ما وراء الكواليس

4

شينسو : انا كدا تقريبا قتلت خالد 
🧠: طب و العمل
شينسو : ابو الفصوص عاش من شافك 
🧠: يلا نسيب الواد الي قتلته و نقعد نتمرقع , مش وقتههه
شينسو : خلاص , نجيب بطل غيره ؟
🧠: مش هينفع , هنحتاج نعيد التصوير من الاول 
شينسو : طب ما نجيب عمرو و نرميه هنا وراه 
🧠:  و بعدين ؟ مين هيكمل الاحداث؟
شينسو : لا ما احنا هنكسل الرواية كلها انا اصلا مش عارف الاحداث هتروح بينا فين بعد كدا
🧠: انت مش عامل مخطط للاحداث ؟طب و الي مستنين الفصل الرابع ؟
شينسو : مخطط ؟ انت تعرف عني كدا ؟ نعمل من بنها و ندعي انهم ينسوها بسرعه 
🧠:  انت مدرك ان فيهم حد يقدر يجيبك من بيتك صح ؟
شينسو : يا ساتريارب 
🧠:  عندي فكرة , نط جوا البتاعة دي كدا
شينسو : ليه
🧠:  لو مت كان بها هرتاح منك و لو فضلت عايش شوف خالد فين و هاته
شينسو : اقتنعت   *نط جوا البوابة بدون اي تردد*
🧠: ميولة الانتحارية لفل الوحش
*داخل العالم الاخر*
*شينسو كان بيتمشي جوا قصر عجيب لحد ما لقي خالد في الزنزانة*
شينسو : انت ايه الي رماك الرميه السودا دي 
خالد : واحد غبي بشعر موف كدا 
شينسو : ايه المكان دا طيب ؟
خالد : انا الي المفروض اسألك اصلا
شينسو : ايه دا بجد؟ ثانيه كدا
*شينسو اختفى من قدامه كام دقيقة و رجع*
شينسو : احنا هنكمل احداث الرواية في العالم دا
خالد : انت مش عارف بتعمل ايه و بترتجل صح؟
شينسو : اه
*مشهد الزنزانة*
شينسو : بص بقا ، انت هتقف و تشوف الساعة بتاعتك * بيدي خالد الساعة عشان يلبسها* و بعدها تمسك القضبان و انا فين و تصيح شوية لحد ما واحد من الحراس يزوم عليك و يوقعك
خالد : دا اخر مشهد النهاردة المفروض؟
شينسو : دا اول مشهد النهاردة
خالد: و بعدين هيحصل ايه؟
شينسو : هيجي واحد يدخل عليك هنا و يحط أيده على جبهتك و يبرطم يشوية سحر غير مفهوم و يمشي و انت هتنام شوية
خالد : اخيرا شوية راحة
شينسو: he has no idea
*المشهد*
خالد اتخض أن ساعته مش شغالة
خالد: هو مديني الساعة البايظة دي ليه اصلا
و بدأ يتحرك و يصيح في الحراس لحد ما واحد منهم زقه و وقعه و برطم بشوية كلام مش مفهوم لخالد.
خالد فضل مكانه شوية لحد ما واحد تاني من المخلوقات دي ظهر و دخل عليه الزنانة ، برطم بشوية كلام
خالد: انت بتقول.....
و قبل ما يكمل شينسو كان كهربه بالساعة و اغمي عليه
*نهاية المشهد*
شينسو: مش هيتعلم ابدا
*و انطلق شينسو يستكشف ما تبقى من القصر لحد ما وصل لغرفة العرش*
ملك الشياطين : انت مين
شينسو : انا شينسو
ملك الشياطين : اله ؟ شيطان ام مجرد بشري
شينسو: انا شينسو ✨
ملك الشياطين : طب بتعمل ايه هنا؟
شينسو : لا مش عارف انا كنت بكتب رواية عن حرب و كدا و فجاءة لقيتني هنا
ملك الشياطين : البشري الي في الزنزانة دا تبعك؟
شينسو: يب دا المفروض البطل
ملك الشياطين : لكن دا المختار
شينسو : ما عشان كدا هو البطل ، انت ناوي تعمله ايه؟
ملك الشياطين :  المفروض نعمله مراسم الترحيب لما يفوق
*احد الحراس دخل الغرفة*
الحارس : المختار صحي اخيرا
الملك: عظيم روح هاته يلا
*في شيطان دخل غرفة العرش و استنى المختار*
*خالد الحراس ساحلينه عشان يروح غرفة العرش و غصبوه ينحني للملك*
*خالد دخل لقى ملك الشياطين قاعد على عرشه و شينسو واقف جنبه و في شيطان غريب واقف في الركن*
*ما بعد ترحيب ملك الشياطين*
ملك الشياطين : الي واقف هناك دا ارسيني دراعي اليمين
ارسيني : من دلوقتي اسمك هيكون ايزوس
خالد : ايزوس؟ *بيبص لشينسو*
شينسو: بصراحة الاسم عجبني و كنت بتلكك عشان استخدمه في اي حاجة
ارسيني : يا ملكي محاربنا هيكون اسمه ايزوس و هدربه بنفسي بعد ما يوافق على شروطنا
خالد : شروط ايه ؟ امال لو مكنتوش خاطفيني
ارسيني : هتقاتل معانا و لو خونتنا هتصيبك اللعنة
ملك الشياطين : ايوا هي دي شروطنا
خالد : شروطكم ؟ هو انا متقدم لبنتك طيب ولا ايه
ارسيني : لازم توافق لو عايز ترجع لعالمك قطعة واحدة و لو كسرت الشروط دي هتحل عليك اللعنة
خالد : لا متقولش ، لعنة الفراعنة؟ انا في برنامج مقالب ولا ايه
خالد : يعني محتاجيني و بتحطو الشروط كمان ، ايه البجاحة دي
شينسو : يمكن عشان شياطين؟
*خالد بص لملك الشياطين و ارسيني* خالد : تصدق عندك وجهة نظر
خالد : انا ارفض الشروط و كل الهري دا
ملك الشياطين *بيضحك* : انت فاكر انك ممكن ترفض الشروط دي ولا ايه؟ انت هتوافق عليها غصب و مفيش حاجة تقدر تعملها
*ارسيني جاب ورقة و غز خالد من ظهره بسيف و طرطش دمه على الورقه و اخد شوية منه و حطهم في قنينة صغيرة*
ارسيني : دلوقتي يا ايزوس بقيت واحد مننا و مع شوية تدريب هتبقي واحد من اقوى الشياطين في الوجود
*خالد وقع على الأرض بيفرفر و رجع دم غامق *
ايزوس : انت عملت فيا ايه؟
ارسيني : هو انا لسه عملت حاجة ؟ جسمك دلوقتي بيكتسب الهيئة الشيطانية و مع الوقت هتبقى اللعنة جزء من جسمك
ايزوس : هنعمل ايه دلوقتي؟
ملك الشياطين : هتقاتل ارسيني عشان نشوف مدى قوتك الحالية
ارسيني : يلا بينا يا ايزوس
ايزوس : على فين؟
ارسيني : على المكتبة , هنتخانق بالكتب احنا
ايزوس :.....
ارسيني : هنروح المكان الي هنتقاتل فيه
ايزوس : ازاي؟
ارسيني : كدا * انتقلو للمكان*
*راحو مكان ضخم اقرب للمدرجات الرومانية و كان في جمهور من الشياطين في كل مكان بيحتفلوا بظهور المختار*
ايزوس لنفسه : ءنا هعمل ءيه * و بص ل ارسيني و قال*
ايزوس : انتو كنتو مستعدين كويس لكدا
ارسيني : اكيد ، كل دول جايين من كل مكان في العالم السفلي عشان يشوفو المختار
* خلصو كلام و كل واحد منهم وقف في زاوية*
*مبقيش في غير شينسو و ملك الشياطين لوحدهم*
شينسو : يعني انت ملك الشياطين؟
ملك الشياطين : ايوا
شينسو : ممكن اعمل الدور دا مكانك؟
ملك الشياطين : دور ايه؟ تبقي الملك مكاني؟
شينسو : ايوا
ملك الشياطين : لا طبعا مستحيل
شينسو : انت اناني على فكرة
ملك الشياطين : معندكش حاجة تعملها و تحل عني؟
شينسو : لا قاعدلك
ملك الشياطين : *يصرخ داخليا*
شينسو : انا الي عملتك على فكرة
ملك الشياطين : عملتني ازاي يعني
شينسو : خلقتك
ملك الشياطين : لا مفيش الكلام دا ، انا خلقت نفسي بنفسي
شينسو : هنلحد بقا
ملك الشياطين : يعني ايه هنلحد ؟
شينسو : يعني تبقي هممم... زيك كدا
ملك الشياطين : يعني لو قولت انا مش ملحد كأني بقول انا مش انا؟
شينسو : لا الشكل شكلي ولا دي ملامحي ولا دا انا
ملك الشياطين : انت بتقول ايه
شينسو : لا اندمجت شوية اسف
ملك الشياطين : طب ايه رأيك تروح تشوف ارسيني و ايزوس بيتخانقوا و ترحمني شوية
شينسو : هممممم فكرة كويسة لكن
ملك الشياطين *بحماس* : لكن ايه
شينسو : لما ارجع مش هكون لوحدي
ملك الشياطين *مات داخلياً*

و بس الفصل خلص
زي ما كنتو شايفين الذهاب للعالم الآخر كان عشوائي هنا و في الرواية الاساسية برضو لأني ساعتها مكنش عندي اي مخطط واضح للأحداث ف دي كواليس الفصل الفعلية