يوسف راح گبل شبك امه وحط راسه بحضنها وظل يبچي
ياريتني اني الي شبكتها
رفعت الجلسه
القاضي گال بعد ما دگ بالخشبه مالته مدري شنيه على الميز
اني گبل گمت ورحت
وقبل لا اطلع رجعت باوعت على يوسف
هم يباوعلي ويبچي
اني ما تحملت هنا گبل گمت ابچي
هو همين
راد يجيني بس امه لزمته
اني باوعتله واني ابچي وامسح بدموعي
وطلعت
اول ما طلعت رجعت لبيت اهلي ورحت لغرفتي
الغايب حيوصلني باچر
راح اخذه واسجل بجامعه واسجل بسكن الجامعه
عفت كل هذني على صفحه وگعدت انهار
ياخي اني احبه
ليش عفته
اني احبه!!
غبيه عمري ما سويت خيار صح
گعدت ابچي ساعات
لحد ما نمت على نفسي
_______________________________________
youssef's pov
لا يالله لا
حبيتها من كل گلبي
اول مره احب بنيه هيچ
ما رجعت للبيت ويه اهلي
رحت لبيتي الي چنه اني وياها حنعيش بيه بعد ما نخلف اول طفل
(هو ما گاللها بوكتها انو هو عنده بيت بس يجيبون اول طفل ينقلون بيه)
بس طبيت للبيت رحت للغرفه الي المفروض مالتنه
نمت عالچربايه
صفنت شويه
استوعبت انو مالكة قلبي ضاعت من اديه
بس اذا سعادتها مو وياي...
فمستحيل ابقه وياها
الانسان لمن يحب يسوي كلشي للشخص الي يحبه
گمت ابچي بصوت ناصي بالبدايه
بس بعدين..
گمت اصيح وابچي واضرب بنفسي واكسر بالاشياء
ليش عفتيني ريم ليش!!!!
گلت واني دا ابچي وكسرت المرايه الي چنت دا اباوعلها
ايدي انترست دم
ما اهتميت
كملت بچي وصياح
وايدي مكمله تطلع دم
الموبايل دگ
التفتت بسرعه
تمنيت انو ريم
رحت ركضت عالموبايل لگيتها امي
اخذت الموبايل وحاولت اعدل صوتي ورديت
الو
گلت بصوتي المزروب بيه
الو يوسف
امي گالت
سوده عليه وليدي محتاج شي؟ اجي يمك؟
امي گالت
لا ماما لخاطر الله اريد ابقى وحدي!
اني گلت
يله ماما لعد باي
امي گالت وسدته
رحت ذبيت نفسي عالچربايه ونزعت القميص ونمت واني ابچي وايدي تخر دم
_______________________________________
Reem's pov
