اهلللللللاً يا قلبي🩵
لاتنسون الفوت و الكومنتات لطفا🩵
بارت طويل و احداثه❤️🔥
تنهدت وصال و قعدت قدام طلال بِحزن:لكنه ما قال لي
طلال هز راسه بالنفي:وش تبغين يقولك يا بنت الحلال انتِ اخبر بولدك ما يحب للوداع طاري
وصال شبكت أصابعها بعض:ولو يا طلال ولو كلمة فمان الله يمه تكفي منه من فترة الولد ما يدل للبيت درب
طلال تنهد:تعرفينه مايحتاج و تدرين ليه يتهرب من البيت
وصال عقدت حواجبها:تتوقع لو أزوجه بيستقر و يقعد بالأرض
ضحك طلال و وقف:يا قلبي يا وصالي تتوقعين ان ولدك بتفرق معاه ولدك قلبه بدرة البحر
و خطى خطاه تاركها بهواجسيها و حسرة شوقها لولدها بِصدرها ما تدري هي تشيل عليه ولا تحن له
-بيت أوجان آل غانم-
بعد ما رجعت من داومها استقبلها خالد عند بابها وقفت سيارتها عند الكراج و نزلت تخطى خطاها لابوها وقفت قدامه
و همست اوجان بابتسامة:يا مرحبا و مسهلا
خالد بدالها الابتسامة:الله يسلمك و توني أشوف بيتك جعله مسكن العافية و الخير يا بنتي
اوجان:الله يعطيك العافية يا بابا
و كملت حكيها:حياك ادخل
دخل خالد من باب الكراج و خلفه اوجان بعد ما دخلو قفلت اوجان الباب وهي لفت تلحق أبوها وهي تنزل طرحتها الأرجوانية عن شعرها
التفت خالد لها:اوجان أنا جيت بخاطري حكي لك ولا أبغاك تقاطعيني أو تعترضين!
اوجان عقدت حواجبها باستفهام:ايشهو؟
خالد رفع رأسه و رجع شماغه لورا:يا بنتي خرجتك من البيت البارحة ماعجبتني لكن ما قدرت احكي من عصبيتك و تفهمت عصبيتك و موقفك لكن ماني راضي تخرجين آخر الليل من بيت أبوك الي يصير بيتك لأجل خلاف بينك و بين أمك مهما يصير و مهما صار امك تبقى أمك و بيت أبوك ما تخرجين منه و دمعتك على خدك ما راضها لك أنا أبوك ما أرضى تنحنين لغير ربك
حط يده يطبطب على كتفها و كمل حكيه:ولا يوضح ضعفك لمين ما كان يا اوجان حتى لو لنا عايلتك ما أرضى لان حتى القرايب و العايلة بتضرك و تبغى طيحتك يا اوجان لكن أنا واثق بعيالي إنهم بيدعسون على العذال و بيطيحون واقفين الإنسان تجيه فترات صعبة و حالات ضعف ما اخشيك و بيضعف و يبكي و يتمنى الخلاص لكن الله ما يترك عبده ولا بيترك عبده بالظلام أبغاك تعرفين هالشيء
اوجان تبسمت بحزن:يا بابا ولمتى ابتحمل هالقساوة من الحياة؟
خالد تنهد:الحياة مثل العايلة تخاف عليك لكن تقسى عليك و تداويك لكن تمرضك و تغثك ما تقدرين بدونها لكن هي بتقدر بدونك
بتتنافسينها عشان تفوزين بحبها لكن بتقارن فيك عذالك تعبتي و انهد حيلك و طحتي بتتشمت فيك يوم و يوم بتمسك يدك
حنونه عليك لكن بتقويك تبغين تعادينها بتصطرك على وجهك فهمتي الحياة الحين؟
اوجان هزت رأسها بايه:فهمتها لكن يارب هي تفهمني لان العايلة يتفهمون غالبا
ضحك خالد و قرب اوجان يحضنها شدت عليه اوجان بكل قوتها و كنها بحاجة لهالحضن من سنين و تنهدت براحه وهي تتوسد حضن أبوها و بالها بدايل و وداعه لها
