ما وراء الكواليس

20

"يعني معتقولش وينه شينسو؟" - ايزوس

ارسيني : فاكر يا ملك الشياطين ابنك؟
ملك الشياطين : وه انا عندي ابن؟
ارسيني : اه
ملك الشياطين : من امتي ؟
ارسيني : من دلوقتي ، و انا بقلب في نوت شينسو لقيت ان انت عندك ابن و اختارنا له اسم فراودرين (🧠: الاسم القديم و بركة أنه اتغير بجد)
ملك الشياطين : طب هو فين؟
ارسيني : فاكر التمثال الي شينسو رفض يقولنا اي حاجة عنه؟
ملك الشياطين : هو الشيطان الي فيه ؟
( اوقات بحس ان ملك الشياطين جاي الرواية انتساب)
ارسيني : اه
ملك الشياطين : واو انا ابني طلع جامد ، طب مين امه؟
ارسيني : اهو دا السؤال الي شينسو شخصيا نسي انه لازم يجاوب عليه
ملك الشياطين : مش موضوعنا، هنعمل ايه في باقي الاحداث دلوقتي
ارسيني : المفروض اننا داخلين على اول معركة في الرواية دي و لازم تتكتب كويس
(🧠: معلومة عبثية : أحد الحاجات الي كنت بتمرقع عشان موصلهاش المعركة دي لاني معرفش هتتكتب ازاي)
ملك الشياطين : هستني ايزوس و الباقي و هنكتبها
*جايا و ايديا في هذه الاثناء*
جايا : المفروض دلوقتي رايحين المعركة الاولي
ايديا : ايوا اخيرا انا كنت قربت انسي احنا بنعمل ايه هنا
جايا : انتي متحمسة اوي يخربيتك ( بنات بقا و كدا)
ايديا : انا بقالي ١٢ فصل مستنية المعركة دي
(القارئ الغلبان : 🤡🤡🤡🤡)
جايا : بس انتي ظهرتي في السادس بس
ايديا : مختلفناش 😭
*راحو للحاكم الاعلى*
الحاكم الاعلى : ايه يا ايديا صوتك مسمع في القصر كلو ليه؟
ايديا : اخيرا هروح المعركة
الحاكم الاعلى : مين قال انك هتروحيها؟
ايديا ( و طلعت روح سواق التوك توك الي جواها) : انت بتقول ايه يسطا امال انا هنا بعمل ايه؟
(🧠 : الحاكم الاعلى رجع لورا شوية من الخضة و خاف احسن تطلعله موس من بوقها ولا حاجة)
الحاكم الاعلى : وجودك في المعركة دي خطر عليكي و لازم تتدربي اكتر
ايديا : بس انا عايز اختبر قوتي
الحاكم الاعلى : لا مش دلوقتي ابدا لانها غير مستقرة و خطر عليكي و علينا و على حبكة الرواية
جايا : خلاص يا ايديا هناخدك معانا المرة الجاية ، وعد
(القارئ : انا ليه حاسس أن الموضوع كرف على فسحة في ديزني لاند مش حرب و الحاجات دي)
*ايديا اتقمصت و راحت تعيط في غرفتها و جايا راحت وراها*
*في هذه الاثناء ايزوس و عمرو*
ايزوس : فاكر يا عمرو لما كنت بتتريق على الكتب بتاعتي؟ ولا لما كنت بتستعجلني عشان نخرج من المكتبة و تتصرف زي ما اكون خاطفك
ايزوس : عمرو انت مش بترد عليا ليه؟ عمرووو !
ايزوس : اه انا نسيت انك متعلق في و سدولك بوقك لما بدأت تصوت
ايزوس : على فكرة لو عايزني انزلك قولي متتكسفش
عمرو :......
ايزوس : انت حابب تتعلق كدا يعني؟
عمرو : .....
ايزوس : براحتك ، عندي فكرة
*و راح جاب قوس و كام سهم و بدأ ينشن على الحبل*
*و جابه من اول مرة و عمرو بدأ يقع لكن ايزوس الحنين كان حاططله مخدة عشان دماغه متتفتتش و يموت
و بعد ما وقع فكه*
عمرو : انا بقالي يومين متعلق هنااا
ايزوس : احلي يومين في حياتي
عمرو : يعم غور تبا لكم
ايزوس : تعال نروح ل ملك الشياطين و ارسيني و الباقي و نشوف هيعملو ايه في الفصل الجاي
*عودة لجايا و ايديا*
جايا : مالك يا ايديا بتعيطي ليه بس
ايديا : يعني ايه مش هروح معاكم المعركة ؟ امال جبتوني ليه؟ نيش؟
جايا : اكيد الحاكم الاعلى عنده حكمة في الموضوع دا و كدا عشان مصلحتك
ايديا : مليش دعوه عايز اروح المعركة دي يعني عايز اروحها
جايا : طب ايه رأيك احكيلك قصة حب ؟
ايديا : شوف الولية انا بقولها ايه و هي بتقولي ايه
جايا : هتعجبك انا متأكدة

و بس
قصة الحب الي لبستني و شلتني سنة لقدام
كدا عندنا تلات فصول من كتابة قطيع البهايم دول
و الي غيرو مجري القصة جذرياً
اشوفكم بكرا في فصل خفيف لطيف اخر
باي