لا تخافين عمري.. اني وياچ.
يوسف گالي
چان لازم ايدي بقوه
يوسف.. امي راح تموت.
اني گلت
دموعي بدت تنزل شويه شويه
كأنو مابيه حيل ابچي حتى
ريم الاعمار بيد الله ماتدرين يجوز يصير شي. وتعيش امچ.
يوسف گال
بس اذا معجزه تعيش ماما.
اني گلت وزدت البچي بصمت
يوسف وخر ايده من ايدي وحاوط جسمي كله وشبكني
هسه هاهيه لا تبچين الله كريم.
يوسف گال
الله كريم.
گلت اني
رجعنه على نفس الوضعيه
اني حاطه راسي على چتفه
وهو حاط ايده على ايدي ولازمها بقوه
ماحسيت بنفسي الا واني نايمه وغاطه بنوم عميق
_______________________________________
youssef's pov
چانت حاطه راسها على چتفي
چنت حاس بحزن على حزنها
وچنت حاس بفراشات لأن هسه هيه حاطه راسها على چتفي
ماحطيت موبايلي عالطيران خاف احد يريد يحاچيني
باوعت شويه عليها
لگيتها نايمه
نيمتها بوضعيه بحيث اگدر اشوف وجها
صفنت على وجها
فدوه لالله
ملاك والله ملاك
ظليت صافن
قربت منها
وبستها على خدها
ظليت اباوع لوجها لحد ما قاطعني تلفوني
اني حاطه صامت بس يهتز
علمود ميضوج احد بالطياره بس اني اعرف
دا يدگ تلفوني
كمشته وگعدت اباوع عليه
اسيل دتتصل
رفضت الاتصال
شتريدين؟
اني دزيتلها
شنو شاريد وينك هسه؟!!
هيه دزتلي
مسافر
اني دزيتلها
مسافر؟!! شنو محد يدري؟ وويامن ووين؟
هيه دزتلي
كافي بس تسألين.
اني دزيتلها
هسه بس رد على اسئلتي!
هيه دزتلي
الكل يدري مسافر بس انتي. وويه ريم. والمكان ميحتاج تعرفين.
اني دزيتلها
تعمدت اكتبلها باسلوب مستفز
لأن هيه حقيره
واني گمت اكرهها
لازم تعرف انو ريم تاج راسها
شنووو؟! ويه ريم؟؟ شدتسوي ساحبتك وياها هذي الملعونه؟؟
اسيل دزتلي
لچ احترمي نفسچ واعرفي عليمن دتحچين. وان شاء الله عبالچ اني احبچ؟ اني لا احبچ ولا گالها الله السبب الوحيد الي خلاني اتزوجچ هو امي. واني اصلا مهووس بريم. فانتي يله ولي منا ولا تخربين عليه.
اني دزيتلها
