ابوچ معتقليه ويريدون يذبوه بالسجن!.
يوسف گالي وحرك السياره
حسيت عالمي وگف للحظه
يوسف.. تشاقه؟!
اني گلت
يوسف باوعلي بحزن
سكتت وصديت على الجامه
محسيت بشي
راح اخلص من ابوي
جزء حلو انو راح اخلص منه
وجزء محلو انو راح اخلص من ابوي
محتفهموني لو اظل اشرح للصبح
ريم.. احچي شي لا تسكتين هيچ دتخوفيني عليچ.
يوسف گال وهو ديسوق
يوسف معندي شي احچيه.
اني گلت
هو رجع يسوق
چانت مشاعري ملخبطه
مادري افرح احزن
وصلنه للمركز
يوسف طلع من السياره واجه فتحلي الباب وكمش ايدي ورحنه بسرعه
اول ما طبينه اجانه رجال
وچان وراه ابوي
چان وجهه معبس ويخوف.
دكتوره ريم. استاذ يوسف. تفضلو وياي.
الضابط الي اجه يمنه گال
لحگناه رأسا للمكتب مالته
گعدنه وهو گعد گدامنه
شبيه عمي. ليش اعتقلتوه؟
يوسف گال
عمي شنو
يوسف بعده عالتحديث القديم
اكتشفنه انو هو يتعاطى مخدرات. وهمين يتاجر بيهن بكميات هائله. تكفي تدخله للسجن للابد. والفلوس الي يربحهن كلهن يروح يقامر بيهن وميربح الا نادرا ويشتري مخدرات بعد.
الضابط گال
عندكم ادله ضده؟
يوسف گال
ملموسه. ومسجله بڤويسات. وهمينه عدنه شهود.
الضابط گال
يوسف باوعلي
شتريدون تسوون بيه سوو هو من چنت صغيره چان يتعاطى مخدرات ويتاجر بيهن.
اني گلت
يوسف باوعلي بصدمه
چان ابوي يتعاطى وكل ما يخلصن يجي يضربني ويطلع يجيب بعد.
ما يهمني انو يطلع
گمت اكرهه بالزايد
گلت يمكن گلبه يلين عليه
بس لا مستحيل
بالعاده الناس وخاصتا البنات يدافعن عن ابائهن. انتي ليش ما تدافعين عنه؟
الضابط گال
من چنت صغيره چان دائما يضربني. وسوه بيه هواي اشياء.
اني گلت
تگدرين تذكريهن؟
الضابط گال
اسفه. لا
اني گلت
تگدرين تشوفين ابوچ للمره الاخيره قبل محاكمته. وبعد المحاكمه شوكت ما تريدين تزوريه بالسجن عادي.
الضابط گال
