جيت أسالج يا دار .. عن كرة العين
يا دار گوليلي وين رحلو وين
يا دار أسال عن الاحباب
ملهوف عايد من الغياب ..
يا دار .. شو جنهم مِرحليّن .. !
يا دار كوليلي وين رحلو وين ..
.......
بقلم : هدى الهاشمي
هم تمرعليك مرات لحظات او حتى ثواني
بدون اي سابق أنذار
تحس بحنين بس متعرف لشنو بالضبط ؟
احساس يعتصر قلبك
منيين اجه هالشعور؟ !
مشاعر تغُصبك أنك تهرب من كل شي حواليك
تسمع صوت داخلك يناديك بكل قوته
روح لمكان بعيد
أنفرد بنفسك
عيش بحدك
أسمع هدوء الليل
أتامل منظر السما والگمر
مثل المرض المُزمن الي لازم تتعايش وياه طول حياتك
وتتعامل وياه كل مايدك بابك
لا اله علاج ولا تعرف مسبباته ..
ومثل ما احب اسميه شخصياً
(شعور الحنين للمجهول )
او بالانكليزي
The farsickness
هي نوع من انواع المعاناة، ولكنها أقل وضوحًا للناس. إنه شوق مستهلك أن تكون في مكان لم تزره من قبل؛ لتعيش مشاعر جديدة
الشوق لتكون في أرض بعيدة وغير معروفة، وشوق غامض لأي شيء، في أي مكان آخر، مثل أي شخص آخر.
.......
هيثم :
جنت اعرف بيني وبين نفسي اني راح اخسرها بهالتصرفات
بس جنت مجبور امشي بهالطريق
زمن هي الحقيقه الي جنت اهرب منها دائماً ،
اني مو شخصيه خجوله ولا انطوائي لذلك جان سهل عليّه اني اجرب العلاقات المتعددة ..
فعلياً داخل بعلاقات كلش هوايه
أعجز عن عدها حتى !
لدرجة اكو بعض البنات الي اصلا مو متذكر أساميهم
عاشو ويايه ايام من عمري وشهور يمكن ! بسهولة نسيتهم
اعرف هذا شي لا يدعو للتفاخر بس واقع
فَ أذن ليش الكي نفسي عاجز كدامها؟
يظهر انو كل شي قبلها جان سراب ..
اكتشفت اني مااعرف ولا شي ..
ولا مجرب اي شعور حلو قبلها ..
مشاعر قوية ومرعبة
احس بتهديدها كل ما وگفت كدامي
هي الوحيدة الي قادرة تسيطر على كل شي بيه
وهنا جان لازم اهرب ..
شلون؟
اكسر قلبها شكد مابيه
اصدمها
اضايقها
اي شي كمحاولات بائسه مني انو ابعدها عني
برغم اني اعرف انو فات الاوان
جنت احاول ارضي ضميري ،
استخدم هالاساليب لاني أجبن من انو اواجهه بحقيقتي
حقيقة أني ..
من اول مرجعت لهالمدينة واني عندي غاية وحده وبس
وجان من الضروري اني انسى كل شي
ادوس على هوايه مشاعر وناس
واضحي بكل شي في سبيل
احافظ على سري
سري الي حتى اخويه ابن أمي وأبويه مايعرفه ..
ما أنكر انو الموضوع جان كلش صعب
وجنت بين صراعيين .. صراع اني اتماسك واكمل الطريق الي اختاريته
وصراع اني استسلم واحذرها بكل صراحه من ناري حتى تنفذ بجلدها
أنت تقرأ
ما بين العناق والفراق
Romanceقصة جديدة واقعية لفتاة بسيطة تنقلب حياتها رأساً على عقب في زمن النظام السابق العراقي الرواية التي قلبت كل الموازيين .. 🌪️
