط الميكاب والي ماهي حولهم رايحه تطلب الاكل والي غاطه في سبات عميق رغم كمية الازعاج حولها
"ها بنات آخر كلام مشويات ولا برقر"
تكلمت عهود وهي تتصفح جوالها عشان تطلب لهم أكل
كل وحده منهم جت اول ما قامت من النوم لبيت خلود يتجهزون سوا ويروحون للعزوبيه
تكلمت فدى وهي تفيّر خصلات شعرها الطويل
"الصراحه الي بتطلبونه انا معكم ماتفرق معي حييل جوعانه"
قالت رونق وهي تشوف الفساتين الي محتاره فيهم
"الصراحه برقر مالي خلق كباب"
ردت عليها الجوهرة وهي ترسم حواجبها بدقه
" انا اقول الكباب احسن من البرقر على الاقل يشبع"
قالت عهود بنبرة تأكيد
"اجل برقر "
لفت الجوهرة بإنزعاج وقالت
"خيرر!! "
مشت رونق وفي كل يد فستان شكل ولون غير وكلهم كانو مره حلوين والواضح انهم من ماركات عالميه
، بلعت ريقها بتوتر وقربت من فدى وقالت
"فدوه اي واحد البس "
ناظرت فدى بالفساتين الي كانت كاشفه من عند الصدر وقصيره وهذا الشي ما راق لها أبد..
"كلهم عليك حلوين بس ليه مره قصار، تعرفين البنات هناك ونظراتهم مايجوز"
خزتها الجوهرة وقالت بتهجم
"شدعوه تحبين تأوڤرين ترا كله فستان واحسن من الكروب توب "
"صادقه جوجو "
وافقتها عهود
عضت رونق شفايفها بخفه وردت
"ليه طيب ترا كله فوق الركبه مو شي مره فاضح"
هنا تركت فدى السرميك على الطاوله ومسكت واحد من الفساتين قايله بجديه وبحتها زاد من حدة الكلام
"اللبسي الوردي حلو وشوي محتشم عشان البنات لا يناظرون شي ما يخصهم"
توسعت عيون رونق بقوه ووجهها حمّر هذا غير قلبها الي تخبط في مكانه وقالت بصدمه ماقدرت تنكرها
"هاا"
غمزة الجوهرة لعهود الي ابتسمت بأنتصار من الي قاعد يحصل قدامهم، حست فدى انها تورطة وقالت بتبرير سريع"ا-اعني يعطونك عين وكذا"
أنت تقرأ
وَاقِع في غْرامكَ
General Fictionتحت ظل العسكرية يقع رجلان في غرام بعضهم bxb-gxg ⚠️روايه عاميه وتحتوي على علاقات مثليه الي مايعجبه يذلف!!
