يوسف!!!.
اني صيحت
يوسف وگع بالگاع
اغمى عليه!!
رأسا ركضت عليه
من وگع بالگاع اتجرح بالزايد لأن الگاع مليانه گزاز
او خلي نگول
الگزاز بين شويه گاع
گعدت يمه واني هم رجليه تجرحن
يوسف! اگعد يوسف شصارلك!!
اني گلت
(ذكرني بهذا مال هايشنو.هاي شموته.شو گوم اگعد.هاي شموتك.گوم گوم)
گعدت اهز بيوسف واضرب بيه راجديات واني دموعي مو راضيه توقف
طلعت الموبايل وخابرت الاسعاف
الو! عدنه حاله والعنوان ****اتمنى تجون باسرع وقت!
اني گلت بسرعه
الاسعاف بالطريق.
گالت واني سديته
حاولت اگومه
ثگيل
كله عضلات
خره عليك يوسف ليش تتمرن هواي؟!
اني گلت واني منهاره بچي واحاول اشيله
ما گدرت اشيله بالاخير ردت اسحله بس الگاع كلها گزاز
فقدت الامل ورحت نمت بصفه بالگاع
گعدت ابچي
لحد ما سمعت صوت دگات على الباب
عرفت انو همه
رأسا رحت فتحتلهم
اكو هنا حاله؟
گال رجال وبصفه رجال ثاني
اي هذاك وينه مغمى عليه!
اني گلت واني اشهگ وابچي وأشر عليه
همه رأسا راحو يركضون ومن شافو گبل حطوه بهاي الشغله الي يشيلون الاشخاص الي صارلهم شي
اني ارتاحيت لأن اخذوه
رحت رأسا وراهم وصعدت وياهم بالاسعاف ليوره
گعدت بصف يوسف واني اباوعله
وگعدت ابچي بالزايد
چانت الدكتوره مدري الممرضه گاعده بصفي ليوره وتفحص نبض گلبه
تتأكد خاف يموت
حسيت السياره وگفت
وراهه بعشر ثواني اجو رجالين غير الي جابو يوسف بالبدايه
وشالوه
اني گبل لحگتهم
ظليت امشي وراهم لحد ما حطوه بغرفه
مقبلو اطب وياه
گعدت انتظره كم دقيقه بره الغرفه واني ابچي
مگلت لأحد
لحد ما اجتني دكتوره
تگدرين تجين وياي ناخذ كم معلومه منچ.
هيه گالت
اشرتلها براسي بمعنى اوكي
ولحگتها
رحنه بالمكان الي يدلون بيه الناس على المرضى
اول ما رحت گعدت تسألني
گعدت تسألني كم سؤال على يوسف وعليه همين
لحد ما وصلت لهالسؤال
