هذي عيون يوسف!!
لا شعوريا فتحت عيوني اقوى شي
باوعتله شويه
شو هذا دمع
باوعت لزيدان
لگيته يباوع ليوسف وضايج
يله هسه عرفيهم عن نفسچ ووراها كل واحد يعرفچ عن نفسه
يونس گال
هلا. اني اسمي ريم. عمري 24 سنه. تخرجت من كلية ال***
اني گلت
كلهم گعدو يتعرفون عليه وعلى شخصيتي
عرفوني على نفسهم
گعدنه سوه وتونسنه
لحد ما تأخر الوكت
اني اصلا جبت جنطه بيها ملابسي لأن عرفت راح ابقى هنا
يله شباب تأخر الوكت خلي نودي ريم لشقتها ونرجع
يونس گال
اني اوديها!
يوسف گمز من مكانه وگال
اني بوكتها گلت اي اي يوسف انت تودينيي
ها شتگولين؟
يونس سألني
اي اي عادي
گلت اني بصوت يرجف شويه
يله يوسف وديها وارجع گبل لبيتكم لأن احنه كلنه حنروح
يونس گال
يوسف بدا يلم غراضه ويحطهن بعلاگه
غراضه الي جابهن وياه للتدريب
جريت جنطتي وردت اروح احطها بالسياره بس يوسف جرها مني وراح خلاها
حسيته كلش متحمس
مثل الطفل الصغير الي امه تريد تاخذه لمدينة العاب
راح صعد بالسياره واني صعدت بصفه
من صعدنه چان يوسف ساكت بس يسوق وابتسامته شاگه حلگه
اني اصلا حاولت ما اباوعله بس ما گدرت
ما اريد يصير بيني وبينه تواصل علمود انساه
هو اصلا يحب وحده ثانيه
مادري ليش هيچ تصرف
وصلنه للشقه الي جهزوها للشخص الي حيفوز بالتصويت
هو راح نزل من السياره واجه فتحلي الباب
شال جنطتي وراح فتح باب السقه لأن يونس انطاه المفتاح
طب للشقه وحط الجنطه واول ما طبيت سد الباب
ظل واگف گدامي
اني باوعتله بوجهه حزين
ريم..
يوسف گال
اول ما گالها اجه عليه وشبكني
شبكني شبكه تخبل
چان بيها شفاء لكلشي
كل الجروح الي مريت بيها بحياتي
وكل المواقف السيئه الي بينه
شديت على حضنه اني
ردت اطب بجسمه
چان هو شابع بچي واني همين
يوسف.. هدني حباب
اني گلت
ريم اني بالگوه لگيتچ تريديني اعوفچ؟؟
گال وهو حاط راسه برگبتي ويبچي
يوسف عوفني.. ما اگدر
اني گلت
هو خاطب ليش هيچ ديسوي
ريم احبچ اموت عليچ اعشقچ
يوسف گال
