ما وراء الكواليس

1

المقدمة

ماذا لو كان كل هذا مجرد عمل فني رمضاني في احد الاكوان الموازية ؟
حيث يقدر القارئ ان يتواصل مع شخصياته المفضلة او حتي يأخذ صورة معها ؟
سيكون البعض منكم مجنونا بما يكفي ليعرض على شخصيته المفضلة الزواج او حتى التبني و قد يجلب منكم لهم الهدايا
و ربما تثيرون المتاعب في موقع التصوير و تشاهدون مشاهد سبق و حدثت و انتم حفظتوها عن ظهر قلب و لكن بالنسبة للجميع هنا لا يزال المستقبل و كل شيء مجهول فلا تتجرأو و تحرقوا الاحداث عليهم لأن الامر سيكون ببشاعة أن تخبر من بالاحلام أن هذا مجرد حلم و صدقني انت لا ترغب في رؤية ما سوف يحدث عندما تفعل ذلك
" السعادة ليست شيئًا يُمنح , بل هي شيء تحصل عليه بنفسك" - بوذا ساما

*شينسو في مكان ما في 2019*
( انا هنا بتكلم مع عقلي ف متتخضش)
- انا كدا المفروض خلصت مذاكرة و كدا عندي بريك ساعة اتمرقع فيها براحتي
- 🧠 : بينا نتسطح على السرير شوية
- لا هنروح في النوم لتاني يوم
- 🧠: هتقدر تكتب كام كلمة مترابطة بموضوع واحد ؟
- انت بتتحداني يعني ؟
-🧠 : اه
- , انا بحب الميثولوجيا الاغريقية ف هكتب مشهد تخيلي منها و هيكون حرب بين الالهه و الشياطين
-🧠: بس الشياطين مش موجودة عند الاغريق
- و الالهه مش موجودين عندها اتهد
-🧠: وجهة نظر تحترم بصراحة انا هقعد ساكت
*كتبت 300 كلمة مشهد كان في الرواية  في الفصول الاخيرة*
-300 كلمة عاش ليا
-🧠: ايه الجمال دا ايه الحلاوة دي ايه الالحاد دا ؟؟؟ هتودينا في داهية
- سيد متقولش كدا عيب احنا اهل و بعدين دي مجرد خرابيش محدش هيفهمها غيرنا
-🧠: بس انا مش فاهمها برضو
- بس تصدق الفكرة دي تنفع رواية
-🧠: قول انك ملحد متتكسفش
-كل دا عشان عملت حرب بين دول ؟ امال لما تشوف الي هيحصل قدام هتقولي ايه ؟ فرعون 😭😭
المهم يلا هنبدأ نعمل العظمة دي بقا
*ما تبقى من 2019 و كل 2020 كانت موسم المسودات بدون اي بداية فعلية عشان كنت بمر بفترة فقدان شغف*
معظم المسودات كانت لمشاهد بسيطة سبق و استخدمت معظمها لكن الموضوع كان عامل زي شخص بيختار الوان للشقة و لسه البيت متعملوش اساسات اصلا
*2021*
يعلن الحج شينسو عن فتح باب التقديم في رواية *نصف شيطان* (دا الاسم القديم اعزائي الفانز الجداد و مواليد الاتنين الي فات)
- انا كتبت تقريبا اول تلات فصول لكن معاد النشر هيتأجل لأن انا عندي مشكلة بسيطة
في النص الاول من 2021 توقفت عند حد 3 فصول بس كنت بحب احكيهم و احكي عن الرواية عامتا لأي حد يقابلني و بسبب الناس دي تشجعت و قررت انشرهم و ابطل مرقعة
*اكتوبر 2021*
شينسو : انت مين
- لا انا معنديش اسم
شينسو : انت شخصية من الرواية ؟
- دا المفروض يعني
شينسو : طب اسمك ايه
- ما قولتلك انا معنديش اسم
شينسو : ازاي معندكش اسم ايه العبط دا
- والله حضرتك دي مشكلة الكاتب المرقوعة مش مشكلتي انا
شينسو : ايه دا انا الكاتب صحيح , احنا المفروض هننشر اول فصل دلوقتي صح ؟
- دا لو مش حابب تخللنا اكتر من كدا
- تمام انا هختارلكم الاسامي
*اسامي اولاد و بنات من اصل يوناني*
- بص انت اسمك خالد , ايه رأيك في الاسم دا؟
خالد : اسم جديد لاء وكريتيف اوي *خالد اغمي عليه من الفرحة*
و هنا شينسو انطلق يوزع الاسامي على الشخصيات بكل حماس ولا كأنه كان راكنهم من سنتين
*تصوير مشهد البداية*
شينسو : خالد جاهز ؟
خالد: اه و حافظ النص بتاعي كويس
شينسو : طب عمرو فين
خالد : في الغرفة الي جنبنا و مستني الاشارة عشان يرن عليا
شينسو : تمام يلا هنصور
*ما بعد المشهد*
خالد :شينسو انا عندي سؤال
شينسو : اتفضل
خالد :المشهد كان مكتوب كويس و كل حاجة بس ايه الهدف من اقتباس سيغموند فرويد الي في الاول دا؟
شينسو : المؤلف عايز كدا
خالد : بس انت المؤلف
شينسو : دا ملمحلكش بحاجة ؟ مش وقته يلا عشان هنصور مشهد تاني يوم
*مشهد الحلم*
شينسو : بص يا خالد يحبيبي انت هتقف وسط كل الكروما دي و احنا هنركب المشهد و معظم الحاجات دي جرافيك , تمام ؟
خالد: ايوا ايه دوري برضو؟
شينسو : هتتخض و خد البس القميص دا هينفعك
خالد: ايه الي في كمه الشمال دا ؟
شينسو : حاجات لزوم المؤثرات و كدا متقلقش
*شينسو مع الشيطان من الحلم*
شينسو : بص مش هوصيك النهاردة عايزك تطلع الوحش الي جواك و تعمل مجزرة و لو قدرت طرطش شوية دم على خالد
- من عيوني
*المشهد*
خالد واقف وسط الكروما و فاكر ان كل دا جرافيك لحد ما الشيطان جاله و حط ايده على جبهته و برطم بشوية  كلام
شينسو :*داس على زرار يشغل الحاجات الي كانت في قميص خالد عشان تكهربه و تدي رد فعل طبيعي*
خالد وقع على الارض يتلوي من الوجع
شينسو : عاش يفنان والله اوسكار تطبخ على نار هادئة
خالد قام متعصب من حركة الغدر دي ف بدأ يضرب في الكومبارس الي لابسين شياطين عشان يفش غله فيهم
احد الكومبارس : هدي يا ابو الشباب انا لو واكل ورثك مش هتضرب كدا
المهم خالد شاته و وقعه على وشه
*مشهد الكافيه*
شينسو : انت الي هتلعب دور النادل صح؟
- انا مليش اسم صح؟
شينسو :  لا ازاي بس , اكيد ليك اسم , اسمك النادل ✨
النادل : حياتي بقت احسن بكتير
شينسو : شوفت بقا , انت في المشهد الجاي هتمثل انك بتتضرب و كل دا هيبقي جرافيك متقلقش
النادل : تمام

*شينسو و عمرو قبل المشهد*
شينسو : امال خالد فين عندنا مشهد دلوقتي
عمرو: خالد في غرفته بيتعافى من اخر مشهد
شينسو : طب روح هاته و بص يا عمورة يحبيبي خالد دلوقتي هيقوم يجلد النادل
عمرو : و انا المفروض هحوشه عنه صح؟
شينسو :  غبي , المفروض تعمل نفسك بتحوشه و كدا بس تسيبه يجلده عادي
عمرو: كدا النادل هيتعور ؟
شينسو : يعبيييط دا شغل جرافيك كلو متقلقش
عمرو: تمام

*شينسو و خالد قبل المشهد*
شينسو : انا سمعت انك زعلان مني يا خالد , الكلام دا صحيح؟
خالد: تعال اكهربك و نشوف هتزعل ولا لا
شينسو : يعبيييط هو دا كان عشاني ؟ دا عشان المشهد المهم بص يا فنان انت دلوقتي هتدخل المشهد تنفخ النادل دا
خالد: ليه ؟ هو هيعملي ايه
شينسو : هيغلط في القهوة بتاعتك
خالد: هيشتمها بأمها ولا ايه ؟
شينسو : لا هيبوظ الوش عادي , بص اتخيل انه انا و انفخه
خالد : لا دا احنا نجلده و انا ضميري مستريح بقا
*شينسو لوحده : ربنا يقدرنا على فعل الخير*
*المشهد*
خالد قام يضرب النادل الي اتفاجئ انه بيتضرب بجد و كان بيضربه بغل اوي عشان شايفه انا
و عمرو كان بيعمل نفسه بيحاول يحوش و اخد ضربة من خالد و هو بيلوش  ( وعمل من بنها احسن خالد يجلده مع النادل)
شينسو بيتفرج عليهم : اديلهم يا فنان اجلدهم ميهمكش
*بعد ربع ساعة من ضرب النادل و فشل الكل انهم يسلكوه من خالد*
عمرو : خلاص الراجل هيموت منك
خالد : ايه دا هو لسه عايش ؟ انا كنت فاكره مات
عمرو : طب نسيبه عشان ممكن نحتاجه قدام ولا حاجة
خالد : اشك انه هيمثل تاني بعد كدا
*نهاية المشهد*
شينسو من برا : عاش يخالد يبني انت مستواك فوق التقييم *اخدت بالي من النادل الي اتكسر في المشهد*
شينسو : اصرفوله اجازة شهرين بالمرتب عشان يرتاح
النادل : ربنا على الظالم و المفتري و بتاع الجرافيك
* ما قبل مشهد الحلم التاني*
شينسو : النادل حصله حاجة ؟
خالد : يعني تقريبا راح العناية المركزة
عمرو : احنا لو بنتكلم عن فرخة كان هيبقي في اهتمام اكتر من كدا
شينسو : هيعيش يعم متقلقش
خالد : ان شاء الله يعني
شينسو : لا بس انت يا خالد تسلم ايدك كسرتلنا عظم الراجل
خالد : بجد ؟ حبيبي تسلم
عمرو : صبرني يارببب
شينسو : عمرو امشي انت دلوقتي المشهد الجاي لخالد و انت كدا كدا دورك خلص الفترة دي
عمرو : دور مين الي خلص ؟ دا احنا لسه في اول حلقة اصلا
شينسو : و انا بقولك دورك خلص امشي
عمرو : ربنا على الظالم و المفتري انا ماشي
خالد : المشهد الجاي ليا بس ؟
شينسو:  فاكر مشهد الكروما الي فات؟
خالد : اه للأسف
شينسو : خد البس الطقم دا عشان هيساعدك و السيف دا هتحتاجه
خالد: تاني ؟ لا مش هلبس حاجة
شينسو : انت مش بتثق فيا ؟
خالد : اه
شينسو :  تمام يا خالد الي يريحك , خد السيف و انطلق
*المشهد*
خالد واقف وسط الكروما و بيصور المشهد و فاكر انه في امان
شينسو الي مكهربله السيف : شربتها يا فالح
*خالد اتكهرب و اتشرس و بقي بيفرم في اي حاجة تيجي قدامه من الكومبارس*
شينسو : عاش يفنان اجلدهم اجلدهممم
احد الكومبارس : انت بتسخنه علينا ليههه
شينسو : هو دا عشاني ؟ دا كلو عشان المشهد
*نهاية المشهد*
النهاية
اشوفكم الحلقة الجاية
تقريبا غطيت الفصل الاول و كان من باب التجربة مش اكتر
اشوفكم بكرا ( دا ان الحلقة عجبت حد اصلا)