مررررحبببا❤️❤️
لا تنسونننن الفوت و الكومنتاتت لطفا❤️
بارت طويل بالنيابة عن غياباتي❤️
قامت وصال وهي ترفع سجادتها على الأرض و تحطها على كرسيها قربت من سريرها وهي تنزل جلالها عن رأسها و تأخذ جوالها تنهدت وهي تشوف رسالة من دايل ابتسمت و فتحتها قبضت على يدها وهي تقرا رسالته بِصوت هامس و يرجفطبطبت على قلبها بغير راحة و كتبت له و دموعها بعيونها:دايل يامي كيفك وينك يا حبيبي أنا من لي غيرك سند ماعاش من زعل من القبطان
أرسلت رسالتها وهي تشوف من انقطاع الاتصال عنده
رجعت أرسلت له:يا ولدي تكفى رد لا تخوفني عليك
أرسلت رسالتها ولا وصلت له قامت بسرعة
وهي تصارخ بصوت يرجف:طلال طلال
فزت أفراح على صوت خالتها و خرجت من غرفتها لحقتها صوتها وهي تصارخ من اسفل الدرج نزلت لها
تركض:اشبك؟
ناظرت لها وصال وهي تأشر لجوالها:دايل
انقطعت انفاس وصال وهي تنطق أسم ولدها
تأففت أفراح بضجر و قربت من خالتها:يا خاله رجعتي شفتي كوابيس بدايل دايل بالبحر ما درى عنك
وصال عقدت حواجبها بغضب:دايل ارسل لي رسالة يودعني فيها
أفراح هزت رأسها بايه:ممكن حزت بخاطره انه ما ودعك
قاطعتها وصال:أفراح ما عنده إرسال الولد ارسل له ولا له رد
أفراح طبطبت على كتف خالتها:ممكن انه بمكان معدومه الشبكه منه لا تخافين عليه و أكيد بيرد عليك
وصال هزت رأسها بالنفي و دموعها انهمرت على خدينها:فيه جمرة حارقه بجوفي مو مرتاحه
دخل طلال البيت وهو حاط شماغه على كتفه
و ناظر فيهم:أشبكم؟
أفراح رفعت كتوفها:ماتعرف خالتي شافت كوابيس و انجنت
وصال ناظرت لها بغضب و ضربتها كف على خدها و رفعت يدها بوجهها بحدة:هذي اول مرة و آخر مرة تتكلمين معاي بهالطريقة الوقاحة ماني صاحبتك أنا خالتك بمثابة أمك مفهوم
شهقت أفراح و رفعت حواجبه بغضب لكن ما ردت على حكي خالتها
وصال قالت بحدة:فهمتي؟
أفراح هزت رأسها بأيه بِصمت ، وراحت غرفتها
طلال قرب من وصال:ما كان له داعي الكف هي لسى صغيره
وصال رفعت عينها لعينه:الصغير يتعلم لمتى نسايره بالخطأ؟هاه لين يشوفه صح!
طلال هز رأسه بالنفي:وشبك وجهك مو عاجبني و أفعالك هذي و عصبيتك اول مرة اشوفها!
وصال أخذت جوالها و رفعته له:شوف دايل وش مرسل قلبي مو مريح يمكن فيه شيء تكفى روح اسأل عنه
طلال قرا الرسالة و توتر من حكي دايل لكن ما وضح لوصال:وين اسأل عنه؟
وصال قالت ببحة:اسأل بالشركة لا يكون عندهم خبر أو القوات البحرية لا يكون جاهم خبر
طلال رفع يدينه لكتف وصال يهديها:وصال ولدنا برا السعوديه و اهدي مو صاير له شيء ما تعرفينه يحب الشو
وصال مسكته من ثوبه بترجي:لا لا طلال عيونك خايفه أنا اعرف نظراتك هذي حتى انت مو متطمن تكفى
طلال مسك يدينها على على صدره:وين اروح بذا الفجر الناس يا بنت الناس توهم راجعين من صلاة الفجر و يتعبدون ربهم اروح أخوفهم
وصال بكت:أنا حاسه بولدي انه فيه شيء
طلال قربها من حضنه و حضنها وهو يدعي بقلبه انه الله يرجع ولدهم سالم
