ما بين العناق والفراق
للكاتبة : هدى الهاشمي
..................
في الماضي :
مستشفى اليرموك :
زياد يفرك عيونه ويضرب راسه ضربات خفيفة
يمشي يمين ويسار
يوكف
ويرجع يمشي بتوتر
زياد - هسه لازم الكل يهدء
لازم نفكر
خل نفكر شنسوي
التفت لابوه ..
يابه ..
تقرب يمه
لازم نحجي لخطيبها
هيج موضوع ماينضم
ابو زياد مصدوم : شتحجي ولك !!
زياد استر علينا
واسكت
ما سمعت الدكتور ؟؟
كال لازم يتأكد
بعده مو متأكد
زياد : يابه راح يتزوجون بعد اسبوعين لازم يعرف لا توروطنا بهيج سالفه
انت ملاحظ عليها تصرفات غريبة بأخر فترة اني متأكد
لان حتى اني ملاحظ عليها !!
التفت زياد يباوع لامه
ام زمن شافته بنظرات قلق وارتباك
وبدت تضرب وجهها وزادت بالبجي والنواح اكثر ..
مثل الي كامت تربط الامور ببعض
خصوصاً انها اكثر وحدة حاسه بنتها جانت مو طبيعيه بالفترة الاخيرة
رجع زياد يم ابوه ، يفرك ايده
زياد يحب اخته كلش ومتعلق بيها
لدرجة انو الموضوع جان شاغل كل تفكيره بالوقت الحاضر ناسي كل همومه ومشاكله ومركز على حالة اخته وبس ..
تقرب لابوه تنفس بقوة
وكال ،
زياد : يابه
صارحني فدوة اروحلك
ابو زمن دار وجهه بعيد ، يريد يضم ملامحه عن ابنه
بحركة سريعة حك حواجبه
حجه زياد : يابه انت وزمن الشهرين الفاتت كل مرة تتعاركون بحدكم فوك واصواتكم تنسمع
وبعدين بصوت ناصي
تقرب زياد لابوه
ابويه اذا صاير شي احجي خل نفتهم شنو نسوي ..؟
همس ب اذن ابوه
زياد : يابه زمن شايفه عليك شي ؟؟؟ تعرف عنك سر محد بينا يعرفه؟؟؟
انصدم الاب
وتحرك من مكانه بعصبية
ابو زياد : يعني شتشوف مثلا؟؟؟
شتقصد انت ؟
ابتعد شويه زياد وكال بتوتر : ابويه ماعرف مداعرف افكر
مليون فكرة ببالي بنيه مابيها شي مثل الورد
فجاأة توكع
ويكلولنا تحلليها الاولي انفصام وصاير بيها صدمة قوية
داحاول اربط الامور ببعض
بس ماكو اي شي منطقي ؟ ساعدني ابووووس ايدك
أنت تقرأ
ما بين العناق والفراق
Romanceقصة جديدة واقعية لفتاة بسيطة تنقلب حياتها رأساً على عقب في زمن النظام السابق العراقي الرواية التي قلبت كل الموازيين .. 🌪️
