تعليق + نجمه
=♡
100 تصويت 130 تعليق
____________________________________
فتحت عيونها على صوت المنبه الي أنتشر بصوت عالي
في أنحاء الغرفة وبحركة سريعة أخذت جوالها من جنب
المخدة فاتحته وشايفة الساعة الي خلتها تفز من سريرها وهي تردد بصوت عالي
"تأخرت تأخرت"
ربطت شعرها الطويل وهي تفكر انه لازم تحط له زيت أول ما ترجع من دوامها ودخلت الحمام ماخذه لها شاور بارد وفرشت أسنانها وطلعت من الحمام فاتحه دولاب الملابس الكبير وطلعت تنورة سوداء طويلة وبلوزة سماوية ومعهم شال سّكري خفيف يناسب لون بشرتها الأسمر
وفتحت الدرج الخاص بنظاراتها وهي تفكر اي وحده تلبس اليوم و اخذت وحده عشوائية عشان ما لها حيل
تختار، تعطرت وحطت من العود الي تحبه ولبست أسوارتها الألماس وأخذت عبايتها و شنطتها و طلعت نازلة من الدرج
و دخلت المطبخ عند امها الي كانت تسولف مع وحده
من الخدامات لكنها توقفت اول ما شافتها و سألت
"علامك ما رحتي الدوام يا بنيتي؟"
اخذت تفاحة و اكلت منها و ردت على امها
"الحين طالعه، وين انس؟"
تنهدت امها بحزن و قالت
"مو راضي يطلع من غرفته وحالته صارت اسوء"
انصدمت و ردت على امها وهي تلبس عبايتها و تتحجب
"ليش؟ قبل امس كان يسولف معي و طلعته للمول وكان كويس"
قالت امها
"آهخ الشكوى لله يا بنيتي"
توجهت للباب طالعه منه لكن استوقفها نداء امها
"فلك"
ردت عليها بصوت عالي
"هلا يمه"
قالت لها امها بأبتسامة
"ترا خالتك موزة تقول انها بتجي تخطبك
لولدها قصي"
تأففت بداخلها و ردت على امها بهدوء و هي تقرب منها
"يمه يا حبيبتي يا نور عيني انتِ، انا ما ابي اتزوج ولا انخطب خلاص تعبت من ذي الاشياء وليد استنزف طاقتي مو ناقص انه لي ست شهور منفصلة عنه"
ردت عليها امها بحنان
"الي يريحك سويه يا بعدي"
باست راس امها و طلعت متوجه للسيارة الي كان فيها السواق ينتظرها و اول ما دخلت حرك السيارة طالع فيها من القصر الكبير
شبكت جوالها في البلوتوث حق السيارة و شغلت
"ميادة الحناوي الحب اللي كان" و أمرت السايق انه يرفع الصوت و بدأت تراجع الدرس الي بتشرحه اليوم للطالبات بأنسجام مع صوت الأغنية الي كان يخليها
تحرك اصابع يدها بأنسجام و هي مبتسمة بخفة
أنت تقرأ
وَاقِع في غْرامكَ
General Fictionتحت ظل العسكرية يقع رجلان في غرام بعضهم bxb-gxg ⚠️روايه عاميه وتحتوي على علاقات مثليه الي مايعجبه يذلف!!
