انا على استعداد اعيد ..
عمري المضه عنك بعيد
والغي حياتي بغيبتك
وابديها يمك من جديد 🤍
غيرك عشگ لا ماريد
انت حلم عمري الوحيد
حبك حياة يل انت بس عشگي الحلال ..
.........
عافني وراح واني بكمية صدمه .. شويه اضحك بأستهزاء
شويه اعصب
اوووووف !
هذا ششايف نفسه !
والله ماعرف منين يطلعولي هالاشكال
اوووي هسه اني شبيه هيج تنرفززت دخل يولي عوووذه
اصلا بعد ماشوفه ..
طبيت للبيت ادردم واني ماحاسه على روحي
ابتهال : زمن ؟
شبيج يمّه شو تحجين ويه روحج
خيرج ؟
زمن : هلو ماما
ها
لا ماكو شي بس موقف مزعج وراح خلص
ابتهال : طبي امي اتغدي حتى تسبحين وراها تبدين تقرين وراج امتحانات قريبه
زمن : ان شاء الله
امي شنو الغدا ؟
ابتهال : دووووولمه اكلتج المفضله
هاااا شوني وياج ؟
ابتسمت ورحت بستها
زمن : اوووه شنو هالدلال ؟
لو اكو منج اثنين بهالدنيا جان العالم كله يا عالم جان الكون كله بخيرررر ابووووسك اني 🩷
جرتني امي وباستني من خدي وحضنتني قوي
...
صعدت لغرفتي طبيت سبحت على السريع
وطلعت بدلت هدومي لبست بجامتي الورديه المفضله
اتفائل بهالبجامه كلش ماعرف ليش
كل ما البسها واقره اجيب علامات عالية من اني صغيره
نزلت جوه واتغدينه كلنا
اكل امي لا يعلى عليه خصوصاً من تسوي دولمه
اخويه زياد عنده سباق ويه الاكل اذا واحد مايلحك ياكل بسرعه الاكل كله يخلص
زياد : شبيج دصبري خل ناكل
زمن : شتاكل يمعود خلصت الجدر حتى ابويه مديلحك عليك ماشاء الله مركب مكاين
ضحكو امي وابويه
ابتهال : ولدي سمو بسم الله واكلو شكد ما تريدون اني وابوكم من لكمه لكمتيين نشبع
باوع عليه زياد وطلع لسانه حركاته المزعجه المعتاده
حولت عيني ورفعت حواجبي داقلد عليه
كملنه اكل
كمت نظفت المواعين ونظفت المطبخ ع سريع
ابتهال ؛ امي روحي درسي انتي اني انظف لتخافين
زمن : ماما مداسوي شي بس هاي ع سريع علمود لا تتعبين
اصبلكم جاي ؟
ليش بابا وانتي متريدين تشربين جاي ؟
زمن : لا بابا اريد الحك اسبح وراها اصعد فوك اقره قبل لا تظلم الدنيا
روحي بنتي الله يوفقج وترفعين راسنه
ابتسمت ورحت لغرفتي
طبيت سبحت ع السريع وطلعت لغرفتي
وكفت كدام المرايه
فتحت شعري دامشطه
وكفت لثانيتيين
وصفنت رمشت عيوني سريع
سمعت صوته بأذني ..
"راح اخليج تموتيين باليوم الف موته اذا ما شفتيني"
أنت تقرأ
ما بين العناق والفراق
Romanceقصة جديدة واقعية لفتاة بسيطة تنقلب حياتها رأساً على عقب في زمن النظام السابق العراقي الرواية التي قلبت كل الموازيين .. 🌪️
