علمود تتعلمين ما تسوين الي سويتيه هذا فوگ ما انتي مو بنت
امي ذبت هذني الكلمات چنهن سم وراحت
واني گعدت ابچي ومن البچي نمت
مر اسبوعين چنهن جبل على گلبي
واليوم يوم زواجي
ويمكن يوم طلاگي همين
اني گاعده بالصالون
الكوافيره تحطلي مكياج وابچي واخربه
عرفت بيه ما رايده اتزوج
حبيبتي اهدأي تره كلشي قسمه ونصيب ماتدرين يجوز هذي خيره الچ وتره الحب يجي وره الزواج
فحبيبتي لا تخافين واذا انتي انسانه مؤمنه فالله يسخر كلشي بصفچ انتي بس اصبري
گالتلي هذا الكلام وريحني شويه
وگفت ابچي لأن خطيه تعبت
ولبست الفستان وهذا هوه الفستان
اوووه! هذه الصورة لا تتبع إرشادات المحتوى الخاصة بنا. لمتابعة النشر، يرجى إزالتها أو تحميل صورة أخرى.
واحد من فساتين عرس ديان هيهي
لبسته وچنت طالعه اخبل
فعلا الحزن يضم الجمال
عمري ما عرفت اني هيچ حلوه
صار وكت العرس
ورحت طبيت للقاعه
وما اسمعلك غير الهلاهل العاليه
رحت گعدت على الكوشه
وگعدنه نرگص واني ارگص بس لأن امي مهددتني
اني بعدين صفنت وما اسمع اي شي بس اباوع ومبتسمه علمود لا احد يشك
انتبهت عليهم كلهن گعدن يلبسن حجاباتهن ويتسترن
طب العريس...
باوعت للعريس حرفيا قنبله مو عريس
چان ديمشي باتجاهي
وصل يمي
جر ايدي بقوه بحيث راد يشلعها وباسها وهو يباوعلي بنظرات حاده
واجه يم اذاني
الليله هاي راح احول حياتچ جحيم
هو گالي وگعد يباوعلي بنظره تخوف وگعد بصفي
سوينه فعاليات بالعرس ووراها هو طلع ورجعن النسوان يردحن
واني صافنه وافكر بالكلام الي گاله الي
گلت اكيد محيسوي شي قابل شيسوي
