باوعتله واني دا ابچي
بس لحظه؟
نزلت دموعه؟؟؟
اباوعله دموعه تنزل وتوگع عليه
نزل لمستواي وخله راسه على بطني
ظل يباوعلها ودموعه تنزل وتوگع على بطني
چان ابني هنا
گال وهو يبچي
انت خسرته. بس تدري. هاي خيره لأن خطيه يعيش بين ام واب منفصلين
اني گلت وهو رأسا باوعلي
طلگني
اني گلت
شنو؟!
هو گال بصدمه
گتلك طلگنيييي!! الله لا ينطيك لا انت ولا اهلي ولا الحارس الله لا ينطيكم خربتو حياتي!!! لو ما انتو بحياتي چان هسه اني بافضل حال بس حظي خلاني يمكم الله لا ينطيكم!!
اني گلت وگعدت ابچي واصيييييح
خنگول طلگتچ وين تروحين؟
هو گال وعيونه مغورگه ووجهه احمر
ابدي حياه جديده بدونكم يا سفله!!
اني گلت وتنفسي مو منتظم
سكتت وسكتنه ثنينه
طلگني حباب!
گتله بصوت ناصي واني ابچي
اجه عليه وشبكني گبل
عوفني. حباب عوفني لا تقرب انت حقير. ما تستاهلني. عوفني وطلگني طول عمرك ما ردتني عوفنييي!.
گتله واغمى عليه وهوه حاط راسه على صدري وحاضني
_______________________________________
youssef's pov
تريد تطلگ
شنووو!
تريد تطلگ!
چنت دا احچي ويه عقلي بصدمه احاول استوعب المصيبه الي اني بيها
تسببت بقتل طفل
والطفل هو ابني او بنتي
وفوگاها خربت عيشة امه
اني شگد فاشل لعد
ااذ صمدت على رأيها اطلگها
ما استاهلها اني
گعدني من تفكيري الدكتورات
استاذ وخر شويه خنقيس ضغطها
وخرت واني ساكتتت ولا صوت
قاسن ضغطها وطلعن
اني ظليت نايم يمها
الساعه بال3 الليل
الاضويه مسدوده والممرضات مغطياتني بغطه واني نايم على القنفه والاضويه مسدوده وسبلت مفتوح والقنفه كلششش مريحه
گعدت وباوعت على ريم
لگيتها فاتحه الموبايل وتگلب بيه عالتيكتوك
ركزت على وجهها شويه
كله دموع ناشفه
وجفونها منتفخه
ظليت صافن وما خليتها تعرف انو اني گاعد
فجأه باوعتلي
چنت انتظرك تگعد
هيه گالت
ليش؟
اني گلت
علمود تطلگني
هيه گالت
ظليت اني صافن
عيوني غورگت من استوعبت مصيرنه انو ما نكون سوه
