ما وراء الكواليس

6

🧠: كدا المفروض خالد الي بقي ايزوس هيتدرب مع ارسيني , صح؟
شينسو : يب صح
🧠: يعني المفروض الفصل السادس يكون عن مشاهد تدريبهم و اظهار لتفاصيل اكثر عن ارسيني و العالم دا , صح ؟
شينسو : صح
🧠: ناوي تعمل كدا ازاي بقا؟
شينسو : انا عندي writer block تقريبا
🧠: لا متقولش , مش عارف تكتب الفصل الجاي ازاي اصلا ؟ ولا معندكش افكار للأحداث ؟
شينسو : الاتنين 
🧠: 🤡🤡
شينسو : طب و العمل هنتصرف ازاي ؟
🧠: ناخدلنا بريك شهر كدا ولا حاجة و هنتصرف 
شينسو : هنتقتل لو منزلناش الفصل دا قريب
🧠: طب بص احمد خالد توفيق كان قال  " اضافة شخصية نسائية يحرك الاحداث" ف متيجي نجرب ؟
شينسو : عايزيني انا اضيف بنت وسط كل العبث الي بيحصل دا ؟
🧠: و فيها ايه ؟ تضيف بنت ولا تتقتل ؟
شينسو : نضيف البنت 
🧠: شاطر , اسمها هيبقي ايه بقا ؟
شينسو : احنا عندنا اوردر بالاسم دا اصلا 
🧠: اشطا يلا نبدأ 

*الانترفيو للشخصية الجديدة*
شينسو : الاسم؟
- ايتن 
شينسو : السن ؟
ايتن : في العشرينات 
شينسو : ايوا عندك كام سنة برضو 
ايتن : المفروض اعرف ازاي و انت محددتش ؟
شينسو : تمام حصلخير , بتحبي ايه ؟
ايتن : الكتب و الموسيقي 
شينسو (لأبو الفصوص) : رسم و موسيقي ايه يعم , مش هتنفع خالص مشيها
🧠: مفيش غيرها دلوقتي هنعمل ايه
شينسو : احنا اتورطنا معاها صح ؟
🧠: ضيفها بس و هتبقي جامدة قدام 
ايتن : انت بتكلم نفسك ؟
🧠: قولها لا بفكر بصوت عالي مش اكتر 
شينسو : لا بفكر بصوت عالي مش اكتر
ايتن : تمام , اتقبلت ؟
شينسو : اه 
ايتن : هنبدأ امتي ؟
شينسو : دلوقتي 
ايتن : 🤡🤡🤡
شينسو : يلا مش وقت صدمات 

*قبل المشهد*
شينسو : بصي بقا , انتي هتبقي قاعد في امان الله عادي و مامتك هترن عليكي تقولك ان اخوكي كان هيعمل حادثه
ايتن : حادثة ايه؟
شينسو : كان في عربية بيسوقها واحد مش بيعرف يسوق و كان هيشيل يوسف بس ربنا سترها
*المشهد*
ام ايتن : اخوكي يوسف عمل حدثة النهاردة
ايتن : اتكعبل بالعجلة تاني ؟ هو الي مش بيحرم 
ام ايتن : لا كان في عربيه هتشيله
ايتن : *بتبص ليوسف* كدا و عامل حدثة عربية ؟ كانت في ديزني ولا ايه 
ام ايتن : لا في واحد ابن حلال انقذه و اتخبط مكانه و راح المستشفي و هنزوره كمان اسبوع
ايتن : ليه مش بكرا مثلا؟
ام ايتن : بصراحة معرفش
شينسو في الخلفية : عشان الحبكة و الكلام دا
ايتن : تمام انا جاية معاكم 
*تاني يوم*
*ايتن كانت قاعدة في امان الله (كالمعتاد يعني) يوسف دخل غرفتها و كان عايز يسألها عن حاجة*
ايتن : عايز ايه؟
يوسف : ليه مينفعش نروح نزوره دلوقتي 
شينسو في الخلفية : عشت و شوفت يوسف بيتكلم
ايتن : لو مامتك عرفت هتعملنا شاورما بس
يوسف : هيحصل فعلا 
ايتن : بس يلا نروح نشوفه no risk no fun
شينسو في الخلفية : she has no idea
يوسف : هنعرف عنوانه منين 
ايتن : ثواني و هرجع
*بعد خمس دقايق*
ايتن : كدا معانا العنوان 
يوسف : ازاي ؟
ايتن : وقعت ماما في الكلام و سألتها عنه في النص وهي بتحكيلي عن مشكلة جارتنا مع سلفتها الصفرا
يوسف : طب هي كانت تعرف عنوانه ازاي  
ايتن : سؤال منطقي والله , تقريبا المؤلف وقعت منه التفصيلة دي فعديها
يوسف : الغريب أن المشهد دا مكتوب من سنين و محدش شك في الموضوع
ايتن : يبدو أن القارئ و الكاتب بيشربو نفس الصنف
يوسف : يب حصل
ايتن : مش مهم يلا نروح للي انقذك و نكمل المشهد
يوسف : حاضر
*خرجو و ركبوا التاكسي*
*شينسو قاعد جنب السواق و يوسف لما شافه فقد النطق*
ايتن : ايه يا يوسف مال وشك قلب الوان كدا ليه لما شوفت شينسو
يوسف:....
شينسو : هي الاطفال كدا مش بتحبني مع اني كيوت و طيب *بص ليوسف* ولا ايه رأيك يا يوسف؟
*يوسف اغمي عليه من الرعب*
شينسو : شوف الولد من كتر التعب نام
*ايتن ادت العنوان للسواق عشان يروحو*
*شينسو نزل قبل ما يتحركو و قالهم هيعمل حاجة مهمة الاول و يرجع*
*عمرو الي صحي و ملقيش ولا خالد او شينسو*
عمرو : يبدو أنهم نسيوني في المكان دا لوحدي.
و بدا يدور عليهم في كل مكان و لكن مفيش اي اثر و قعد مكانه من كتر التعب و العطش و شاف حد جاي عليه من بعيد
عمرو : سراب دا ولا ايه
شينسو : بزمتك في سراب حلو كدا؟ المهم يلا عربيتك و تعال هنروح عند بيت خالد نشوفه هناك
عمرو : انت مش عارف هو فين؟
شينسو : في الاخر هتعرف

*عودة ل ايتن و يوسف بعد ما وصلو المكان بعد تقريبا ساعة و ايتن صحت يوسف و نزلو من التاكسي بينما شينسو ظهر من العدم تاني و فضل مع السواق بيستفسر منه عن اسباب إنهيار الاتحاد السوفيتي*
*ايتن و يوسف راحوا يخبطو على الباب و يرنو الجرس و لكن بدون اي رد*
ايتن : هو المفروض يبقي هنا و الا ايه فايدة المشهد دا , متقوليش اننا جينا لحد هنا عشان الولا حاجة. استني هنا هروح أسأل الجيران عنه
يوسف : ....
*ايتن رجعت بعد مدة*
ايتن : واحدة من الجيران قالتلي أنه مشي من البيت الصبح و العربية كانت شايلة شنط كتير
يوسف : يبدو ان ست الكل كان عندها وجهة نظر لما قالت نستني اسبوع
شينسو في الخلفية : I WAS RIGHT
*ايتن اتعصبت و راحت لشينسو الي كان مصدع سواق التاكسي بكثيرة الانفاق العسكري و ضعف الشيوعية و انهيار الاتحاد السوفيتي*
ايتن : لو مش هنشوف الي انقذ يوسف يبقي ايه الهدف من المشهد دا او حتي مشهد الانقاذ نفسه ؟
شينسو : مش عارف... حسيت انها لزوم التشويق و الحبكة

نكمل بكرا و احتمال كبير فصل بكرا يكون كبير شويتين تلاته ( اكبر من متوسط الفصول الي فاتت يعني) لانه اخيرا سيتم تقديم شخصيات جديدة كلنا نعرفها
تعليق : ظهور ايتن زي ما انتو شايفين كان لمجرد اني عندي writer block و مش عارف اعمل ايه ف اخذت بنصيحة احمد خالد توفيق أضافه شخصية نسائية بيمشي الاحداث اكتر
و لو فكرتو فيها هو صح و لولا ايتن مكنش هيكون في شخصيات كتير بالشكل دا
كل الشكر للعراب