تؤكد نتائج الفحوصات ان ريم هيثم الشمري حامل بجنين بمنتصف الشهر الثاني
لا يالله
اني انتهيت
هييييي
شهگت ريم بصوت عالي
ما اريد النتائج
گلت وانطيتهن للدكتوره وانطيتها اجر الفحص واخذت ايد ريم ورحت امشي
صعدتها بالسياره وصعدت همين
وصلنه لبيتنه
انزلي لمي غراضچ بجنطه وجيبيها وتعاي
اني گلت
شنو ليش!!
ريم گالت
ريم بلا حچي زايد هسه تروحين تجيبيها وتجين
گلتلها وباوعتلها
لگيتها مدمعه
راحت وانتظرت اني نص ساعه
اجتي تجر بجنطتها
نزلت من السياره وحطيت جنطتها بجنطة السياره وطبينه للسياره
شكو ليش خليتني الم غراضي
ريم گالت
ريم اني ما اتحمل فكرة انو اني اب من وحده مو شريفه. راح اوديچ لبيتكم اريد ابقى وحدي
گلتلها بهدوء يخوف
منو گال اني مو شريفه انت ماتدري شنو الي سواني هيچ...
هيه گالت بصياح
اش. اششش ما اريد اسمع ولا حرف اسكتييي!!
گلت بصياح
ظلينه طول الطريق ساكتين
وصلتها وحتى ما رحت طبيت وياها گبل بس سدت الباب اني حركت السياره
_______________________________________
Reem's pov
يوسف حرفيا مو رجال
وين اكو رجال يعوف مرته وهيه حامل بنص اليل بباب بيت اهلها
دگيت الباب وفتحتلي امي
هيييي شتسويين هنا مال الوجع؟!
هيه گالت
هاي بدال ما ترحبين بيه. يوسف ذبني هنا گال اكيد اشتاقيتي لأهلچ ابقي يمهم فتره
چذبت عليها. ماردتهم يكتلوني او يتشمتون بيه
يا. خابريه گوليله ما اريد ابقه هنا
امي گالتلي
ماما شنو هاي لخاطر الله تره عيب
اني گلتلها
باي اني حروح لغرفتي
گلتلها وگبل رحت لغرفتي
طبيت للغرفه وشفت كلشي مترب
يعني محد طب للغرفه منزمان
حسيت بانكسار من امي تلگتني هيچ
اذا اهلي هيچ لعد الغريب شلون
ما الوم يوسف صراحه
بديت الوم نفسي
اني ليش صدگت الحارس
او يمكن اني الغلطانه لأن جذبت الحارس
اني اسلوبي يجذب وشكلي همين
