ما وراء الكواليس

8

الكتاب فضل معلق في الهوا و فجأة بدأ ينور و المكان الي حولين ايتن كلو اختفى بسبب شدة الإضاءة دي و اختفت و وقع الكتاب على الارض

شينسو : تقريبا كدا ايتن اختفت و اعتقد لو دورنا كويس ممكن نلاقي ظلها هنا ولا هنا
🧠 : يخربيتك قتلتها
شينسو : وانا ايش عرفني ، قولتلك البت دي كوكو و مش قد الي هنعمله
🧠 : فتضربها بالنووي؟ و مستغرب انها ماتت؟
شينسو : كنت متوقع انها ممكن تبقي She Hulk ولا كابتن مارفيل
🧠 : الحريم الي عايزين يبقو قادرين و انتهى بهم المطاف حفنة من الكلاونز ، طب هنعمل ايه دلوقتي
شينسو : طب و العمل ؟
🧠 : انت كدا رميت خالد في حضن الشياطين و نسفت البنت ، طب و بالنسبة للغلبان الي نايم في الخيمة دا؟
شينسو : لا دوره جاي بس مش دلوقتي
🧠 : 🤡🤡
شينسو : مش وقته يلا نشوف ايتن راحت فين

*ايتن في هذه الاثناء*
صحيت لقت نفسها نايمة على سرير كبير ( 🧠: اعرف واحد ممكن ينام هنا لو شافه)ف بدأت تصوت انا فين و عايزين مني ايه ( دي لو مخطوفة من المافيا مش هيبقي بالاداء دا خالص)
و أحد المخلوقات الي كان شكله تحس انه مرا كدا ( هنا أدرك شينسو حاجة مرعبة هيقولها في اخر الفصل)  قربت منها و حطت أيده على جبهتها و برطمت بشوية كلام و ايتن اغمي عليها
(شبح خالد في الخلفية: I've seen this movie before)
و لما صحيت المخلوق كان مبسوط اوي و ايتن سألته
ايتن : من تكون و اين انا
المخلوقة : متقلقيش يا سيدتي انتي هنا في امان معانا و دلوقتي هنروح مكان مميز حبتين
( هو انا ازاي هخلي الالهه تتكلم بالعامية)
ايتن: فين
المخلوقة : متقلقيش و تعالي معايا
(الفكرة انها راحت معاها عادي بدون نقاش)
راحو اتمشو لحد ما وصلو لغرفة ( اوضة يالي في بالي)
كبيرة مميزة و كان في عرش كبير في النص و عليه شكل مخلوق مميز عن الباقي
انحنت المخلوقة و قالت
- تحققت النبوءة و وصلت المختارة
ايتن في نفسها: نبوءة ايه و مختارة مين... الحاجات دي عايزه مني ايههه
الي قاعد على العرش بصلها وقال
- اهلا بكِ في عالمنا، نحن عشيرة الالهه و انا الحاكم الاعلى ، من دلوقتي انتي معانا و هتحاربي معانا ، انتي لسه متعرفيش اي حاجة عن قوتك و لكن مع الوقت و التدريب هتبقي بخير
بص الحاكم الاعلى لمخلوق اخر و قال
- و دي جايا نائبتي المخلصة و من دلوقتي هتبقى مسؤولة عن كل حاجة تتعلق بكِ
جايا : أمرك يا حاكمي ، هتأكد من تدريبها كويس
و بصت جايا ل ايتن و قالت
جايا : من دلوقتي انتي مننا و هيكون عندك اسم جديد
( ليه ؟ كنت مجمع شوية اسامي يوناني و بتلكك عشان استخدمهم)
من دلوقتي اسمك هيكون ايديا
( اعظم ايديا وجدت في عمل كتابي ، سامعة يا ساندرا اتنشن)
الحاكم الاعلى : ايديا اسم جميل ، و دلوقتي يا ايديا كل الي فاضل انك توافقي على شروطنا و اللعنة
ايديا : لا مش هوافق على اي شروط انا مخترتش ابقى هنا اصلا ، و عايز اروح دلوقتي
جايا بدأت تترعب و مستنية ردة فعل الحاكم الاعلى على كلام ايديا
الحاكم الاعلى : مش هتوافقي اه، طب بصي بقا يا سكر
احنا مش في مدينة ملاهي هنا عشان تختاري انتي عايزه ايه، دي حرب و في شياطين مسعورة مستنين اقل فرصة عشان يكسبونا و المختار بتاعهم وصل اصلا ف لازم نستعدلهم كويس ، هتوافقي على الشروط و هتاخدي اللعنة لان دا الطريقة الوحيدة عشان حضرتك تروحي بيتك تاني
ايديا : (هي مالها بردت كدا ليه) هوافق بس عشان اروح بيتي
ابتسمت جايا و مشت ناحية ايديا
جايا في نفسها كنت فاكرة انه هيعملها شاورما بس ثانكس غاد الحاكم الاعلى باله طويلة
حطت جايا ايدها على عين ايديا و تمتمت بشوية كلام و عين ايديا بدأت تنزف لكن بدون اي نوع من الألم
(شبح خالد في الخلفية : بدون ألم؟؟ امال انا اتغزيت و صفو دمي ليه؟)
جايا : دلوقتي اللعنة هتبقى جزء منك و سنبدأ التدريب قريبا و لكن في حاجة لازم نعملها الاو...
*شينسو اقتحم المشهد*
شينسو : انا لقيت ايتن يا ابو الفصوص
🧠 : عظيم ، دلوقتي المفروض احنا فين
شينسو : معرفش ، ويت أسأل الي قاعد هناك دا
*واقف قدام عرش الحاكم الاعلى*
شينسو : احنا فين
الحاكم الاعلى : مملكة السماء
شينسو : سكايبيا؟ احنا ايه الي جابنا ون بيس
الحاكم الاعلى : انت ايه و مين
شينسو : هو ليه كل حد يشوفني هنا لازم يسألني  ، انا شينسو
الحاكم الاعلى : من اي عشيرة ؟
شينسو : شينسو
الحاكم الاعلى : عشرة الشينسو ؟
شينسو : اه عشيرة الرجل الواحد زي كاكاشي و ساتورو
ايديا : انت كنت فين كل دا ؟
شينسو : كنت بتتبع اثرك عادي و جيت هنا لقيتني قدام سرير كبير حلو كدا... اسيبه؟ اخدت غفوة سريعة عليه و صحيت على صياحكم في بعض
🧠 : قولتلكم
شينسو : بما اني هنا ف يلا نعمل انترڤيو للشخصيات الجديدة
*الحاكم الاعلى*
شينسو : عرفنا بنفسك
الحاكم الاعلى : انا الحاكم الاعلى حاكم الالهه
شينسو : اسمك ايه
الحاكم الاعلى : قولتلك الحاكم الاعلى
شينسو : يحبيبي اسمك مش لقبك
الحاكم الاعلى : *بيبص للقارئ* انا معنديش اسم
شينسو : تمام تمام متتعصبش و تزوم عليهم
*جايا*
شينسو : عرفينا بنفسك
جايا : انا جايا نائبة الحاكم الاعلى
شينسو : مراته طيب؟
جايا : ايه دا في ايه؟ لا مينفعش طبعا
شينسو : قولي بس بتكراشي عليه من امتى
جايا : قولتلك مش هينفع اصلا
شينسو : اخوكي في الرضاعة ولا ايه
جايا : شينسو اسكت
شينسو : حاضر
( انترڤيو جايا كان نفسي يبقي اطول لكن هنتضرب انا و هي)
*عودة لما قبل دخول شينسو*
شينسو : في ايه يا جماعة ، متحسسونيش اني قاطعت حاجة مهمة
جايا : كان المفروض هنعمل حاجة مهمة قبل التدريب و نسيتها بسببك
(🧠: ركز يا شينسو عشان هنتضرب لو قولت الي بتفكر فيه)
شينسو : حاولي تفتكري طيب مش مشكلة يعني
جايا : احاول افتكر؟ فعلا كنت محتارة لازم اعمل ايه
الحاكم الاعلى : انت بتعمل ايه هنا
شينسو : لا معرفش بصراحة ، انا هنا بلا هدف زيك كدا
الحاكم الاعلى : 🤡🤡
شينسو : 😎
ايديا : انت جي ورايا حتى هنا
شينسو : انا بختك الاسود و مش هسيبك 
الحاكم الاعلى : انتي تعرفيه؟
ايديا : للأسف ، كنا بنصور مشهد قبل ما تشفطوني لهنا
الحاكم الاعلى : شينسو بقولك, ايه رأيك تبقى المختار مكان البنت الصيوحة دي؟
شينسو : لا مش مهتم ، انا جي هنا عشان ازهقكم مش اكتر
الحاكم الاعلى : طب ما تروح اي جناح من القصر دا و انا هحققلك كل حاجة انت نفسك فيها
شينسو : لا مش مهتم برضو
الحاكم الاعلى : دا انت عيل غتت
*جايا اخدت ايديا و مشيو وسط ما شينسو و الحاكم الاعلى مركزين مع بعض*
شينسو : لا بس انت فيك من ملك الشياطين شوية
الحاكم الاعلى : انت تعرفه؟
شينسو : اه كنت برخم عليه من فترة
الحاكم الاعلى : انت تقصد انك نزلت العالم السفلي و قابلت ملك الشياطين شخصيا و خرجت عايش عادي؟
شينسو : اه ، لأكون صريح معاك هو حاول يقتلني اكتر من مرة و انا كنت برجعله كل مرة عادي
الحاكم الاعلى : انت خالد ؟
شينسو : لا انا شينسو
الحاكم الاعلى : يعمييي اقصد مش بتموت
شينسو : اه تقريبا
الحاكم الاعلى : هو ايه الي تقريبا؟ ما اه او لا
شينسو : بس كل حاجة نسبية
الحاكم الاعلى : عمي اينشتاين مش وقتك خالص اتهد
شينسو : بس انت خلقك ضيق اوي كدا ليه
الحاكم الاعلى : ما انت عصبتني
شينسو : انتي كلبة قفوشة و بتتعصبي انتي

و بس
اشوفكم بكرا
بالنسبة للحاجة الي لاحظتها و محدش منكم اخد باله ان معظم الشخصيات الي تم تقديمها من الالهه كانت نساء و معظم الشخصيات الي تم تقديمها من الشياطين كانت ذكور؟
حركة ثوعبانية جدا مني
هتيجي واحدة فيمنست مسعورة تقولي ان عشان النساء مثالية اوي و مجتمع ذكوري ابن وحشة
حركة غير مقصودة عادي و هتتصلح قدام مش حوار
الفصل بتاع بكرا هيكون قفزة ل مملكة البشر على طول عشان نتخطى كل الهري النظري الي في
الفصل دا تم تقديم شخصيات جديدة و لعنة و حوارات
احداث اهو
باي