حلا
رجف ايدي ونزلت دموعي ممصدكة يعني كل شي جذب جااان ليييش سنو ذنبي مرتين انكسر تقرب والضحكة شاك حلكه بس وصل قريب وشاف حالتي اجاني ركض
ـ قمري شكو. ..باوع لموبايله واخذها من ايدي من شافني هالمحادثة وعرف اني افتهمت كل شي ودموعي مستمرة انصدمت صدمة عمري ....كل الكدرت اكوله
ـ ليش...
اخذني من ايدي وطلعنا. ...واني امشي بدون احساس واحس هموم الدنيا تكومت بصدري ....دخلني للسيارة.
لزم ايدي ماهتميت باوعتله وانا ابجي
ـ ليش . مو كتلك فهد انجرحت كلبي مايتحمل انكسر مرة ثانيه مو حلفتلي راح تعوضني ...
حاوط وجهي ...
ـ والله والله تقربي منج جان خطة من الذيب بس حبي مو جذب ارتباطي بيج مو خطة مثل الاول
ـ خطه لو لا
ـ جان ...ضربته راشدي قوي
ـ الله ياخذكم الله يحرك كلبكم مثل ماحركتولي كلبي ...مثل ماحركتو كلب كرار المااله ذنب ....مثل ماكسرتو رائد الماله ذنب رنا. رنا شنو ذنبها ....الله ياااخذكم ..نزلت بسرعة واركض ودموعي مستمرة ماادري شون وكفت تكسي وصعدت وصلت لبيتنا شفت راد يدخن كدام الباب وصافن من شاف حالتي اجاني ركض. ..وكفت سيارة فهد والذيب هم
ـ احجيي شبيج
ـ انخدعنا رائد انكسرنا باقرب ناسنا
ـ شفته مانصدم ..باوعتله مراح تسالني شأقصد
ابتسم بقهر
ـ ليش انصدم وانا انصدمت من فترة ..قصدج كل المصايب جان وراهن الذيب موو
ـ فتحت عيوني مصدومة جا ليش ماحجالنا...
ـ. باوع للذيب الوصل حجه رائد بقهر
ـ بيوم الاجيت فد فرحت لان صار عندي اخ جبير ثاني ...حاولت هوايه اتقربلك بس دوم اشوف بعيونك الحقد النا حاولت هوايه الله يسهد عادبت اخوي لخاطر اغير تفكيرك بس اعترف فشلت. ..جان انتقامك لازم من ابويه احنا شذنبنا انا شنو ذنبي ادخل السجن وانضرب وانهان وانا بريء رنا شنو ذنبها اول وحدة ركضت لحضنك من تعاركت ويه رجلها جهالها وكرار شذنبهم ...من فكرت ادمر حياتهم ...رافد رافد حتى لو غلط وياك جان يستاهل تخلي يشك بحلا حتى يطلكها
انصدمت فتحت عيوني وانا بايدي اوكف رائد
ـ شنو يعني ...
باوعلي بقهر
ـ بوكت الجان يطلب منج تساعدي ويضل بينكم جان يجي ويكول لرافد انتبه على زوجتك وين مااروح تلحكني خاف تسوي السوته رفل ...
باوعتله عيونه مدمعه ويباوع لرائد مبين كلامه اثر بي بس بعديش باوعت لفهد
ـ جنت تدري بسوالفه ومحاولت توكفه...
ـ هو ماله ذنب جاوب الذيب عنه
صحت بي
ـ انت اوووووس اسكت مااريد اسمع صوتك...انت واحد نااااقص
ـ رائد خله ايده على حلكي .. وجرني للمخزن مال بيتهم...وهمه وراه صاح بيه رائد
ـ تكدرين تكولن لرنا اخوج هو الهدد زوجج بصورج تكدرين تكولين لاخوج حنان واخوها اخو زوجتك هو المتفق وياهم راح تكدرين تكولين لامي الي تتمنى تعوضه ولو جزء صغير من العاشه اخوي ...راح تكدرين تكولين هو دمر حياة ولدج وبنتج ....تكدرين تعوفين فهد الخلاج تعشقيه لان بس تحجين اول شي يطلكوج منه صحت بي
ـ ومنو كال انا راح اقبل اضل وياه واااحد عررربااانة مثله
صاح الفهد وجرها من ايدها
ـ صوووتج ...انامووو عربانة... هذا اخوي انا الشهدت كل المصايب الصارت بحياته والسبب عمج النذل ...شكد احبج هسه لو يطلب اطلكج اطلكج ومااهتم لان هو اعز مااملك ...
ضحكت بقهر وصحت
ـ اذا رجال طلكني ...راح احجي للكل سوالفكم الحقيرة والمصايب السويتووو
ـ روحي حلا ...باوعتله ممهتم ..لاتباوعيلي اي روحي واحجيلهم عن نذالتي ...بس سألتي روحج ليش هالكد انا حاقد ..واحدكم فكر يدور وراي ويشوف شون عشت حياتي ...تعرفون يعني شنو تفتحون عينكم عالدنيا اصغر شخص للاكبر يصيحلكم النغل ...لو حقيقي احتمال اتقبل بس من يكون ابوك غني وعافك في سبيل يتزوج ومافكر بيك وطفل ينضرب وينهان على ذنب مو ذنبه شيصير هالطفل ...من طفل عمره ٦سنين يفتح عيونه على حياة امه تنذل كدام عيونه ومايكدر يدافع عنها واذا دافع عنها يتصلخ بالشمس لو الوايرات تنضرب جوه رجليه وبعدين ينجبر يوكف ساعتين على رجليه وهو مليان كدمات واذا صار وتعب وكعد يزيد الضرب وساعات الوكفه ...كل واير انظربت بي وانا بداخلي احلف انتقم منه ومن ولده الي فضلهم عليه ...ماانكر كل شي سويته وانا بداخلي احترك بس مستحيل اخون امي الوعدتها بالكبر راح انتقم من كل شخص حتى لو جان بريء ...تعرفون يعني شنو تضطر تتزوج وحده وانت تكرهها كره العمى في سبيل تعرف عنوان ابوك ...تعرف يعني شنو سنين تلم فلس على فلس مقابل تعرف عنوان الشخص الجابك على هالدنيا وتخلى عنك ...انتو معشتو الانا عشته ...اخر شي صاح
رووحو احجو للكل انا نذل وحقيررر لان معشتو ربع الانا عشته
تقربت منه
ـ وانا. ..وكرار شنو ذنبنا
ـ اعتذر ادري مالكم ذنب ....بس ذنبكم جنتو بحياة الاشخاص الردت انتقم منهم
ـ باوعت لفهد ...طلكني فهد ...مراح احجي السمعته والشفته لان مااريد اكسر احد بس مستحيل اقبل اتزوجك ...
دفعته وركضت. لبيتنا ماما من شافتني شهكت واجتني ذبيت روحي بحضنها
ـ ماما مااريده اكرهه مااريده ..
ـ يم اسم الله ...شصار سوالج شي ...
مسحت دموعي
ـ مااريده ماما مااريده...
ركضت لغرفتي وتمددت بملابسي كلمااتذكر الرسائل ...الذيب يحجيله الاحبه والاكرهه حتى بيوم الدك الباب على اساس خربط بين البيوت جان خطة ....كل المصادفات جانت من تخطيطهم حتى اوكع بحبه ...جذذذاب جذذذاااب ...بعد ماادري شلون غفيت ...
فزيت على شخص يطبطب على جتفي ...فزيت شفت كرار يباوعلي بقلق..ذبيت روحي بحضنه ...
ـ شصار كلبي امج كالت رجعتي وحالتج حالة فهد مأذيج
مسحت دموعي للحظات ردت احجيله كل شي بس من اتذكر صداقته ويه الذيب وصدمته اذا درى بلعت خصتي ونزلت عيوني مااريد يشك بكلامي. ...
ـ شفت رسائلة ويه بنات
ـ ايييي
ـ بس هو يحلف قبل لايعرفني حتى ...
ـ وانتي على هاي تبجين. ..
ـ اي ...لان ماتخيلت قبلي جان يعرف بنات
جرني لحضنه
ـ ميصير تحاسبينه على ماضي ...وانتي هم حان عندج ماضي هو حاسبج لا ..معناها انتي هم ميصير تسويها ...هزيت براسي
ـ من شفتها نصدمت وماعرفت شتصرف ...اتصرفت بقلة عققل...
ـ عفية عليج حبيبتي ...وهسه خابري واغتهمي منه ...ايام الخطوبه فترة حلوة لاتضيعين حلاتها بسوالف ماتسوى وماضي...
ـ هزيت براسي ..باسني وطلع ...
تمددت. وافكر ياترى محجيت بس حتى ماينصدم لو لان مااريد اخسر الفهد اذا يحبني شون كدر يكول لو يطلب منه الذيب يطلكني راح يطلك .. معناها جذاب. ..لازم اواجهه واخليه هو اليفصخ ...حتى مااضطر ابرر شي لكرار واهلي ..
***★****★***★*****★**
ناريمان
حسين قرر خلاص بعد اربعينية شيماء بس زفة وياخذني الذيب ...شون وبعدنا محاجيله عندي ضره...
بالليل كعده الذيب وحجاله ...
ـ يعني شنووو ...يعني اختي الثانية ...لييييش خدعتنا ..
ـ هدي يخوي ماخدعت ولاشي. ..انا زوجتي الاولى من يوم الحملت علاقتنا انتهت لاسباب مااكدر احجيها وتكدر تسال الفهد لان تصير. اخته..... واذا كلامي مو صح مجان الفهد راح يوافق اخذ على اخته ....بس يدري علاقتي بزوجتي حاليا على ورق لخاطر ابنا وماكو مجال للصلح...
ـ ماادري احسها صعبة اختي طفلة وازوجها على ضرة...
ـ كتلك احسبني مطلك....
ـ بعد الف ويلاه حسين اقتنع واتا عازمة امري فترة وانفصل بس في سبيل ينكتب ورا جنسيتي مطلقه ...حتى اخفي اثر الجريمة السواه هالحقير...
وفعلا سوينا الاربعينية اجو بيت خالة وحلا ساعدوني وراها ثاني يوم زرناهم وقررنا بعد اسبوع الزواج ...خالة يومية دز رنا اوحلا لان ليلى وجيلان حوامل موزين...نطلع للسوك ...قبل الزفة بيومين اجت هي والذيب اخذوني اخذوللي ذهب ...
وزفونا لبيتهم ...طبعا الذيب مقرر فترة ويأجر بيت حتى يجيب ابنه وزوجته الاولى مارفضت ..لان زواجنا على ورق حتى مااغار علي ولااريده...
مرت ايام وولكى بيت جبرني يوميه اروح وياه اختار اثاث البيت على ذوقي بطران عباله حضل وياه لمدى الحياة ...
اجا اليوم الننتقل وثاني يوم يجيب لمياء العرفت اسمها وابنهم صخر ..
اجت مبينه وحدة هادئة وحبابة شعجب علاقتهم منتهية
بس طلعت المسكينة انجبرت تتزوج الذيب مو لان ماتحبه بالعكس تموت عليه بس لان ابن خالتها معتدي عليها وامها جابرتها تتهم الذيب وهو بيوم جان راجع سكران وتهمت الذيب الي فترة انقطعت علاقته بالفهد ويحلفله هو مستحيل يسويها من شاف راح يخسر اخوه انجبر ياخذها طبعا ابوها مجان يدري بيوم الخطة السوتها امي بس امي والفهد والذذيب جانو موجودين بس بابا استغل الوضع جبره يتزوجني لان جان يريد يكسب براسه فلوس من خلالي ومهري جان ٥٠مليون جان جامع جزء واخذ سلفه يلا صار ٥٠مليون ...وقبل زواجنا بجم يوم عرفت بروحي حامل
ـفتحت عيوني مصدومة ...يعني صخر
ـ اي مو ابنه ...
ـ مخايفه احجي للذيب. .
ـ هو يدري ..بس من يوم الولد سبحان الخلاه يتعلق بي ...وحسبه مثل ابنه وخلاه باسمه بس شنو من عرف الصار انجبرت علي ...ربى ابن خالتي وخلاه ينهزم لاوربا ...وحلف اذا بيوم يفكر يرجع ادوسه تريله بدون رقم ...فذاك جبان وانهزم ...وكال راح يربي مثل ابنه بيوم بعد ماشفت علاقتهم اتوترت قصدي الفهد والذيب كعدت فهد وحجيتله بيومه الفهد كتلني كتله لحدما هو اجا وطلعني من بين ايديه جنازة توه صخر جان عمره ٤ شهور ...وحجاله انا اغتصبت مو برضاتي...عاد راح لامي وكتلها ...وهدد امي راح يوصل كل شي لابويه بس هي توسلت وحتى باست رجله ...تصدكين حتى اتهمتني الي كالت انا الغويته ...
ابتسمت باستهزاء ودموعها مستمرة ..
ـ ليش حجيتيلي مو خايفه احجي للكل وافضحج...
ـ لا ...لان انتي هم عشتي الانا عشته...فتحت عيوني مصدومة ...
ـ اي لتباوعيلي هيج بيوم الراد يعقد عليج ...سمعته كال للفهد هي نفسها القبل سنين اعتديت على شرفها ولازم اصحح غلطي. .الذيب حب حياتي بصغرنا هوايه بسببي انكتل كرهني لدرجة من كبرنا تعلقت بي وحبيته بجنون بس هو بصريح العبارة كلي لو انتي اخر وحدة بالكون مستحيل احبج واخذج ...
بيومها متت بجي ...بس حقه ...وتالي تعاقبت مره من حب حياتي كلي مستحيل احبج ومرة من اغتصبت على شخص جنت حاسبته اخ وصديق الي ..
ـ بشنو ذكرتيني لمياء ...مااريد اتذكر ذاك اليوم ...
ـ بس الذيب حبج...
ـ رجعت كملت كلامها مشفتي العيون المرسومة بجتفه ....
ـ كال للفهد رسمت عيونها حتى ماانساها ابد .. بس ترى هو عاش طفولة سيئه ومن كبر حب وحده محجبه وراها اتنقبت ....جان ميت بيها ....تالي انصدم من شافها عقدت على غير واحد ومن واجهها كالت جنت بالنسبه الي بنك ...وهسه انت مفلس بالنسبه للشخص الاخذته. .. والغبي من كثر جان يحبها تحلفه كلما يسدون الخط يمسح مكالماتهم ورسائلهم وهو مثل اللسطل يسويها ...ضحكت على كلمتها ...وهي هم ضحكت. اجا ابنها وكعد بحضنه ..
ـ تدرين من كثر مامتعلق بالذيب احس يشبه ..الكل هيج يكولون ...راح اكولج شي ناريمان لاتخسرين الذيب. ..ترى اذا حبج معناها راح يدللج دلال مصاير ..
ـ مستحيل لمياء ...تصدكين من يوم الحادث وانا اخاف من الزلم ..
ـ راجعي دكتورواتقبلي صدكيني مراح تندمين اذا بادلتي واذا تردين حتى انا راح اطلع من حياتكم الذيب تعب بحياته خطية عوضيه ...
ـ باوعتلها كلما تجيب اسمه عيونها تلمع
ـ ماتغارين اذا شفتي ويايه
ـ اجذب اذا اكول لا ...بس المهم هو كلبه يم منو ...راضيه اضل على اسمه ...ويكولي شونج ششمحتاجه ...غيرهن مااريد ...
***★*****★******★****
جنة
فتحت عيوني انا بغرفة اثاثها ابيض برصاصي فزيت لابسها ملابس بيت ...اسمع صوت ضحك امير..ططلعع بسرعة شفت هو صهيب يحضرون باكل. ...تقربت منهم ...باوعلي بطرف عينه ورجع يكلب بالاكل شفت مسوي اسباكيتي ....اخذت منه امير المخليه عالكاونتر وذب روحه بحضني ابوس بي ..
وين احنا سئلته باوعلي وهو يكمل بالاكل جاوبني ورا شويه ..ببيتنا ....
